علمونا أهلنا أن نقفل الباب خلف
الضيف على مهل حتى لا نضايقه و يظن
إنه كان ثقيل ، فما بالك بقلوب الناس ؟
_________________
نواف: راسي مصدع كعدت ع صوت ود دك بالباب
ود:عمو نواف عموووو نواف افتحلي
نواف: فتحت الباب بسرعه خفت لا بيهن شي
شصاير ولج ليش تعيطين
هيله: شبيج ود شكووو
نواف: ليش ترجفين احجي شصايررر
بطلي بجي وفهميني
ود: عمو نواف اجه مختار يكول عمو راضي
مسوي حادث وهو بطريق وهسه بالانعاش حالته خطره
هيله: دكيت ع صدري يمه اخويه
نواف: لجج ياهو كلج وين مختااااار
ود: بالباب يتصلون عليك مجاوب
هيله: نواف راضي راضي راح يموت هم مو
نواف اخويه بعياط وبجي ضليت اصيح اهلي
يموتون واحد بعد واحد واني جم كلب عندي حتى يتحمل فراكهم هيج كعدت بالكاع ملخت روحي
ود: اباوع ع عمتي تخبلت شعرها كله ملخته بايدها نزلت يمها لزمت ايدها وعمي نواف ركض لبس هدومه ويريد يطلع
هيله: اخذني وياك اروح وياك نواف اخذني لاخويه
نواف: عوفيني مو وكتج خلي افتهم الصاير
هيله: وروح ابويه اكتل روحي لو بقيتني هنا نواف
بروح امك اخذني وياك اخويه هذا نواف اخويه
نواف: خمس دقايق وطلعن غير الخمس دقايق اعوفجن
وامشي
ود: ركضت عمتي للغرفه تلبس ملابسها واني لبست شنو شفته كبالي هلكد ما اعصابي ترجف يمكن بدلت بالمكلوب الملابس
نواف: مختار شصايييير شببببي راضي
مختار: انت وينك العالم محترك وانت ولا يمك جهازك
ليش ما تشيله
نواف: مختار احجيلي شبي راضي وروح امي
رجليه متحملني
مختار: بطريق بغداد سيارته وسيارة واحد ثاني واحد فايت
بالثاني الرجال الثاني مات واخوك بالانعاش حالته صعبه
نواف: اخذني هناك مختار
مختار: السياره برا امشينه جاي نطلع واشوف
البنات طلعن شني جايبهن ويانه
هيله: اروح وياكم اريد اشوف اخويه
مختار: خويه طريق بعيد لبغداد روحتجن صعبه
خليجن هنا امشن لبيتي يم الحجيه والبنات وعود نطمنكم
هيله: لااا فدوه اروحلكم اخذوني اشوف اخويه
اخاف يصير بي شي واني مو يمه لا تحرمني من شوفته
أنت تقرأ
غضب المختار
General Fiction(للكاتبة سُكينة الشمريه) رجل يقع في الحب ويتزوج ولكن في منتصف الطريق يجد نفسه وحيدا مع ابنه الصغير وبسبب الخذلان لا يثق بالحب ولا بالنساء وفي يوما ما وفي بيت احد اصدقائه يجد الحب مرة أخرى ليقع في شباك حواء وبسبب حبها وايمانها به اصبح قلب الضابط الغ...
