غضب المختار

البارت ٦٢

رواية غضب المختار

للكاتبة الشمرية✍️🕊

________________

قبل سنة ونصف / يوم وفاة دره

ود: كاعدين بيت عمي نواف
ناس صافنه ومصدومه وناس عيونهم تجري كلشي صار فجأة وفاة دره صدمه وكعت علينه وخلتنه بحالة ذهول ليش وشنو الصار منعرف كل الي اعرفه صار عدها وجع فضيع من أثر الوجع وكعت واغمى عليها متحملت وكلبها متحمل لآخر لحظه وهي تصيح ابني انقذو ولا تخلو يموت اني اولي بس اهم شي ابني بجيت واني اتذكر شلون تتوسل بعمتي نسمه

خبر وفاتها اذانه بنيه بدايت شبابها تعذبت حيل بحياتها وتالي تروح بكل هل سهوله لا اعتراض ع حكم رب العالمين بس اكو أشخاص كلشي معاشو بالدنيا دخلو وطلعو منها وهمه ممفتهمين منها شي واعمارهم متناسب الدنيا وضيمها

نسمه: عمه كومي مسمعين صوت بناتج فرفحن من البجي

ود: مينه فدوه روحي شوفيهن والله مالي حيل امشي

مينه: امي يمهن رايحه اشوفهن

ود: وهاي الثانيه الي ما صار عشرة ايام من زواجها التمت المشاكل كلها ع راسها

كل وحده همها شكل وكل وحده اذا شكت تهون مصيبة الثانيه ودكلها الله يساعدج

منتظرين الزلم يرجعون من الدفنه

النسوان ماليه البيت ومن ضمنهم ام دره وخواتها الشي العجيب امها تبجي بس ابد مشفت لهفه ع بتها يعني مو مثل باقي الأمهات غيرها وحده صوتها واصل لآخر الشارع هيه ساكنه وهاده وتبجي بهدوء بس إقبال اخت دره دك وتلطم وتتخربط يجون العالم يذبون عليها مي وتصحه وترجع نفس الشي وتعيط وتصيح خيه المهظومه

شفتهمتي من حياتج رحتي تركضين لكبرج ليش خييه ليش عفتي وليدددج خيه ما شافته ولكم
كتلت نفسها عليه وتالي ما شبعت منه

ود: لزمت ثوبها وسوته نصين والنسوان يغطن بيها ويصبرنها
هي تحجي واحنه نزيد بالبجي الهضم والقهر كله ابنها سوده عليه امه راحت وما شمت ريحته

ولا هده من يوم الي طلع منها وهو يبجي شكد حاولنه ويا نريد ما يسكت تشيله مينه يبجي اني اشيله يبجي حتى عمتي نسمه نرضعه ما يقبل ضعف كلش واكل ما ياكل تخبلت عليه عمتي وهسه بطلاع الروح نام ودمعته بعينه يكسر باب الكلب

كمت لغرفة عمي كاعده عمتي وياها البنات ومينه بحظنها يمان

لبيد: نونو

مينه: ي حبيبي هذا نونو اكعد اكل هذا البسكت حبيبي

ود: التفتت مينه ذر وين

مينه: ذر ما شفته حسبالي يمج

ود: ابننني ركضت طلعت من الغرفه ادور عليه
ذررر ذرررر ماما وينك عمه ذر مشفتي