غضب المختار

النهاية

العيون أستراحن
هَودن بالشوف
والگلُوب ألتقن
وبشوفنا أحترگن..

بَس اشجار يمنة
وخُفنة بيها عيون
خاف تشوفنة
ولحظاتنة يغرگن..

عريان السيد خلف

...................

مختار: اول ما خلصت شغلي مشيت الها للعيادة حتى لو ما مخلصه انتظرها ارد اشوف شلون تطلع بلايه علمي دكيت عليها مره وحده وسديته عشر دقايق وطلعن

شفتها من بعيد وجها اصفر ما عجبني وضعها بس ما سألت صعدن سلمت نرجس وهي الله ساطرها رديت السلام وحركت السياره طبكت بصف بيتهم نزلت
رجعت عيني عليها حاطه راسها ع الجامه حركت السياره وصلنه للبيت نزلت صفيت السياره ونزلت وراها وصلت للباب التفتت عليه اجت توكع كضيتها

خلت راسها ع جتافي وسمعت همس منها وكبل لا طيح كضيت من خصرها

ودددد ود شبيج

ما ردت شلتها ودخلتها للبيت شفت مرت علي

مااي بساع

خليتها ع التخم ضربتها ع خدها خفيف ودد سمعيني
جابت الماي خليت بأيدي وطشيت ع وجها فتحت عينها

ود: ذر اكل غداء لو لا

مختار: شني بويه حلمانه

ود: اني وين

مختار: بالجنة شو كليلي هاي شكد

ود: ضربت ايده تضحك عليه

مختار: هههه استغفرالله ولج ليش هيج طحتي

ود: لان بلا اكل من الصبح ليهسه

مختار: وليش ما ماكله

ود: مالي نفس

مختار: حلوه هاي مال مالي نفس

شموخ: سويت مي دجاج وتمن هسه اصبلج تغدي وجهج اصفر مو زين تضلين بلا اكل من صبح ليهسه

ذر: مامي

مختار: شني شني مامي شني ولك شو تعال جاي

ود: شتريد منه

مختار: اششش

ود: رفع صوته فزينا اني وشموخ وذر عينه دمعت
مختار شبيك

مختار: تعال هنا

ود: تقربت عليه بخوف عيني ورا اذا صدك سواها وضربه هسه اطلع من البيت

مختار: كضيت ايده شني مامي ولك شني هاي المياعه هاا

ذر: افو(عفو)

مختار: هاي المياعه ما تعجبني مره ثانيه اسمعك هيج تحجي اشوي ع ذانك بصل

ود: ترا طفل شمعرفه بهيج امور