لا تذب روحك ع رايد يروح
ابنادم يحبك اذا تتجاهله
عيش مثل البير الي يعطشك يجيك
الماله حركه بشوفتك لا تبلله
اذا تهتم بشر يثكل عليك
اتريده يهتم اهتمامك قلله
#عريان_سيد_خلف
______
علي : هذا مختار
رحت للباب فتحته
مختار: السلام عليكم
علي: عليكم السلام خويه تأخرت
مختار: الضيوف منو
علي:شيخ حامد ابن الشيخ جاسب ويا رجال وشاب
مختار: خير ان شاء الله دخلت للاستقبال
السلام عليكم ميت هلا
الكل: وعليكم السلام
شيخ حامد: شلونك ابا ذر
مختار: هلا بيك شيخنه انت شلونك ان شاء الله بخير
شيخ حامد: بخير بخير
جاين ومنتظرينك وكون النريده نطلع منا مخذينه
مختار:ابشر يجرالك امر شيخ
شيخ حامد: اعرفك ابن اخوي جابر الله يرحمه محمد
بعد ما توفه اخوي انا تكفلت تربيته وتاخذه من هل ايد
مختار:ونعم منك شيخ ومن تربيتك
شيخ حامد: الف رحمه ع روح ابوك صدك الخلف ما مات
مختار: يرحم موتاك رحم الله والديك
شيخ حامد: اجاني وليدي محمد وكالي عمي انا رايد استقر
واكمل نص ديني وانا ناوي ع بت ناس وأريد من هل بيت ويوم
الاشر ع بيتك يا أبا ذر كتله ونعم من ختيارك ياعمي عبن معروفين بالأصل والشرف والطيب ومايرد طالب يم بابه
مختار: ابو خالد معروف بيتك مفتوح لرايح والجاي للفقير والمحتاج وانا شاهد الي الشرف اناسب من دمك وتربيتك
اعتبرني موافق ابو خالد متطلع منا خاطرك مكسور بس
يا شيخ هم الاصول دكول ناخذ شور البت هذا زواج
ولو ما راضيه انا ما اجبرها وتعذرني لو ما راغبه
شيخ حامد: أصيل ابا ذر ونعم هذا التوقعته منك وهذا حكك
وحك البت دام اخذنه الشور منك ننتظر شور بنتكم ونرد بعد
ان شاء الله من تفرحونه الفرحه الجبيره
مختار: وين ما طلعون عشاكم هنا
شيخ حامد: كفو منك خليها نذر ليوم المبارك النعقدلهم بي
مختار: تنور انت وهلك كلهم ميت هلا ابو خالد نورت بيتك
شيخ حامد:منور بأهله ياطيب اودعناكم بويه
مختار: الف هلا
وصلتهم للباب انا وعلي
بسلامه الله وياكم
علي : شو وافقت بسرعه شعرفت عن الولد
أنت تقرأ
غضب المختار
Ficción General(للكاتبة سُكينة الشمريه) رجل يقع في الحب ويتزوج ولكن في منتصف الطريق يجد نفسه وحيدا مع ابنه الصغير وبسبب الخذلان لا يثق بالحب ولا بالنساء وفي يوما ما وفي بيت احد اصدقائه يجد الحب مرة أخرى ليقع في شباك حواء وبسبب حبها وايمانها به اصبح قلب الضابط الغ...
