غضب المختار

البارت التاسع والخمسون

صافن وجكارتي بأيدي خلصت واني ما ماخذ منها ولا نفس

نواف: دخلت للمكتب محس بوجودي

وياي جندي واكف صحت سيدي لازم نطلع

مختار: رفعت عيني ورجعت نزلتها

نواف: سديت الباب وتقربت عليه مختار مختار

مختار: اسمعك مو أطرش

نواف: جا ليش ما تجاوب

مختار: التفتت عليه نمر

نواف: صاحب علي شبي

مختار: امه البقاء لله

نواف: وووف لا إله الا الله شلون صار هيج وياهو كلك

مختار: علي اتصل عليه لاكيها بفراشها لا اعتراض ع حكم الله بس هذا الولد ينتهي بعد أمه أصلا معنده غيرها بهاي الدنيا لا عمام ولا خوال ولا عرف

نواف: اذيتني عليه كلش

مختار: الله يصبره وكفت وخليت سلاحي بخصري هل مره تأخرنا كلش بالدوام انذار ومشعول الغالي شهرين ع فد وكفه الكل ما ضايك طعم الراحه لو النوم ثواني

وهسه طالعين طلعه نجحنه بيها ننزل لا والله انتهت بفشل معلكين شهر ثاني

الولد ما مقصرين أبد بس العمليه كلش صعبه اذا دخلنه مية شخص نطلع خمسين

شهداء شكثر نطينة ما ضل حيل بينه وأحنه نشوف دمهم يجري

خلصت العملية وهاي المره سيطرنه ع الوضع
بس هم خسرنه شهداء

.. سيدي المنطقة امناها

نواف: وذاك البيت

..مثل ما توقع الضابط مختار الغام ماليه البيت

مختار: الشباب حذرهم لا يتقربون منه

... تم سيدي

نواف: لزمت سلاحي واشرت لشباب

يلا شباببب الله يقويكم تحررت هل منطقه بزود غيرتكمممم

الكل بصوت واحد .... عاششش العراققق بزود رجاله

مختار: رجعنه بالنصر الحمدلله هذا الرد لاهله سالم وهذا الرجع عريس ملفوف بعلم العراق

ايدي لازم بيها راسي ع باب السياره وصافن

ذر: مختار نواف يمعودين

نواف: شرايد

ذر: شبيك انت ويا جنكم ارامل شصار باخر عمليه

نواف: هه كول شني الي ما صار

مختار: ذر نواف خلي الطريق يخلص بلا كلام راسي جاي ياذيني كلش