غضب المختار

البارت التاسع والثلاثون

من اشوفج واكفه ع الذنب اتوازه
يا اول گطن بخدوده غمازه
ودتني امي تسلم عليج ودكول
من خدودج ضوه لليل نعتازه
اشوفج ودري ماشبع
وجيبن كيس وضمج لليل تعوازه
الكيمر بي طبع ماينوكل لو بات
بس خدودج تبات وتضل تازه
انتي وياي ناس دفع وماطيح
الشايب مايطيح وبيده عكازه
حلاتج بالضوه تلمعين وجرحين
ماجنج بشر عبالنه كزازه

انزله ستوري بصوت مختار😍❤❤ شدكولون

______________________________________________

ملاك: اغسلهن بدالج

حسنه: شو كربي خيه ايدناتج ناعمه مو مال شغل اكلج اطلعي للطرمه تلكين هناك حنفيه جواها سطل أملي ماي وخلي بالمبرده بس يدري بالج لا تنتلين من تنكع لا تجيسيها

ملاك: حاضر

انور: طلعت من الدوام تعبان حيل الوضع مال نومه مابيها كعده
فتحت باب الخارجي بالمفتاح العندي جاي ادخل سمعت صوت يم شباك غرفتي التفتت شفت الملاك بس هل مره بغير هيه شفتها لابسه دشداشه مخصره عليها وبنفس الوقت عريضه ولافه شال شلون ماجان اتذكر من شفتها بالمركز جانت سافره
بس لحظه هاي شدسوي

هيييييييييي

ملاك: توني اشيل السطل وصوت ورايه فززني بحيث وكع من ايدي المي اباوع شفت انور همزين اجه ابتسمت بوجه تقدم

انور: شدسوين

ملاك: فززتني شوكت اجيت منتبهت عليك

انور: انسي شنو جنتي سوين شلون تملين المبرده وهي مشتغله اذا لزمتج تدرين شسوي بيج

ملاك: لا حسنه كالت لتلزميها تنتلج كلت امليها من بعيد

انور: باعي اطراف ثوبج كلها منكعه لا اله الا الله منو سمحلج طلعين اصلا البيت هنا كشف شافج احد

ملاك: اباوع عليه واحجي بكلبي شبي هذا واذا احد شافني شعليك انت والله حتى مالي خلك اتناقش ويا ضليت ساكته

انور: شو صافنه

ملاك: شنو اخليك تحجي براحتك

انور: تقربت عليها اكثر
شنو لج مخليتني احجي وحدي ولابستني شنو قصددج

ملاك: لا والله مو هيج بس شرد عليك

حسنه: انور اجيت شسوي هنا

انور: التفتت بعيني ع حسنه بعدين رجعتها ع هل خبله عفتهن ودخلت جوه اسلم ع امي وابويه

حسنه؛ ولج شبي ليش كالب وجها

ملاك: رفعت اكتافي
معرف