غضب المختار

البارت السادس والثلاثون

سأكون ملجأك سَأحتويك دائماً سأكون لك الأمان الذي لن يتخلى عنك يوماً أطمئن أنا معك دائماً 🤍

هذه الحرف هي الامان بحد ذاته

_____________________________________________

انور: سيدي الضابط نواف قبل يومين توفه عمه هذا الأسبوع ماراح يكدر يلتحق

الامر: نواف ومختار هل اثنين حالتهم عجيبه ميمر شهر اذا ميتوفه عدهم احد لو تصير وياهم المشاكل

انور: صحيح سيدي

الامر: اخذ انت مكانه انور ولا تنزل هذا الأسبوع

انور: صار سيدي
بعد التحيه طلعت من المكتب
امي شلون بيها اذا ما انزل هذا الأسبوع يمكن ترجع تتخربط
نزعت البيريه من راسي وتنهدت بتعب

العسكري: سيدي اكو بنيه هنا اجتي تسأل ع الضابظ مختار

انور: بلغها بعدم وجوده صعبه هاي

العسكري : بلغناها سيدي بس مو راضيه تمشي دكول اله اشوف الضابط مختار يله اطلع شكلها يزعل بصراحه سيدي

انور: زعلك شكلها فاتحين ملجأ هنا امشي شوفنياها امشي
طلعت ويا العسكري حتى اشوف البنيه دخلت للاستعلامات لكيت وحده كاعده وضامه وجها بايدها ويمها كاعد ملازم سيف رجال حقنه وما ينبلع وابو نسوان درجه اولى يكتل نفسه اذا شاف مره دخلت بعد تحيت العساكر انتبه لوجودي
كام من مكانه

سيف: ليش ناديتو الملازم انور مو كتلكم اني احلى السالفه

انور: يباوع ع شباب ومتجاهل وجودي ضليت اباوعله برود يذبح روحه حتى ينرفزني ولو تطلع روحه ما اخلي يوصل لليريده

يمكن شافوك مو كد السالفه

سيف: شنو قصدك

انور: شوف انت هنا بمقر لا بيتك ولا بيتي حتى تاخذ راحتك بالحجي لكل مكان احترامه وهذا مكان عملك خليك محترمه

سيف: انت اخر واحد يحجي ع احترام

انور: ابتسمت اني اكثر منك محترم والدليل محترمك لهاي الدقيقه ومنازل لمستواك
شفته يباوعلي بحقد مشه دخل للكرفان تابعته بنظراتي الا ان دخل اقسم بشرفي شكو شي خايس بالحياة من هل كائن طالع

العسكري: سيدي هاي البنيه

انور: التفتت ع مكان البنيه لكيتها نفس وضعيتها
تقدمة عليها وحجيت اختي أمري بشنو اكدر اساعدج

رفعت راسها عليه وياريتها ما رافعته
دخيلك ربي منين مصنوعه هاي البنت حرت ع شنو اباوع ع عيونها الجنهن بحر بحر ودموعها كارثه بعيونها والخد وردي من الله وبي اثار اضافر ابد ما مخربه جمالهن والشفه حمره دم جنها كرز نازل توه والشعر الجنه فصوص ذهب الله وكيلكم غرت وخفت عليها هاي شلون دخلت لهيج مكان وحدها تمنيت اضمها من عيون الناس كلها لا تسألوني ليش اني نفسي ما اعرف بس الاعرفه ماريد احد يشوفها غيري