Fantastic Five🦋

ملحق جغرافيا

بعد عدة ساعات من الاسترخاء والاستحمام وتناول الطعام كانو يجلسون أمام التلفزيون ينتظرون ملابسهم الجديدة فقد ذهب فارس و مازن لشراء ملابس وكل ما يحتاجونه، بما أن منظرهم الاكثر قبولا بينهم لتنظر ليلى على يسر تجدها قد غفت لتوجه انظارها إلى عز لتجده ينظر إلى التلفاز بشرود لذلك اقتربت منه وهى تتمتغ"ايه يا عزوز مالك ! "

اعتدل فى جلسته بارتباك وهو يتساءل"مالى منا زي الفل اهو"

جلست على رجل المقعد خاصته وهى تتساءل "زعلان علشان اللى حصل فى بيتك صح ! "

حك رأسه قليلا قبل أن يردف" مش علشان اللى حصل فيه، علشان سبته، البيت دا كان عزيز على ماما اوى متخيلتش انى هبهدله بالشكل دا "

ربطت على كتفيه وهى تقول "ليك عليا قبل ما نسافر من هنا هنظبط لك البيت"

"هتظبطوا البيت علشان اقعد لوحدى فيه " نطق عبارته بحزن مازالت لا تعلم سر كرهه للوحده لتحاول تغير الحديث الحزين.

"طب لو جتلك فرصة تقعد مع واحد بس مننا تختار مين " تساءلت بمزاح لكنها تفاجئت به يجيب دون تفكير "روز "

اعتدلت فى جلستها ليرتفع إحدى حاجبيها بتلقائية وهى تردف "نعم ياروح ماما ... دا انت لسه شايفها امبارح "

توتر كثيرا وأخذ يعدل نظراته ويحك ذقنه وهو يقول بارتباك"روز ايه .. بس .. طلعت غير مقصوده "

هدأت الأخرى قليلا أثر أرتباكه لتجلس مره اخرى وهى تردف بمكر "احكي احكي، عجبتك ها "

أنهت جملتها بغمزه ماكرة من عينيها ليبعد وجهه الجهه الاخرى إلا أنها التفت له وهى تردف"خلاص متقولش لما يجى مازن بقى نشوف الحوار دا"

تفاجئت به يزداد خجله و ارتباكه أكثر وهو يتمتم "لا لا.. بلاش مازن .. شكلى هيبقى وحش قدامه "

عقدت حاجبيها بعدم فهم "ليه يعني ! "

ابتلع ريقه وهو يقول"واضح أن فيه حاجه بنهم مينفعش ابص لوحده تخص صاحبى، علشان كدا قفلِ ع الموضوع دا دا خيال فى دماغك مش اكتر"

"خلاص أهدى اعتبر انى معرفتش حاجه"
__
"يامازن يلا بقى وحياة اغلى حاجه عندك" ألح فارس بعد أن اشتروا اغلب ما يحتاجون من إحدى المولات التجاريه الكبرى.

ليزفر الآخر بنفاذ صبر وهو يتبرم "هو دا وقته يا فارس "

"دا انسب وقت ، لوحدنا والبنات ف البيت مع عز، يلا بقى علمنى اشقط ازاى "

نظر له بحنق فهو منذ ساعه ونصف يلح عليه دون ملل أو كلل ليرضخ فى النهايه لرغبته، إذ توقف أمام إحدى المقاهي يتفحص المكان بعينين حادتين كالصقر ثم نظر الى فارس وهو يردف "اتفضل طيب عاكس اى بنت وريني اخرك ايه "

تحرك من أمامه وهو يعدل ياقة قميصه بفخر وهو يردف "اتفرج على البنات اللى هيترموا عليا دلوقتى"