Fantastic Five🦋

عودة إلى أرض اللقاء(الاخير)

تهجمت ملامحه فورا عندما رآها تجلس بكل راحة هكذا، تتناول الطعام بتلذذ وهي تشاهد التلفاز.

"هتقف تتنح كتير يا بيبي تعال كل"

"كلك قطر يا بعيدة، انتِ بتعملي ايه هنا!!"

"بودعك.. وبودع الدنيا معك" دندنت بسخرية أحدي الأغنيات التي كانت تستمع اليها يسر أثناء فراقهم.

قذفها بالوسادة بغضب وهو يرها تكمل تناول الطعام "سيبي الاكل وقومي هاتي يسر"

"اجبها منين يا بيبي"

دبدب بغل من برودها فـ هي قد أفسدت عليه ليلة زفافه كما أفسدت عليه حياته، لذلك أردف متذمرا"انت بتعملي ايه دلوقتي، سيبِ الاكل و قوميلي"

أمعنت النظر إليه وهي تنهض وتترك الطعام، بينما تقترب منه بخطوات واثقه تهتف"اديني قومتلك، ابعد انت بقي انت على وش جواز واللى بتعمله دا غلط على صحتك"

تركته ودلفت إلى الداخل لتعود بعد قليل وقد ارتدت ملابس أخري تصلح للخروج.

"رايحه فين يا بلائي الاسود" أردف بصراخ وهو يركض خلفها يمنعها من الخروج من الغرفة.

"زهقانه نازله اتمشي " أجابت بلا مبالاه.

"الساعة اتنين ونص الفجر!! "

رفعت كتفيها بغير اكتراث وهي تومئ بالايجاب ثم اردفت بخبث "ما تكلمنا لنا الواد مازن تشوفه بيعمل ايه"

"مازن ايه سيبي الواد فى حالة مش كفايه بوظتي يومي"

"وبوظت يومك ليه ياحبيبي، احنا فيها عايز ايه ! " اردفت بدلال مستفز

"عايز مراتي لو سمحتِ"

"حاضر بكرة الصبح هتلاقي مراتك عندك، استاذنك بقي اروح اقعد مع عزوز"

دفعته وهمت على فتح الباب عندما جذبها من ذراعها وهو يهتف "رايحه فين، اترزعي هنا مفيش مرواح فى حته"

"قد الحركة دي "

"لا، بس مش بردو مفيش خروج، طالما خرجتي يبقي هنقضي ام الليلة سوا، ف اترزعي بقي وخليها تعدي على خير "

"طب ما تعدي على شر انا وحشني الشر اوي"

دفعها أمامه لتسقط على الأريكة بينما جلس هو أمامها يقضم قطعو من الطعام بغل وهو يردف "تطفحي ببس"

اعتدلت سريعا تأخذ الملعقه وهي تردف "عندك بيرة!! "

ترجلت ليلى من المرحاض وهي تضم بديها معدتها التي تآن من الالم.

هرول إليها مازن يلتقطها بين يديه يساعدها على السير وهو يردف "تعالي ننزل المستشفى يابنتي"

نفت برأسها ثم اردفت بتعب بعدما جلست على الأريكة "مش مستاهل اوي، صدقني شويه وهبقي احسن، قوم بس اغليلي شوية نعناع"