<< After loving you >>

အပိုင်း ၁၄

Unicode

ကုမ္ပဏီရဲ့ ဘတ်ဂျက်ကျဆင်းမှုအပေါ် ရှယ်ယာရှင်တွေ၏ complainတက်မှုတွေကို ဖြေရှင်းနိုင်ရန်အတွက် Drama Series Projectတစ်ခု ဖန်တီးရန် စီစဉ်မှုတွေကို သူ ကိုယ်တိုင် ကြည့်ကြပ်နေရသည်မို့ ဒီရက်တွေအတွင်းမှာ ပင်ပန်းလွန်းလှသည်။ နောက်ထပ်,ထပ်တိုးအနေဖြင့် သတင်းရှာဖွေရန်ချိတ်ဆက်ထားသော  တာဝန်ရှိသူဘက်မှ အကြောင်းကြားမှုတွေကြောင့် စိတ်နှလုံးမှာလည်း ညှိုးငယ်လျက်။ Black n White စီအီးအိုဟာ ဒီတလျောက်လုံး ကိုကို့ရဲ့သူငယ်ချင်းဖြစ်သူထံမှ အကူအညီတွေအများကြီးကို ရနေခဲ့သည်။ ပြီးတော့ အရင်တုန်းကသူရှာတွေ့ခဲ့ဖူးတဲ့ ဂျောင်ဂုရဲ့ ငွေစီးဆင်းမှုတွေမှလည်း ဆက်စပ်မှု‌ရှိနေပြန်သည်။

မျှော်လင့်ချက်တွေအများကြီး ပုံအောထားရတဲ့ ဇာတ်လမ်းတွဲအတွက် locationမှသည် fashion teamအဆုံး ဂျီမင် ကိုယ်တိုင်၏အကဲဖြတ်မှုများဖြင့် ရွေးချယ်ထားသည်။ ဇာတ်လမ်းတွဲအတွက် နောက်ဆုံးအစည်းအဝေးကို ဒီနေ့မှာပြီးစီးနိုင်ခဲ့ပြီး မနက်ဖြန်မှာတော့ စတင်အကောင်အထည် ဖော်ကြတော့မည်ဖြစ်သည်။ ဒီပရော့ဂျက်ကနေ ဈေးကွက်အတွင်းပြန်လည်ထိုးဖောက်နိုင်ဖို့ ရည်ရွယ်ထားပြီး အားလုံးရဲ့ဝေဖန်ထိုးနှက်မှုတွေကိုလည်း ချေဖျက်ပြချင်သည်။

ဇာတ်လမ်းတွဲမှာ ဂျက်ဆင်၏အကူအညီတွေကိုလည်း အများကြီးရရှိခဲ့ပြီး Black n Whiteနှင့်အပြိုင် သူ့အားဦးစားပေးမှုကိုလည်း ရခဲ့သည်။ ထို့အတွက်ပင် ဂျက်ဆင်နှင့်အတူရှိတိုင်း သူ့ထံစိန်ခေါ်မှုအသစ်တွေ၊ပြဿနာအသစ်တွေက ရောက်လာတတ်ပြန်သည်။

ပုံမှန်ရုံးဆင်းချိန်ထက်နောက်ကျသောကြောင့် လမ်းကြပ်ခြင်းကို ရှောင်လွှဲလိုက်နိုင်ပေမဲ့ အက်စီးဒန့်တစ်ခုကြောင့် ကြံ့ကြာနေသည်က ဘယ်လိုမှရှောင်လွှဲ၍မရ။ အလုပ်ပင်ပန်းသောဒဏ်ကြောင့် ဂျီမင်သည် အတန်ကြာရပ်နေရသေးသော ကားထဲမှာပင် အိပ်ငိုက်လာတော့သည်။

တာဝန်ရှိသူများ၏ အချက်ပြစစ်ဆေးနေမှုကြောင့် ထိုအနီးအနားမှာပင် ယာဉ်အချို့ကရပ်နေရသဖြင့် ငြီးတွားသံတို့သည်လည်း တို့တိတို့တိထွက်ပေါ်လာလျက်။ ထိုအသံတို့နှင့် ယာဉ်ထိန်းရဲကားများမှ တဝီဝီမြည်သံတို့ကြောင့်သာလျှင် ဂျီမင်၏ အိပ်ချင်စိတ်တို့သည် မိုးပြေးတိမ်တိုက်တို့သဖွယ် ပျောက်ကွယ်သွားပြီး သတိပြန်ကပ်လာတော့သည်။