الحب المحرم

Psycho 15

*************************************

:"دخل!"
جاه صوتو تقيل مور الباب سامح ليه يدخل ،تقدم ساد الباب موراه منزل راسو بحترام
:"سيدي
سكت لثواني كيحاول يلمح وجهو وسط غيمة الدخان دسيكار لي كيكميه ،شكون من غير الزعيم ديالو لي غيكمي فسبيطار ...لا و هو يلاه يوماين باش خرج من عملية انتزاع رصاصة دازت على بعد انش من قلبو
:"نطق ولا خرج
كلمو ببرود و هو استجمع نفسو
:"سيدي كيف طلبتي الخدمة مشات مزيان شحنة المخدرات دازت بلا مشاكل و حتى صفقة الأسلحة دفينشينزو دازت مزيان
عطاه اخبار النهار مطمنو على انه جميع أعمال الأسر لي تحت حمايتو دازو مزيان و فالمقابل حرك ليه الزعيم ديالو راسو بموافقة اما لوريس فوقف تما كيتسناه يسمحليه يخرج او يعطيه شي أوامر جديدة
سالا سيكار ديالو لايح لي بقا منو على الأرض و قاد من وضعية جلوسو كيسد فقميجتو الكحلة على صدرو تحت نظرات لآخر لي تبعو بعينيه حتى وقف بصعوبة موقف ظهرو و معدل من استقامة كتافو و بكل نرجسية قاد شعرو مخلل فيه صباعو كيشوف فالمراية الصغيرة دحمام الغرفة عاقد حجبانو من منظر الهالات تحت عينيه والحالة لي كان عليها وجهو
:"سيدي الجرح باقي جديد بزاف الطبيب قال بلي ...
تكلم من بعد مدة حاول يسكت فيها راسو و انه لي قدامو الزعيم ديالو و مخسوش يدخل و لكن الجرح كان أخطر من انه يتعامل معاه بهاذ الطريقة المتهورة.
قرب منو استبان بخطوات تقال حتى وقف قدامو بفارق طول صغير ،دقيقة ،جوج ثلاثة ..والو حتى حاجة ،تنهد برتياح فاش فكر بلي غير كيخنزر فيه و لكن توقعاتو كلهم تحطمو فاش شنق عليه بجوج صباع ملصقو مع الحيط موراه و صباعو على جناب عنقو فنقطة الضغط عليها يقدر يسبب موتو
:"لوريس...
نطق سميتو بصوت غليض و بحة مميل راسو لجنب مكمل كلامو :"لوريس علاش هاد الإصرار كامل فأنك تقرب نهار موتك علاش !
رمى عليه كلامو و لوريس نزل راسو كرمز على انه كيتأسف بلا ما يحاول يشوف فيه و لا يزيد كلمة بخوف انها تكون بنبرة متعجبوش .
لحظات من الصمت عاد بعد منو متخطيه خارج من السبيطار ماشي قبل ما يلبس نضاضرو دالشمس .
______

:"و ماريا باراكا دوختيني
قالت جولي لهديك لي كتمشي و تجي فالبيت حاطة يديها على فمها ،حالتها فحال الحمقة من هادي يوماين ،كتنعس غير من العيا و كتفيق مرعوبة فنص الليل
:"اش غنكلس واش من نيتك ..راه ضربتو بقرطاسة لقلبو ..يا ربي يموت ولا هاد الخوف كامل ...انا مبغيت والو بغيت غير حياتي ...غنحماق بغيت نرجع لفين كنت ..كون غير قتلاتني هديك الطونوبيل هداك النهار
غوتات فآخر كلامها و مشات وقفات قدام الشرجم فحال ديما مربعة يديها لصدرها مخليا الهدوء يرجع للغرفة عكس عقلها لي كلو مشوش و مضاربين فيه مشاعرها بطريقة خلاتها تشك بلي قريب تحماق
:"غنمشي نجيبليك كاس دلما
علماتها جولي من بعد ما شافت فيها كتسناها تقول شي حاجة و فاش ملقات حتى جواب ناضت خرجات
نزلات الدروج و مشات نيشان لجناح الخدم فين كان مطبخ كبير فحال د أكبر المطاعم و متسولوهاش علاش و هما كانو غير قلال فالقصر و أغلبية الوقت كياكلو برا و غير جوج وجبات لي كيتجمعو عليهم ،الفطور فالصباح باش يتلقاو تعليمات النهار كامل.. و العشا فليل فين كيقولو اش دارو و واش نفدو كولشي.
ابتاسمات فوجه العمال مع الدخلة و كولهم بادلوها بلطف من حبهم ليها عكس توأمها لي كان كل من كيعرفو مكيحملوش و لا كيتفاداها من تعابير وجهو الباردة .
:"بغيتي شي حاجة الآلة ؟
قالت وحدا من الخدم من بعد ما حطات اش فيديها باش تعاونها
:"لا غير خليك اما غناخد بوحدي
جوباتها ببتسامة صغيرة و مشات لبلاكار حلاتو باش تاخد كاس خاوي و توجهات لتلاجة خدات قرعة صغيرة دلما
:"الله يعاونكم
قالت بصوت عالي شوية على باب المطبخ قبل متخرج و هي كتسمعهم موراها كيتشكروها
تمشات فلكولوار كضور القرعة فيديها و ابتسامة صغيرة على وجها ،فحال هاد الناس كانو سبب فشعورها بئنسانيتها ،كفاش كلمة وحدة زوينة كتخلي وجهم يلمع بهديك الطريقة و قلبهم يبغيك و يغفرليك اي حاجة ،كانو بطبيعة الحال عارفين خدمتها و شافوها شحال من مرة كتحارب قدامهم فاش كيوقع شي هجوم كيفما عارفين بلي القنابل لي كتصنعها هي و خوها كانو سبب فموت بزاف ديال الناس حيت ببساطة كانو كيتباعو لمنظمات إرهابية و غيرها الا انهم محكموش عليها و تعاملها معاهم قدر ينسيهم فشكون هي .
و هي غارقة فأفكارها ساهية قدامها مخليا رجليها يرجعوها لبيت ماريا ،تلاقاتو وسط الطريق ،بكوستوم من ماركة إيطالية كيف العادة...وقف على بعد خطوات عليها كيشوفها كفاش جمدات بلاصتها على بعد عليه
قلبات عينيها صارطة ريق و جمعات راسها دايزة من حداه فحايلا مشافتوش
:"جوليان
وقفها نطقو لسميتها بصوت ثقيل و هي ضارت عندو كتسناه يقول اش عندو الا انه بقا ساكت كيشوف فيها فحايلا باغي يختارق لحمها شيئ استفزها و قاطعاتو
:"كيف بقيتي شوية ...قاليا مارسيل اش وقع