الحب المحرم

Psycho42(الأخيرة )

Hey
نتمنا تكونو بخير بنات و ولاد حيت اكتشفت بلي كايقراو قصصي حتى دراري 🤗مرحبا مغنطولش عليكم و كاين حاجة مهمة فآخر لكتبة الا بغيتو سيرو ليها نيشان ⛔
اولا :بغيت نقوليكم شكرا بزاف على دعم ديالكم من نهار بديت لكتبة دهاد الرواية ،لأول مرة نكتب بوحدي فواتباد من بعد مدة طويلة، مكنتش عارفة واش هاد ستيل غيعجبكم و صدمتوني ،شحال من مرا مكنكونش قادرة نكتب و كنلقا كومنت زوين وصلني كيخليني ندخل نكتب على قبلكم ..لدرجة حفضت سميات شي وحدين فيكم لي ديما كنلقاهم فكل بارت 😍 love you ❤

تانيا (مهم⛔):كيفما لاحظتو كاين شي شخصيات مركزتش عليهم بزاف و نهايتهم بقات مفتوحة حيت ببساطة بغيت نكتب قصة خاصة بيهم و فنفس لوقت تبقا على اتصال بالحب المحرم. ،بأحداث جديدة و قصة جديدة طبعا ،داكشي علاش بغيتكم تقولو ليا انا وحدا باغيين نبدا بيها (آه باقا معاكم هنا فواتباد مغتهناوش مني 😅😂صبروا)
كاين :
🟣قصة جولي و ميكيلي بعنوان :çi
🟣قصة زوربا بعنوان: زوربا (zorba)
🟣قصة فابيان و نتاشا
كتبوا ليا انا وحدة تبغيو نبدا بيها ،نخليكم مع آخر بارت مع أبطالنا، غنتسنا أراءكم فحال ديما ✨

______________________________________

ساعات الإجتماع لي دوز و هو كيفكر فواش قرار صائب انه يجي عندها ،و الطريق لي جاهد باش مينزلش فنصها باش ميوصلش لعندها و حتى دروج لي رجليه طلعوه فيهم بلا ما يحس تابعين قلبو...هاد لمشاعر لي عدباتو كاملة مكتسوا حتى حاجة قدام الخوف لي جاه و هو قدام بيتها .
قلبو كيترجا عقلو باش يسمح ليديه دير ضغط اكبر على مقبض لباب باش ينزل ،بتفك القفل و يدخل .
كون كان جلال باقي يمكن كان غيعاونو ياخد القرار ،اصلا عمرو كان بوحدو حياتو كاملة ،حتى هاد الفترة لي دازت كان زوربا ديما حداه و كيقرر بلاصتو ...وخا كيبين بلي معاجبوش لحال يدخل فيه ،فالحقيقة هو عارف بلي كيقدمليه معروف كبير حيت ببساطة عمرو واجه الحياة بعقل واحد .
تحل لباب من لداخل مخليه يبعد يديه بزربة ،وقف قدامو لمساعد ديالو مخرج فيه عينيه فحايلا شاف شي شبح ...فالحقيقة اه ،كان الموقف قريب لهادشي
:"م.مستر ..استبا..استبان
لهدرة خرجات من فم لوريس بزز حتى انه غلط فسميتو باش ينطقها ،شاف فيه من لفوق لتحت ،واش هذا هو الجسد لي تلاح من طابق الخمسة و عشرين ،نفس الجسد لي لقاه على الأرض غارق فبركة ديال الدم ،لمنظر لي شافو مكانش كيخليه ينعس لمدة طويلة ،حمد الله ألف مرة حيت ماريا كانت سخفانة لفوق و مشافتوش ،باقي عاقل بلي حتى رجال الإطفاء لي جاو مقدروش يقربو منو حيت كيفما قالوا ليهم هو تقريبا ميت و كيفما حركوه غير غيقربو منو لموت كثر .
:"اش كنتي كدير لداخل ؟
سولو بنزعاج و طل بنص عين ،كانت عاطياه بضهرها فوق نموسية
:"جي..جيت (بلع ريقو حاط يديه على فمو ،يلاه جملة مفيدة وحدة الوريس )كنت كن..
مقدرش ،قلب استبان عينيه بنزعاج و دفعو من كتفو باش يحيد من طريقو و سد لباب فوجهو
قرب من النموسية بشوية حتى لقا راسو عند راسها ،ضار من الجهة التانية ،وخا ضلام لي فلبيت، قدر يشوف وجها، ممتيقش بلي هو توحش شي واحد ،بلي حتى هو قادر يبغي و يحس بهاد المشاعر لكبيرة و خصوصا لي ممنوعة على وحش فحالو .
حيد فيستو بشوية لاحها فالأرض و تكا حداها جامع يديه لعندو ،ربعهم باش يتأكد بلي مغيقيسهاش ،غير غيشوفها حتى لساعات الأخيرة من الليل و غيمشي ،صافي غير هادشي .
قرب صبعو من وجها مدوزو على بشرتها و لوريس برا لي باقي قدام لباب كيسول راسو واش كان خاسو يقوليه بلي ماريا منعساش و لا لا !.