الحب المحرم

Psycho20

______________________________________
واقف فوق هديك الطبلة وسط أكبر حانة فالمدينة و لي فنفس الوقت كانت ديال الزعيم ديالو كيشطح بطريقة خلات البنات لي تما كلهم يغوتو دقة وحدة مع حركاتو و يديه لي تحركو كيحلو صدايف قميجتو بئغراء حتى حيدها ولاحها عليهم معاون وحدة من الراقصات تجي للمنصة لي عليها هو تشطح معاه و جسدها ملاصق مع ديالو ،كان كل ما مكيتسمع فالبلاصة الموسيقى اللاتينية لي طلب منهم يخدموها و الضواو لي انعاكسو على بشرتو و صدرو لي ولا عريان مقدم لهدوك لي تما عرض كامل من التعري ،كيتحرك هو والراقصة فنفس الوقت و خصرو لاصق معاها من لور كيتمايلو على أنغام الأغنية .
دفعات الباب بجوج يدين داخلة فحال شي ثور هايج و مارسيل موراها وقف حدا واحد من الحراس لي حياه بحترام
:"اش واقع ؟
الحارس:"سيدي مستر روسو شرب بزاف و مستر الفارسي فالمكتب ديالو لفوق و قلت مغيعجبوش الحال الا شاف اشنو واقع لداخل،هادشي علاش عيطليك
تكلم بحترام و مارسيل ضرب على كتفو مبتاسم ليه و تبع خطوات جولي مفاهمش اش واقع اصلا و علاش استبان مغيعجبوش الحال حيت ميكيلي هنا ،و مضطرش يفكر كثر من هاكا على علاش تكلم الحارس فاش وصل حدا جولي لي وقفات بعيد على هديك الجماعة دالناس لي ضايرين عليه هو فوق الطبلة فحال شي راقصة تعري ،شي كيلوح عليه الفلوس ،شي كيصفر،شي كيحرك كاسو دالشارب فالسما و كل وقيتة كيصفقو ليه مشجعينو يكمل
جولي :"شفتي على شوهة داير لينا فينما مشا
تكلمات من بين سنانها و عينيها معلقين عليه كفاش كتلمس فيه هديك الراقصة
مارسيل :"ريحة الغيرة هادي لا!
جولي :"عفاك منقساكش ،دخل خرجو ..ولا عرفتي بقا هنا
و دخلات بنفسها وسط الناس جابدة فرديها من السمطة دخصرها ،كدفع لي جا فطريقها و الا لقات كفاش تنتف شي بنت من هدوك لي تما كديرها
وصلات اخيرا لطبلة لي واقف عليها و ضربات رجليه بيديها بكل قوتها حتى نزل عينيه عليها مبتاسم بخبث ،كان سكران هادشي لي فهمات من عينيه لي شبه ناعسين ،تحنى على ركابيه واصل لمستواها ،وجهو قدام ديالها
:"لا لا لا (و حرك صبعو قدامها )الوليدات الصغار مخاسش يجيو لهاد البلايص خاس يكونو ناعسين دبا
قال بصوت تقيل بسبب الشراب و بغا يرجع يوقف يكمل شطيحو كون ما يديها لي شدات دراعو متبتاه بلاصتو حامدة الله انه سكران و الا مكانتش تقدر تحكم فيه
جولي:"نزل براكا من هادشي ..شحال عندك من عام؟باغي تخرج علينا!
ميكيلي:"علاش نتي ديما هاكا ها ..مكتبغيش لي يفرح بعيد عليك ..ياك نتي كتكرهي ميكيلي ..صافي حتى هو
و سكت كيفكر اش غيقول و عينيه كيضورو فجنابو و خط من الدموع خلاهم يلمعو بلا ما يغادروهم، اما هي فحطات يديها على جنبها كتنهد بضيق
ميكيلي :"مكنكرهكش ..شفتي حتا انا لي معنديش القلب مقادرش نقوليك هاد الكلمة
و ضحك واخد قرعة دالفودكا مداتها ليه بنت من الحضور و هو بدورو لاح ليها بوسة طايرة
جولي :"ايه نتي
غوتات فوجها و جراتها من شعرها من لور باغا توصليها بأي طريقة و بيديها لوخرة كتحاول تاخد القرعة منو هو لي كيحاول يوقف بزز و كيتمايل بوحدو حتى غوتات وسط منهم بعصبية دافعة البنت و هو من فوق الطبلة حتى طاح من جيهة المقابلة كيضحك و خرجات من وسط هدوك الحيوانات كيفما سماتهم لعند مارسيل لي باقي بلاصتو خاشي يديه فجيبو و كاس دشراب فيديه الحرة كيشرب منو فحايلا ما واقع والو
:"دخل خرجو نتا الا زدت دقيقة هنا غنرتاكب شي جريمة و هادا (حيدات الكاس من يديه لايحاه فالأرض بعصبية )ماشي وقتو
و خرجات كتخبط فرجليها مع الأرض و كتنهج فحيالا كانت فشي سباق مخليا مارسيل كيشوف فيها مفاهمش هو علاش تغوت عليه ..اش دار؟ .