الحب المحرم

Psycho31

_____________________________________

تمنية قد قد ،شاف فالساعة بكره حيت تحركات و لوقت موقفش فحال لي تمنى ..نزل راسو على يديه لي شادين فلفولو بحزن قبل ما يشهق مخنوق فاش جاتو رغبة كبيرة بأنه يبكي و لكن مقدرش ...ابتاسم بستهزاء من نفسو لي بقات كتمثل البرود و انعدام المشاعر حتى ولا بصح فحال لي كيحاول يبين ...ثقل كبير على قلبو مقدرش يخرجو على شكل دموع
:"علاش !
غوت بصوت عالي و ضرب لي قدامو بهستيرية حتى ولا حمر
استبان:"خليها ليا!
همسليه صوتو بشر فودنيه و جلال سكت للحظات ، جانبو الحقود و النرجسي عجباتو لفكرة ..استبان هو لي غيعرف ليها
جلال:"ولكن واعدتها ..كفاش غنخليها تمشي ..منقدرش ،دير شي حاجة
قال بحزن فحال شي ولد صغير تالف و غياخدو منو لعبتو لمفضلة
استبان:"مديرش فيها كتوفي بوعودك، نتا أحقر واحد شفتو فحياتي
همسليه ببرود كينقص منو و جلال ضور راسو لجهة الشرجم حاط يديه قدام فمو ..الا عاود خدلها هاد لمرة بصح مغتبقا ليه حتى فرصة معاها ...ولكن اصلا مبقا والو ياك واعدها عمرو باقي يوقف فطريقها
غوت بعصبية على غفلة مراضيش بوضعو و سكت فاش سمع ضحك ديال صوت استبان فراسو
استبان:"شفتي اش كيوقع فاش كتصرف بلا بيا
جلال:"سد فمك ،انا عارف اش كندير
جاوبو بحدة و نزل لمراية صغيرة لي قدامو فين بانوا ليه عينيه ،الطريقة لوحيدة باش يتحكم فحوارهم هي يشوف انعكاسو قدامو
استبان :"وخا!
كعا،هادشي لي فهمو جلال من نبرة صوتو و الطريقة باش غبر مخليه مرة وحداخرا و هو بزربة تنادم معاه لحال ..من جهة كان باغي بصح يبدا معاها من جديد ..يشرحليها بلي كاين هو جلال لي كيبغيها و كاين المتوحش د إستبان و بلي ما عندو حتى ذنب فأفعال شخصيتو التانية و لكن هي ..هي!فكل مرة كتجرحو ..
:"كفاش قدرات تتخلى عليا كفاش!انا حتى فاش بغيت نطق بالوعد ديالي تعقد لساني و هي فنص نهار خدات قرارها و (سكت شوية متعلتم فكلامو)تخايل حياتها كلها مغتبقاش تشوفني ..حياتها كلها و جاتها ساهلة
نطق متعجب من انها مبغاتوش ولو للحظة لهاد الدرجة و سكت شوية كيفكر قبل ما يتنهد بضيق ممتيقش اش غيدير من بعد
:"استبان!استبان عفاك عاوني
طلبو بضعف ممتيقش بلي كيعيط لنفس الشخص لي كلا دوا باش يتهنى منو
:"استبان كنهضر معاك
غوت بعصبية فاش اتجاهلو و محتاجش يعاودها حتى ابتاسم بجنب عاطي السيطرة لشخصيتو التانية و عينيه رجعليهم الفراغ و البؤس لي فيهم
استبان:"هانا غنوريك كفاش كيتعاملو مع الجنس الآخر ..خاصة هاد لمريضة فحالك لي كتبغي.. غنوريك لغة لي كتفهم و بلا ما تخلف بوعدك ..شفتي شحال انا قلبي بيض و قبلت نعاونك وخا اش درتي
تكلم بشر و طرطق عنقو نازل من طونوبيل ،قاد فيستو كأول خطوة ليه عاد دخل للقصر واخد كامل وقتو كيفكر فواش ينزلها فالدروج من شعرها ولا غير يجرها بزز منها من بعد ما يلبسها لباس مناسب لموعد مع جلال ...كفاش تجرأ تقول لا لجلال ..باقي متزادش لي يعارضهم .
فالكولوار لبيتها بدا كيصفر لحن أغنية كلاسيكية كيضور راسو فاللوحات لي على لحيط حتى وصل لباب بيتها ..السبب لوحيد لي خلاه يحلو فحال ناس و ميهرسوش هو انه لمسخ دبنتو ناعسة موراه و آخر حاجة باغي يسمعها دبا هي صوت لبكا دشي طفل ...براكا لبكا دماماها .
ابتاسم بشر واجد لآش غيدير فيها حتى لقا راسو واقف فحال الصنم على عتبة لباب و أفكارو الشيطانية كلهم تبخروا .. كيشوف فيها جالسة قدام لمراية كدوز يديها على شعرها كتقاد فالغرة لي على جبهتها.
ضارت لعندو متفاجأة على شنو جابو و بزربة فهمات فاش شافت فالساعة لي فالحيط ..تمنية و عشرة دقايق !...فحال ديما مكتاخد لقرار حتى كيفوت لحال
:"كنت ..كنت كنفكر و.وو كان خاس نعس ارتي و نعطيها لجولي عاد
قالت بصعوبة و سكتات باش متشوهش راسها قدامو كثر .. كتشوف فيه كفاش سها فيها ..لثانية حشمات ناسية راسها و وقفات كتشوف فآش لابسة بحيرة...واش لون لكحل عصبو حيت ديما كتلبسو و هي معاه!
ماريا:"واش..
:"جيتي زوينة
هدر قبل ما يحس براسو و دغيا تعصب فاش سمعوا ودنيه اش خرج من فمو...هاذا جلال لي دخل ..باينة ..ماشي هو ..مستحيل استبان يقول هادشي.
قلب عينيه من عليها بزربة و هي ولات حمرة ..لسبب غريب لمجاملة من فمو مكانتش عادية ..يمكن لوريس قاليها كثر من هاكا و لكن هو كان غير
حركات راسها ببتسامة خفيفة وخا مكانش كيشوف فيها معارفا باش تجاوب كتقاد كلماتها فعقلها و فاش لقات لعبارة صحيحة باش ترد عليه قلب عينيه من عليها بملل و خرج ..معرفات مدير و ما لقات راسها غير كتهز فصاكها بزربة و خرجات تابعاه
لحقات عليه و هو فنص دروج ،نزلات حداه و ضورات راسها عندو كتشوف فيه كفاش نازل هاز راسو لسما بغرور بلا ما يعبرها حداه ..للحظة شكات فراسها هي لي طلبات منو لموعد ماشي لعكس .