الحب المحرم

Psycho29

نهار مور نهار و هي حداه ،..ولفات مرة وحداخرا نمط حياتها فجنبو ..طرف ثالت بينو وبين مراتو .. حتى من الحراس كانوا أهم منها فهاد القصر و كيكلمهم كل نهار باش يعطيهم تعليمات ماشي فحالها لي كان كيتجاهلها حتى بدات كتشك براسها شبح قدامو .و كأنه كيعاقبها حيت ولدات ارتي لي من هديك الليلة مبقا قرب جيهتها و لا خسر عليها نظرة وحدة..على الأقل هادشي لي عارفا.
خشات الفرشيطة ففمها واكلة آخر لقمة على طبلة الفطور كتشوف فبتسامتو لمراتو ...المختل عقليا معمرو ابتاسم ليها الا اذا كان غيقول من بعدها شي هدرة كتجرح او يعنفها و دبا كيتصرف بهاد الطريقة قدام رجالو ..طبلة الفطور ولات عبارة عن مسلسل دراما ديالو هو و ايرينا فكل مرة كيتجمعوا فيها و المكلخة لي حداه عايشة الدور ...علاش باقا مدارت حتى ردة فعل على اش شافت فالبيت !
قلبها ضيق من نظرات الحب المتبادلة بيناتهم هادشي علاش بعدات عينيها لعند هديك لي كتحرك فحضنها ،مبقاتش محدهاوكتكبر و حركيتها كتزاد .. بهداك الوجه لي نسخة من ديال استبان من غير لون الشعر لي خدات من عندها ..مبقاش لعيد ميلادها الأول بزاف ..غير شهر ..باقا ممتيقاش بلي هي ماريا ولدات هاد الكثلة الصغيرة بعوينات كبار زرقين و هي لي يلاه لبارح كانت كضارب مع يوسف باش تلبس حوايحو و تنعس حداه ...توحشاتو بزاف ..كان غيبغي ارتي و غيكون فحال الأب ليها لو قدرات ترجع للمغرب.

:"لا ارتي حبيبة ديالي حشومة
كلماتها بشوية كتحاول تبعد يديها الصغيرة لي ولات كتجر بيهم اي حاجة و هاد المرة كانو فجيب لوريس لي جالس حداهم .
شافت فيه ماريا مبتاسمة لابتسامة لي ترسمات على وجهو و داير على عينيه نضاضر كحلين .
ضار جيهتهم بشوية كيشوف فالفراغ كيتحسس هديك اليد الصغيرة لي كتحاول تخشى فجيبو
:"اشنو بغات الأميرة الصغيرة ها!
تكلم بحب و نزل راسو وخا معرفهاش فين هي بالضبط حتى كيحس بيديها شدو فعنقو كتحاول دوز من عند ماماها لفوق رجليه بصعوبة كبيرة خاصة و انها كتحرك غير بزز برجيلاتها لي باقيين ممتوازنينش و هي كتخرج أصوات صغيرة من فمها خلاتهم كلهم يضورو لعندهم كيشوفوا فيهم فحال شي أب و بنتو خاصة لوريس لي كان كيضحك من كل قلبو حاط يديه عليها باش مطيحش .
تكات عندو على صدرها خاشية صبعها ففمها كترضعو و وجها ضاير عند ماريا لي ابتاسمات ليها مميلة راسها كتحاول ضحكها حتى غمضات ارتي عينيها و كأنها ملات من ماماها راسمة على وجها نفس تعابير استبان فاش كيمل من شي واحد و جولي غوتات مصفقة بيديها ناسية بلي الزعيم ديالها على نفس الطبلة
:"اوووووهه واش دارت فحال الزعيم فاش كيتعصب و لا كنحلم
غوتات بلا ما تحس كضحك على حركات ارتي حتى سكتو كاملين و ضاروا لعندو هو لي مترأس الطبلة كيشوف فجولي بنظرات كون كانت كتقتل كون كانت ميتة دبا ،نزلات جولي عينيها بخوف و هو قلب عينيه بملل تماما فحال لي دارت ارتي قبل متجاهلها و ماريا حبسات الضحكة فحال مارسيل لي لاحظ نفس الشيئ.
شافت فيهم ايرينا بغيض من الإهتمام الكبير و المبالغ لي عاطيينوا لأم عازبة و بنتها لي باقا مكملات حتى عام فهاد الدنيا .
ضارت عند استبان حاطا يديها على ديالو حتى كتلقاه كيشوف بنص عين فآرتيميس باهتمام كبير ملاحظوا حتى واحد من غيرها .
ابتاسمات بجنب بغيرة و رجعات يديها لعندها كتحاول تقنع راسها بلي الموضوع ممستاهلش مغديش تغير من بنت صغيرة ...لا لا هي ماشي مريضة ،و لكن هداك الشبه لكبير بينو و بينها الا خفاتو على قلبها ،عقلها مغاديش يتجاهلو و عينيها كيشوفوا كل نهار هداك الوجه لي من بعيد باين مزيج بين ديال ماريا و استبان .
حسات بالدموع طلعوا لعينيها و حبساتهم باش متبكيش حداهم للمرة المليون ،من نهار دخلات لهاد القصر و هي فحال البنت الصغيرة غير كتبكي على اتفه الأسباب و دبا جا الوقت باش تكون مرات دون استبان فحال لي قالت مرات باها .
حسات بشي حاجة موراها و ضارت بشوية مبتاسمة لوجهو مباشرة فاش لقاتو وقف عند راسها معنقها قبل ما يحط يديه على عنقها متبتها منو كيبوس فيها فحال لي عمرو دارها بينما كولشي عينيه على آرتي ،للحظة استغربات حركاتو خاصة انه ماشي من هاد النوع و لكن كل مرة كيفاجأها بشي وجه جديد من شخصيتو و لصراحة سمحاتليه على كولشي ،حتى الا كانت بصح ارتي بنتو هو هي قادرة تسمحليه الا غيبقى يبغيها بهاد الطريقة ديما .
بعد عليها اخيرا مبتاسم ليها بغموض هامس ليها بكنبغيك حدا ودنيها و مشا مخليها غطير بالفرحة ،عكس هديك لي قدامهم و شافت كولشي من الأول للآخر .
كيعاقبها ،كيعقابها حيت هربات منو و حيت مبدلاتوش حبو فالأول ،فكل مرة كيلقاها كتشوف فيه مكيترددش باش يحرق قلبها .
زيرات ماريا على ارتي بين يديها من ألم روحها و كل خلية منها كتبكي فسكات حيت ماشي من حقها حتى تغير على واحد مزوج .
ابتاسمات لبنتها لي عندو لوريس بلطف و ناضت مخلياها لعندو حيت هو الوحيد لي كتيق فيه فهاد القصر كامل .
خرجات بالزربة من قاعة الماكلة حتى لحمام فين سدات عليها الباب، حطات يديها على الرخام قدام المرايا و هبطات راسها حتى شهقات بصوت عالي كتبكي مخنوقة من وجع قلبها ،علاش مكيدكروش هاد الجانب من الحب ،هاد الجانب المشوه و المريض .
ماريا:"متبكيش ،متبكيش عليه !..باراكا عفاك مبقيتش قادرا ،مبقيتش لا
كلمات انعكاسها فالمرايا كتبكي و شهقات كتمسح فدموعها و كتحرك راسها بالرفض
:"باراكا بكيتي بزاف ،غنموت الا زدت كثر فهاد التعاسة عفاك ..بنتي برا خاس نبقا على قبلها عفاك
واسات نفسها فحال ديما ،فحال من لي كان عندها سطاش العام و عمرات يديها بالما كتغسل وجها و دموعها موقفوش.. تعاستها مكانش عندها نهاية ،قدما متلات قدامهم، حزن روحها غير مكيزيد يكبر .
تأكدت من أثار الدموع واش مبقاوش و حلات الباب باش ترجع تاخد بنتها حتى كتلقى راسها قدام مساحة كحلة ،هزات راسا بالشوية من صدرو لي فحد بصرها حتى لعنقو لي مبقاش كيبان من الوشام لي عليه و اخيرا وجهو .
قطعات النفس بلا ما تحس كتشوف فيه ساهية و قلبها المريض رجع كيدق بالزربة فحال شي مراهقة مقادراش تسيطر على مشاعرها قدام شي راجل زوين لهاد الدرجة .
:"علاش كنتي كتبكي ؟
سولها ببرود و خشا يديه فجيابو كيشوف فيها من الفوق لتحت بغرور كيتسناها تنطق
:"مسوقكش
جاوباتو بنفس نبرتو و قلبات عينيها باغا تبعد من قدامو حتى لقاتو مكيتحركش قدما دفعاتو ،خاصة انه كان مفرق رجليه و مغطي عليها عرض الباب
ماريا:"قتليك بعد ..واش مكتفهمش
غوتات فوجهو معصبة و قبل ما تفهم لقات راسها لداخل فالحمام ضهرها تردخ على الحيط و الباب تسد موراهم بجهد حتى قالت تهرس
:"قتليك ألف مرة عرفي راسك كفاش كتهضري معايا
تكلم من بين سنانو و قرب وجهو من ديالها حتى غرقات فعينيه لي ولاو حمرين فحال شي وحش
:"و قتليك الف مرة بعد من طريقي ،واش مكتحشمش فاش كتشوف فراسك فالمراية و لا فاش كتشوف الحب لي فعينين مراتك و نتا كادب عليها كذبة قد راسك ..واش يسحابليك مغتعرفش شي نهار ها!
عاتباتو بعصبية و ضربات صدرو بصبعها ساكتة شوية باش تنفس عاد كملات
:"غيجي واحد النهار و غتعرف و غتخليك ،و حتى انا غيجي واحد النهار و غنعاود نهرب منك ،مغدي تبقا عندك حتى وحدة ،لا اللعبة ديالك(و شيرات على راسها مبتاسمة بستهزاء ) ولا مراتك و الأمان ديالك، غتبقا بوحدك فلخر
سالات اخيرا رامية عليه كاع اش كان فقلبها و سكتات كتشوف فيه كفاش ميل راسو لجنب مبتاسم قبل ما يحط يديه على عنقها قاجها حتى تلون وجها بالحمر و هزها منو حتى مبقاتش كتقيص الأرض
حسات بروحها غتخرج من ضغطو على عنقها و بدات كضرب فيه باش يبعد عليها و فالحظة لي حسات براسها غتفقد وعيها طلقها و ماريا بدات كتكحب فحال شي حمقة و كتنفس بصوت عالي باغا دخل أكبر كمية دالأكسجين لريتها
استبان:"لمرة الجاية لي غتفكري فيها تهربي هادشي لي وقعليك دبا غيوقع لبنتك ،متخليش حياتها تحبس قبل مدوز حتى عام كامل
هددها بشر مبتاسم و كأنه لي كيهضر عليها ماشي بنتو ،حتى انها شافت فوجهو كفاش كان قاصد كل كلمة قالها
ماريا :"متقربش من بنتي ولا والله حتى غنقتلك كتسمعني
غوتات بحدة من بعد ما حبسات نوبة الربو لي دخلات فيها و ضربات صدرو بيديها بهستيرية حتى شدها منهم مرجعهم مور ضهرها بيد.وحدة و قرب راسو منها حتى تخلطوا انفساهم ،كان فحايلا كيحبس راسو من انه يدير شي حاجة بالطريقة باش مغمض عينيه بتركيز كبير .
شافت فيه بخوف موجدة راسها لأي حاجة حتى حل عينيه
:"متحاوليش تحطي لوريس بلاصتي ،بغيتي ولا كرهتي انا هو الأب دالمسخ ديالك ..متخليهاش تعلق بيه ..متخلينيش نقتلو
علق على اش وقع فالطبلة و الغيرة بانت فعينيه ،شيى خلاها تفرح لسبب غريب ..على الأقل فيه ذرة من الأبوة
ابتاسمات ماريا بجنب كتشوف فيه كفاش مخنزر فيها و ندم على اش قال قبل بثواني فحال ديما
ماريا:"ارتي باباها ممساليش ليها ولا معتارف بيها هادشي علاش قررت نقلب ليها على اب آخر ،نتا عارف الولاد الصغار خاس يكبروا فعائلة طبيعية و لوريس غيكون آحسن أب فهاد العالم اش بانليك!