Alam mo, sa panahon ngayon naguguluhan ako sa mga lalaki. Kapag sinabihan ka ba nila na ‘Hindi nila kayang mawala ka’ katumbas din ba ito ng salitang mahal kita? Or another sweet words nila ito para ma-fall ka nanaman sa kanila? Pwede din naman dahil kailangan na kailangan lang niya ito sabihin para masunod ang gusto nila?
Naguguluhan ako. Buti na lang bago ako tuluyan mabaliw pumasok si ‘Nay Marya sa kwarto.
“Jusmiyo! Ibaba niyo nga ang baril niyo!”
Nagulat ako sa agad na pagsunod ng dalawa sa harap ko. Medyo nakahinga na din ako ng maluwag, at napahawak sa t’yan ko.
“Garreth! Bakit andito ka, dine?” narinig ko ‘yung boses ni ‘Tay Andoy.
“K-kilala niyo po si‘ya?” tanong ko.
Naramdaman ko ang pagpulupot ng kamay ni Hunter sa braso ko at hinila na ulit ako papalayo kay Garreth.
Wala naman ito magawa dahil napapaligiran na ito noong dalawang matanda. Parang bata naman ito napasabunot sa ulo.
“Bakit ba hindi ko naisip na bahay niyo pala ‘to?” sabi ni Garreth.
“Bastos ka talagang bata ka! Kumain ka na ba? Kailan ka dumating?” tanongni ‘Nay Marya.
Teka, naguguluhan ako. Pero bago pa ulit ako makapagtanong kinuha na ni Hunter ‘yung gamit namin at hinila ako papalabas ng pinto.
Itataas nanaman ni Garreth ‘yung baril sa amin, ganon din ang ginawa ni Hunter pero biglang sumigaw si ‘Nay Marya.
“Jusmiyo! Ibaba niyo nga iyan baril niyo!!”
Walang nakikinig.
“Ibaba niyo sabi! Walang aalis ng bahay ko hangga’t hindi ko sinasabi!”
“Anak naman kayo ng nanay niyo, ‘Nay, eh.” Sabi ni Garreth.
“Babae, halika na.” hinila nanaman ako nito.
“Tumigil kayo!” napahinto kami ng hawakan nanaman nung dalawang lalaki ang magkabilang braso ko. “Ako masusunod ngayon! Hala, doon tayo sa sala lahat!”
**
Kung may masasabi man ako ng awkward moment sa buhay ko. Siguro isa na ito doon. Tulad ng sinabi ni ‘Nay Marya nasa sala nga kaming LAHAT.
Katabi ko si Hunter, nasa kabilang gilid ko si Andeng katabi ‘yung kambal. Nasa harap naman namin si ‘Nay Marya at Garreth. Nasa magkabilaang gilid naman si Josa at Joseng.
“Ano nanaman ang problema niyong dalawa? Noong maliliit pa kayo, nag-aaway na kayo pati ba naman ngayon!” sabi ni ‘Nay Marya.
“Gusto ko lang kunin ‘yung kailangan ko.” sagot ni Garreth at sumandal sa upuan parang wala lang sa kanya ang lahat.
“Wala kang kailangan dito, Garreth.” Inis na sagot ni Hunter.
“Nag-aaway nanaman ba kayo sa iisang babae?” singit ni Andeng. “Hala, kaloka! Paulit-ulit na lang kayo. Daig niyo pa unlimited text ko, ah.”
“Ano? ‘Di ba wala na kayo ni Josa, Garreth?” tanong naman ni ‘Tay Andoy.
“Matagal na, ‘tay.” Ngumisi pa ito at tumingin sa akin.
What. The. Heck?
Garreth and Josa?
Josa and Hunter?
‘Yung naproposed? Torn between him and the other guy?
Shiat! H’wag mong sabihin…
“Magkakakilala talaga kayong tatlo?!” gulat na gulat na tanong ko. Sumasama nanaman tuloy pakiramdam ko dito. Shit!
BINABASA MO ANG
Wanted: Mr. Perfect (Published Under Pop Fiction)
HumorPayapa naman ang buhay ni Ashley Esqueza noong hindi niya pa pinapakialaman ang laptop ng hello ABS bodyguard niya na si Hunter. Sa kadahilanan mahanap ang lalaking para sa kanya, hindi niya sinasadya na gamitin ang laptop ni Hunter, until she saw a...
