Wanted: Mr. Perfect (Published Under Pop Fiction)

Perfect 20: Galleon Ship

Sa totoo lang, ngayon gabi medyo nag-iba na ang pakiramdam ko hindi katulad kahapon na puro galit talaga ang nararamdaman ko. Buti na lang niyaya ako nila Andeng na mamasyal dito sa perya. Ngayon, meron akong hawak na cotton candy habang palakad-lakad kami dito.

"Tingnan mo 'to, oh. Dance contest! Sali tayo!" narinig kong sigaw ni Andeng.

Nginunguya-nguya ko naman 'yung cotton candy habang binabasa 'yung nakasulat sa poster.

"Halloween Dance Showdown."

*Containing atleast 6 and above members.

*Wear your best Halloween costumes.

*Prizes*

2nd runner up: 3,000 PESOS

1st runner up: 5,000 PESOS.

Champion: 7,000 PESOS and trip to an exclusive island to be announce during the contest.

"Salit tayo dito, Joseng! Sama natin sila!" yaya ni Andeng dito.

"Pwede! Ang taas ng premyo, oh! Nagpapalakas nanaman si Mayor, para iboto si'ya sa eleksyon."

"Nagpapalakas agad? Hindi ba pwede gusto niya lang magenjoy 'yung mga tao sa lugar niya?!"

Kumamot naman ng ulo si Joseng. "Ewan ko sa'yo, Andeng. Lagi ka nakakontra sa'kin."

Pinapanood ko lang sila mag-away. Ayoko makisali, saka hindi naman kasi ako marunong sumayaw. I mean, sige, alam kong sexy ako pero hindi talaga biniyayaan sa pagsayaw. Siguro nga nung nagbigay si Lord ng mga talent tulog ako.

Hay, bakit ba kasi nung ganda na 'yung pinasaboy niya doon naman gising na gising ako, at sure na surea ako nasa front row pa ako. Nakikipagtulakan pa siguro.

"Basta sasali tayo dyan! Period!" sigaw nanaman ni Andeng at lumapit na sa'kin sabay hila sa braso ko. "Alam mo ba pupunta din dito si Hunter?"

Medyo nag-init tuloy 'yung dugo ko. Ayoko nga si'ya makita ngayon. Pagkatapos nung mga ginawa niya sa'kin ng mga nakaraan araw!

"I don't care, eh, eh, eh, eh."

"Ashlita naman!"

Narinig ko na humalakhak si Joseng. "Ho ho ho! Sabi ko sa'yo, Andeng, lamang ang Team Garreth ngayon! Si Garreth talaga pipiliin niyan, diba, Ashley?"

Nagkibit balikat ako. "I don't know, eh, eh, eh, eh."

Tumalikod na ako sa kanila kasi nagtatalo nanaman 'yung dalawa. Paikot-ikot ako dito sa perya, actually, ang ganda nga dito may iba't ibang laro. Ngayon lang ako nakapunta sa ganito.

Napahinto nanaman ako ng marinig ko boses ni Andeng. "Sige ba! Sige ba! Ashlita!" habol nito sa'kin. "Kapag niyaya ka ni Garreth magrides pasakayin mo si'ya sa lumilipad na barko na 'yan, takot sa heights 'yon! Ewan ko lang kung mapapasakay mo si'ya. Tingnan talaga natin kung seryoso si'ya sa'yo."

Sumingit naman si Joseng. "Nako, 'yan si Hunter? Takot sa multo 'yan! Papasukin mo ng horror house! Mauuna pa tumakbo 'yan sa'yo. Maiiwan ka sa loob ng mag-isa."

Hindi ako makasagot sa kanilang dalawa. Shiat naman, oh. Paano ba naman parehong takot ako sa heights saka sa horror house na 'yan. Bakit ko susundin 'yung sinasabi nila?

"Ayan na pa sila eh!" sigaw nanaman ni Andeng. "Garreth! Garreth! Halika, dito!"

Nanlaki ang mata ko. Hindi ko na kasi alam kung saan ako titingin. Ayoko nga kasi sundin 'yung gusto nila!

"Oh, bakit? Problema?" naamoy ko agad 'yung pabango niya. Panay naman ngatngat ko dito sa kinakain ko, kahit stick na lang.

"Sabi ni Ashlita, sakay daw kayo sa lumilipad na barko na 'yon, oh!"