رئيس العشيرة أو شيخ لقبيلة أو شيخ المنطقة مالكها والمسؤول عليها هو مسيطر وقاسي على أي واحد محتارموش لهو لعائلة ديالو بالاخص. البطل ديالنا غزال فعمرو 30سنة شيخ لقبيلة الإسماعيلي .معمرو ظلم شي واحد كيعتبر راسو منهوم ومكيحگر على حد كل وواحد عاطيه حقو...
دازت لعشية كاملا وسحر مازالا على نفس لوضعية كالسة فلأرض دازت شي ساعة ناضت دخلات كتدوش حلات رشاشة وطلقات لما بارد ودخلات وسطها حتى حسات براسها تهدنات عاد خرجات لبسات بينوار ديالها وكلسات قدام لمراية حتى دخلات فايزة 👈فايزة:لالة راه جاو عائلة لاإسماعيلي ولكين لالة نزيهة مكيناش وهوما كيتسناوك لتحت 👈سحر: شكون جا بالضبط 😕 👈فايزة: لالة جات مامات سيدي فخر لالة سلطانة وعمتو لالة منى وختو فرح و أ وو بنت عمو ألالة 👈سحر: مالك كتكتمي عليا دوي خلاص طلقينا شكون هاد خيتي لي خالعاك 👈فايزة: لا الالة حاشا غير هو زعما هي بغيت نقول بنت عمو لالة ليلى كانت كتبغيه 👈سحر: أهاه مزيان ،خرجي دابا ضايفيهوم علامن نهبط ومنين يمشيو أجي عندي.خاصك تعاوديلي عليهوم كاملين واحد واحد ياله سيري خرجات فايزة وسحر كالسة كتبلاني غير بوحدها ناضت لدريسينغ كتشوف.شنو تلبس هزات فستان قصير أسود بلكمام ومنقط بأبيض لبساتو وهزات حداء ماعاليش بزاف جات زوينة ومشات كتقاد وجهها
صورتها👇👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
سالات ونازلة عندهوم وهوما منين كلسو وهوما كيتسناوها تهبط يشوفوها بلأخص ليلى باغا تشوف باش حسن منها هيا توجهات سحر عندهوم وهوما مازالين تحت صدمة ماشي منها ولكين من لباسها لي قصير بزاف ماشي ديال العائلة ديالهوم أو العشيرة ديالهوم عندهوم هادي قلة الحياء وقلة التربية
وصلات سحر عندهوم بابتسامة غرور 👈سحر: مرحبا تفضلو الحاجة مكيناش كون علمتونا كون قلنا ليكوم بلي مشغولين ولكين ميهمش دابا جيتو ،فايزة ضايفي الناس لالة سلطانة كتوشوش لبنتها فرج: شفت هادي بحالا كتجري علينا 👈فرح: مازال ماشفتي والو 👈لالة سلطانة: نتي هي سحر ياك 👈سحر: (باستهزاء😏 )هي أنا واخا باينين فوجهكوم بلي كتساناو تهبط شي وحدا خرا من دوك دروج مختلفة عليا ولكين معندنا منيديرو هاد ساعة كاينة غير أنا .(وشافت فليلى😏 وكملات جملتها )،وغغنبقا غير أنا داكشي لاش خاص تولفو لأمر بسرعة 👈منى: بنتي حنا جينا نتعرفو عليك حيت الخطوبة بعد غدا وميمكنش منشوفوكش 👈لالة سلطانة: هادشي لي كاين وخصكي تعرفي بلي أي وحدة دخلات لعائلة إسماعيلي كتولي منهوم يعني كتطبق لقوانين 👈سحر: بحالاش هاد لقوانين😑 لالة سلطانة طلعات فيها وهبطات زعما لباسك 👈سحر بدات كتنيرفا : أولا أنا مازال ماوليت منكوم وتانيا فخر بوحدو لي من حقو يقولي هادشي مفهوم أعكوزتي 😀 تصدمات من الوقاحة لي فيها ومبقات عارفة ما تقول : 👈 أنا عارفة ولدي عندو نفس رأي ديالي ولكين صراحة معمر كنت كنتسنى ولدي يبغي يتزوج بوحدا قليلة ترابي بحالك سحر ناضت بزربة وعيطات على فايزة 👈سحر: فايزة ،منين يساليو ضياف وصليهوم لباب أنا خارجا 👈فرح: أويلي واش مشات وخلاتنا 👈ليلى: أش زعما كنتو كتسناو منها تعرضليكوم بتمر ولحليب 👈سلطانة: نوضوو ياله هاد زواج مخصوش يكمل أنهدر مع فخر ليلى تبعاتهوم ماقاداها فرحة أخيرا أتهنى. منها سحر توجهات عند ملاك بقاو كيتعاودو حتى عاوداتليها شنو طرا ليوم 👈ملاك : ويلي ويلي على شيخة لخرا أكيد أتكون ديك لفعة طايرا بالفرحة دابا 👈سحر: وأنا مالي ملاك قرساتها: مالك يميلوليك نشاء الله أنا متأكدة ديك سلطانة منين أيرجع فخر أتبقا معاه حتى يلغي هاد زواج 👈سحر: حتا أنا داكشي لي بغيت 👈ملاك: ماكانش كيحسابلي نتي ضعيفة لهاد درجة منت كنعرف ديك سحر لي أي حاجة شافت عليها لعين كتديها واخا متكونش باغاها ضد فلكل ساعا صدمتيني 👈سحر: آ شكون قالك أنا ستسلمت منخليهش ليها كوني هانيا ولكين دابا أتحرض‘ ديك لفعة ديال ماماه عليا 👈ملاك: هاكا نبغيك .أنا عندي لحل 👈سحر: شنو نو بقات ملاك تعودليها شنو دير وشنو تقول حتى فهمات بزز قنعاتها .تسالمات مع ملاك وخرجات ديمارات سيارة وتوجهات لشركة فخر الدين هي راسمة داكشي فبالها بلى خاصها تقنعو بأي طريقة بلي هي مضلومة ،وصلات دخلات والكل حاضيها غادا بحال شي عارضة أزياء (ههه لا مضلومة مسكينة) وصلات عند سكريتيرة وقال: كاين فخر 👈سكريتيرة: عندك شي موعد معاه 👈سحر مامحتاجاج موعد كاين أه لا 👈سكريتيرة: كاين شنو نقوليه 👈سحر: قوليليه خطيبتك زوينة (بابتسامة سخرية) دخلات سكريتيرة عنز 👈سكريتيرة: مسيو سمحلي على إزعاج ولكين واحدة سيدة بغات تشوفك 👈فخر ( وهو حاني كيقرا فواحد الملف) ماقالتلكش شكون 👈سكريتيرة : قالت أمسيو نقوليك خطيبتك الزوينة 👈فخر(هز راسو فيها) سحر أش جات دير هنا ، دخليها دابا ناض من لكرسي وهو مشوش أش جات دير .دخلات سحر عندو 👈فخر: سحر شنو كديري ياكما واقعة شي حاجة 👈سحر: لاش باغي تزوج بيا قولي واش بغيتو تعدبوني غير حيت أنا مختلفة عليكوم فلباس ولا شنو بغيتي تزوج بيا باش تحبسوني ياك 👈فخر مافاهم والو: شكون قابك هاد لهدرة كاين شي زواج هاكا اه أنا ماعجبنيش ستيل ديالك ولكين ماشي هادا سبب باش نتزوجك يحر مشات كلسات علىي الكرسي: إذن علاش كولشي كيقولي هاكا 👈فخر حنا عندها وهز يديها : شكون قالك هاد الهدرة ‘شكون قلقك 👈سحر شافت فيه: عائلتك كاملة منين جاو وهوما كيعايروني وأنا ماشي من مستوى ديالك وماماك غادي تهضر معاك تراجع على زواج 👈فخر: ياله نوصلك دابا لدار وديري فبالك بلي نتي ديالي أنا ❤❤ من بعد ماوصلها فخر لدار وشا ديريمت لقصر وهو معصب تاواحد ماعندو لحق يحاسبها من غيرو ولكين خاصو يعرف بعدا شنو طرا بالضبط وصل لقصر لقاهوم كيوجدو طبلة ديال لعشا مشا لطابلة وكلس شاف فمو ونطق 👈فخر : لالة سلطانة مشيتو عند سحر نتمنى تكونو عرفتو داكشي لي بغيتو 👈نطقات ليلى: فخر كون تشوف شنو دارتلينا مهدراتش معانا مزيان وفلخر خرجات وخلاتنا بحالا مجراتش علينا صراحة هاد البنت متليقش ليك مامربياش كاع فخر ضرب فطبلة حتى قفزو كاملين ووجه كلامو ليلى 👈فخر: 😤😤ياكما كاتسنايني نجي نتشاور معاك فلبنت لي أنتزوج بيها وأخر مرة نسمعك كتقللي إحترام عليها سمعتي هدرتي مانبغيش نعاودها وإلا غادي نضطر نبدل طريقة هدرتي باش تفهمي وهدرتي موجة لكلشي هنا ومنين كنقول كولشي يعني كولشي (وشاف فمو) 👈سلطانة: ولكين... (قاطعها) فخر: هدرتي سالات ونبغيها طبق ناض من طبلة وطلع لجناح ديالو بدل وعاود خرج عند صاحبو مراد لبار ديالو خارج القبيلة 🍸🍸 وصل طلع لبلاصتو لي كاتكون خاويا من لبنات وطلع حداه مراد 👈مراد: نهار كبير هادا كيحسابلي بلي درتي لمرا ولات تحكم فيك 👈فخر(خنزر فيه) : كيبانلي واقلة كتقلب عليا نتا 👈مراد: صافي صافي كالم أصاحبي مالك معصب 👈فخر: راسي عامر شي حاجا ماشي هيا هاديك 👈مراد: كيفاش واش واقع شي موشكيل 👈فخر: لا ولكين عاد أيوقعو كشاكيل هوما سحر ماسهلاش وماغاديش تسكت وعائلتي مستحيل يتقبلوها ومن جهة راسي مشوش عندي شحال من حاجا خاصها توضح 👈مراد: بحالاش واش كاين فاش نعاونك 👈فخر: لا أخويا غير مع سحر وصافي 👈مراد: هاد لبنت بانتلي حمقاتك مفيهاش ههه الحب صعيب 👈فخر: لبنت إلا ماكنتش متعرف باها شكون شنو كيعني هادشي ؟ 👈مراد: يقدر يكون مات قبل ماتعرفو ولا هرب عليهوم ولا كانت علاقة وصافي علاش ياكما سحر م... 👈فخر: مكتعرفش شكون باها وأكثر من هادشي معارفاش حتى سميتو ومسجلة بكنية العراقي جدها من ماماها 👈مراد : كيفاش ، أنا صراحة مبغيتش نتوقع ولكن داكشي فبالي زعما تكون 👈فخر(قاطعو)) : خاصني نعرف كاينا تما شي حاجا وعلاش ساكنا مع جدها 👈مراد: يقدرو يكونو ماتو بجوج 👈فخر: مستحيل ماماها مزال عاشية وهادشي لي معصبها غير كتسمع سميتها كتعصب كون ماتت كانت نار لي فقلبها أتبرد 👈مراد: أنا متأكد أتعرف كولشي غير كتضغطش عليها بقاو هاكاك حتى 2 صباح ‘ناض فخر رجع لدار ونعس وهو داير بلي غادا غادي يعرف كولشي
