شيخ القبيلة❤والمتمردة❤

بارت 21❤

فاقت من نعاسها دايخة مشاتت نيشان لحمام خدات دوش لوات عليها لفوطة وخرجات كلسات فوق، لفوتوي كتشوف الجو كيف داير وكتفكر واحد رزاس كيقوليها سيري واحد راس كيقوليها بعدي من صداع     بقات هكاك شي ساعة حتى صونا تسيفط ليها مسج فطيلي كان بدر كيفكرها باش تجي حظا ت تيلي وناضت لبسات سروال وتيشورت وسبرديلة خلات شعرها مطلوق وخرجات نيشان لبيت  فرح دخلات بلا مدق
فرزح: واش مامعلماش صواب ناس كيدقو عاد كيدخلو
سحر: لا مامعلماهش تعلميه غير نني باراكا
فرح:(ناضت عندها)  لاش جايا شنو باغا مني
سحر: وجدي راسك انخرجو بلاتي
فرح:ههه لا لا بلاتي واقلة راك مريضة فين انخورجو ومالي انا اصلا نمشي معاك زراه طريق
سحر: اه واخا صافي انا كنت  باغا ندير فيك خير كنت  سمعت  بلي كتبغي سباق سيارات  ولكن صافي نمشي بوحدي
فرح: اا تسناي واش بصح كاين شي سباق هنا
سحر: اه كاين وكاين حتى لمشهورين فسباق سيارات  دوماج كنت  باغا نديك ياله باي (دارت باش تخرج  وقفتها فرح)
فرح: لا نمشي معاك  انا اصلا معندي ميدار ليوم
سحر:
امممم واخا ولكن يشرط خوك ميعرف والو وحتا واحد فدار
فرح :(سمعت  سيرة خوها بدت  كتقفقف فبلاصتها ) ولكن الى حصلنا انمشيو فيها
سحر : كيفاش ايحصلنا انجيو دغيا  ياله سربي انتسناك فلباب لي كيخرج من كوزينة متعطليش
خرجت سحر مشات هزات  صاكها دارت ريحة وهبطات كتسلت حتى دخلات لكوزينة مكان فيها حتى واحد بقات كتسنى فرح وخايفا ليشوفها شي واحد شوية بانتليها فرح حتى  هي جايا كتسلت  خرجو حتى  وصلو لطريق خداو طاكسي وصلو كانت بلاصة بحال شي بلاصة مهجورة غير اتراب فرح  لصقات فسحر
فرح : سحر سحر خويا خويا كيصوني

سحر : مالك خلعاني متجاوبيش قطعي وهني راسك
فرح: ناري مشينا فينا
سحر: ناري ندمت  لاش جبتك  خلينا نفوجو شوية ونمشيو راه خدام ايقول غير ناعسا ولا محداكش اتيلي وانا ماغاديش يعطلي حيث  مكنهضروش صافي ساهلة
مهم داز الوقت  بزاف لبنات ركبو وضحكو ولا الجو زوين بسيارات  بزاف والموسيقى دراري والبنات وصلات  8 فرح بغات تمشي بحالها سحر كول مرة كتقوليها بلاتي
فرح: سحر ياله راه مشا لحال فخر شوية ويجي لدار
سحر: ااااوف صافي ياله
....: كولشي يوقف فبلاصتو حتىا وااحد ميتحرك
سحر: دابا مشينا فيها مافيها شك
فرح: سحر اخويا ايقعلني لبوليس اش كيديرو هنا
سحر بقات  فبلاصتها عرفت بلي هادي لخرة ليها مع  فخر  وفرح حداها كتبكي بالخوف
لبوليس عمرو لبلاصة حيت  ديك لبلاصة ممنوعة  وقفوهوم كاملين وبداو كيطلعوهوم فسطافيط وصلو لكوميسارية دخلو لبنات بوحدهوم ودراري بوحدهوم وسدو عليهوم سحر بقات  غادا جايا وفرح غير كتبكي
سحر :(عصبتها)  بارا مالكي واش مات  شي واحد وشنو نقول انا لي راجلي هاداك خلينا نفكرو شوية
فرح: واش كضحكي عليا فا انفكرو دابا راه قط يكونو عيطوليه وجاي فطريق
سحر كلسات  كتاكل فضفارها بتوتر بقاو مدة قصيرة حتى  سمعو لحلان ديال لباب وقاليهم لبوليسي خرجهوم دخلو لبيرو مع دخللة كيبانليها فخر كالس وباينة العصبية فوجهو نضراتو باردة  وقفو بجوج وقف فخر سلم على لبوليسي دار خنز فيهوم
فخر: تحركو قدامي 
مشاو  قدامو زربانين فلخطوات طلعو بجوج لور ديمارا مهدر معاهوم متكلم
فرح: خويا واللله....
فخز:(ضرب فالكيدون حتى  قفزو)  مانسمع صوت حتى  وحدة فيكوم
بقاو طريق كاملة ساكتين سحر عرفات  بلي ماغاديش يدوز ليها هادي وصلو لقصر دخلو كان كولشي مجموع  كانت لالاة سلطانة جايا ضرب فرح حبسها فخر 
فخر: عاد  دابا جايا تربيها فين كنتي  منين خرجت  ودابا منبغيش نسمع  صوت  حد
لالة سلطانة: راه مرتك  لي ممربياش نتا عارف فرح  هادو ماشي افكارها  ربيها هي لولة
فخر:(قرب عند  مو خنز فيها ودار شاف فيهوم كاملين) غدا صباح كولشي يوجد حوايجو مسافرين
طلع  وحتا سحر طلعات  شافتهوم كاملين غاديين بحالهوم كل درجة كديرها كتمنى متوصلش دخلات لجناح مابانش ليها عرفاتو فالدوش  معرفات مدير مشات لدريسنغ تجبد حوايجها كانفخر حتى هو خرج لدريسنغ بالفوطة على نصو زعمات ودارت عندو
سحر: فخر راه كنت باغا نقولهاليك غير نتا مكنتيش كتهدر معايا واصلا راه ديت معايا ختك الى مكنتيش كتيق فيا
مع الكلمة لخرة محسات براسها لاصقة فالحيط وحاط يديه على  عنقها  وكل شوية كيزير عليها
سحر: اتخنقني افخر
فخر: الى مسكتيش نقد نقتلك دابا ماتاخديش سكاتي ضعف اسحر الى هدرت انضرك
سحر : مكيهمنيش علاش كتحكم فيا انا عيت من هادشي باغا الحرية نتاا غير حابسني هنا
فخر: عمرك طلبتي مني نخرجو وخسرتليك عمر طلبتي مني شي حاجة وقلت لا ولكن نتي مكتبغيش هادشي خاص مرتي انا تعرا لزوا#مل وكولشي يشوف فيك تخرجي بلا خبارزي ديري مابغيتي مكفاكش هادشي جريتي حتى فرح  ولكن مكدبوش اش أنتسنى منك من وحدة مكيهمها غير راسها ااااش أنتسنى منك (سحر غير كتشوف فيه)  ولكن مكدبوش هادوك لي كيهدرو زدتي اكدتيليهوم واكدتي ليا حتى انا
سحر: مناش تأكدتي مالك سكتي مناش تأكدتي وتأكدو حتى هوما ولا تسنى انا نقوليك بلي انا وحدة مكنسواش ياك اش اتسنى من وحدة مها رماتها وعائلتها تخلات عليها هادشي لي تاكدتي منو ياك مزيان (دفعاتو وخرجات من جناح فخر ريب داك دريسينك كامل بالعصبية )
هبطات سحر لجردة لي ورا القصر كلسات فيها عينيها مدمعين ماباغاش تبكي متحكة فراسها سمعات تيلي ديالها كيصوني فجيب كانت نمرة مامعروفاش
سحر: الو
....:  مال صوت لمشيشة ديالي مقلق
سحر بقات مبلوكية
.....: متكوليليش معرفتينيش انا خالو حبيبو لي كيموت على لمشيشة ديالو
سحر بدات كترعد حيدات تيلي ودنيها قطعات بزربة مازال مشوكية وقفات بقات غادا جايا
سحر0: لا ميمكنش اش بغا عندي كلسات كتحاول تهدن  حتى تسيفط مساج هزات تيلي مترددة ورزكات على مساج
....: توحشتك
صافي تما نهارت رمات تيلي شدات فشعرها مزيرة عليه وسدات ودنيها كانها كتسمع شي شي حاجا جات عندها وحدا من لخدامات
لخدامة: لالة واش محتااجا شي حاجة.(مجوباتهاش)  لالة واش نتي لاباس نعيط على سي فخر
سحر: لا لا مافيا والو انا والو مافيا والو واش سادين بيبان مزيان ياك ولي كارد كاينين فكل بلاصة ياك حاضيين مزيان
خدامة:(مفهمات والو)  اه الالة كاينا حراسة مشددة تاواحد ميقد يدخل بلا إدن واش كاين شي موشكيل لالة مابنتيش ليها مزيانة واش نعاونك طلعي ترتاحي
سحر: اه طلعي معايا عفاك
خدامة: واخة الالة هي لولة
شدات فيها غاديين وسحر متشوف غير فجنابها وصلاتها لجناح دخلات مشات نيشان لسراجم كتسدهوم وتعاود تأكد واش مسدودين فخر كان متكي ولكن ملاحظ توتر ديالها كلسات فوق فوتوي كتفرك يديها بعصبية ومرة مرة كتحك فعنقها بلاما تشعر حتى كتجرح راسها وهي غير كتفكر طلعات  رجليها جمعتوم عندها حطت  راسها فوق ركابيها كتشوف فالباب كت ول مع راسها يقدر فاي لحضة بدخل عندها  بقات هاكاك ليل كامل ماداهاش نعاس حسات بفخر كيفيق ناضت لحمام طلقات لما بارد كتمنى لو ليلة لبارح تكون غير كابوس كلسات فلأرض كتبكي بصوت منخفض بقات هاكاك نصف ساععة ناضت خرجات لبسات سروال كيطمة وتيشرت حلات فاليز حطات فيها لي جا قدامها داكشي كان مرون وهي معندهاش لخاطر سمعات دقان دخلات خدامة فيديها صينية افطور
خدامة: لالة صباح لخير هاهو لفطور كيف يقيتي لبارزح خلعتيني عليك
سحر: انا لباس فين هو فخر
خدامة: راه هو لتحت كيوجدو سيارات لي اتمشيو بيهوم
حطاتليها صينية وخرجات سحر ماداتهاش فالفطور حيت معندها شهية لوالو كلسات كتلبس سبادري ديالها حتى كتسمع صوت مساج هزات تيلي بالرتباك
...: لمشيشة ديالو مقلقة مني ولا شنو توحشتك
مسحات مساج ناضت ميقات عندها طاقة للبكا لا لغوات عيات جرات فاليز ديالها مدابزا معاها فدروج خرجات فيها لأعصاب لي فيها نزلات كولهوم كيشوفو فيها قربات ليها سلطانة
سلطانة: انقولك جوج كلمات بنتي عطيها تيقار ولا انوريك وجهي تاني اندمك
سحر مجوباتهاش قاطعهوم فخر كيعغلمهوم كاملين يبداو يطلعو فطونوبيلات سحر جرات فاليز ديالها وصلات لطونوبيلات كتشوف فين طلع اول مرة كتحس براسها ضعيفة تاواحد ماباغيها طلع حداه ومبغاتش تمشي فسيارة لي فيها فخر بقات واقفة كولهوم طلعو سيارة فيها ليلى وباباها  وحدة فيها سلطانة ومامات ليلى وحدة فيها فخر وفرح جا واحد من لي كارد حيدليها فاليز حطها فطونوبيل لي فيها فخر ملقات مدير طلعات كانو دوك طونوبيلات لكبار لي فيهوم بلاصة مقابة معا بلاصة كلسات فجنب دارت مضاضر وعطات وجهها لزاج تحركو طونوبيلات فطريقهوم فرح حنات لرجلين فخر
فرح: خويا عفاك سمحلي عارفة راسي غالطة ونستاهل اي عغقاب منك غير  متقلبش عليا وجهك كاين شي واحد كيقطع لهدرة على بنتو ياك نتا لي ربيتيني انا غلطة عفاك اخويا سمحلي سحر لي جراتني (سحر دارت شافت فيها)
فخر:( قبط يديها : هانتي قلتيها ان لي ربيتك كنخاف عليك بزاف حيت نتي بنتي منقدش نتقلق منك ولكن منبغيش هادشي يتعاود
فرح : كنقسمليك مغاديش يتعاودد(عنقاتو)
سحر بقات كتشوف فيهوم حسات براسها فديك اللحظة باحساس اليتم عاد عرفات شحال خايبة ميكون عندك لا خوك لا باك دارت كتشوف فطريق ماباغاش تزيد ضعاف كتر ماهي ضعيفة دابا بقاو غاديين تقريبا شي ساعتين وصلو لواحد لعوينة فيها لما فرح  بغات تشرب وقفو نزل فخر وفرح نزلات حتى سحر كلسات حدا ديك لعوينة كانت فرح كتشرب وفخر مشا يقي  حوائجو ش شربات وكلسات حدا سحر
فرح : مالك
سحر:  والو
ناضت كتغسل وجهها  دارت مضاضرها وطلعت فطونوبيل كتسناهم ردات راسها لور افكارها مخربقين حتاا داتها عينهاحسات بطونوبيل تحركات طار منها نعاس
فخر بقا راد ليها لبال عارف بلي ماشي هي هاديك كيقول مع  راسو بلي بسباب لهدرة ديال لبارح مبغاش يهدر معاها دابا حتى  يوصلو هزات تيلي ديالها كتشوف فيه حتى طلعلها مسج
.....: طريق سلامة امشيشتي
حطات تيلي جنبها كتحس براسها مخنوقة شي واحد قاجها ولات كترعد بدات كضرب فطونوبيل
سحر: حلو حلو انموت حلو عفاكوم
فخر معرف باش تبلى فرح تخلعات وقفات طونوبيل تحل لباب نزلات سحر كتعكل غير غادا مازال كتحس بالخنقة حاسا براسها مكتاخدش لهوا نزل فخر خلا فرح فطونوبيل وتبعها حتى تعكلات طاحت جا عندها فخر بزربة شدها وهي تغوت
سحر : بعد مني متقيسنيش بععععد مني هئ هئ بعد
فخر: (بعد منها)  صافي هاني غير تهدني منقيسكش
بقات سحر كتبكي بالغوات حس بيها فخر ترخات شوية قرب ليها بشوية مبغاهاش تعطي نفس ردة الفعل حط يدية على كتفها وقرب صدرو لراسها ويديه كدوز على شعرها
فخر: صافي شووو انا حداك تهدني تنفسي مزيان  صافي مابقا والو فاتت  نرجعو دابا الى بغيتي نبقاو مازال
ماجاوباتوش حس بيها ترخات بزاف هزها مبين يديه طلعها لطونوبيل تكاها على صدرو
فرح: خويا مالها
دارلها فعينيه تسكت بقا كيدوز يديه على شعرها بحنية سحر كانت واعية بكولشي ولكن ماعغندهاش طاقة باش تهضر ولا تحرك غير متكية على صدرو ودموع كيطيحو حاسا بلي حداه تاواحد ميأديها غمضات عينيها وداها نعاس
.....يتبع

قولولي رأيكم ❤❤❤