شيخ القبيلة❤والمتمردة❤

بارت 23❤

بقا مطول معاها لقبلة حتا حس ببها اتخنق رخف عليها شوية  رجعات لور حناكها ولاو حمرين دورات راسها تلفات ليها لهدرا عجبهو منظرها ضحكاتو
سحر :شنو دابا سربي  راه تعطلنا
هز ديك البالة وبدا كيجمع الزبل وسحر حاضياه كتشوف بلي هي ضلماه بزاف هو كيبغيها ولكن هي معطياهش اهمية بقات هكاك ساهية حتا. وقف عليها فخر قرصها فخدها
فخر: فين مشيتي
سحر: اا انا مامشيت فين هانا حداك
فخر: واتبقاي ديما حدايا ديريها فبالك ياله نمشيو انا انقول لحاجة متبقاش تعطيك ديري شي حاجة
سحر:(شداتو من يدو وقفاتو)  لا عنداك متقولها والو اتبقا كتنگر عليا منين تخرج نتا وانا مافيا لي نتعصب ونقولها شي كلمة عاوتاني نصدقو فمشاكيل
فخر: اممم ولكن انا مبغيتهومش يعدبو ليا لحبيبة ديالي
سحر: لا اصلا ماندير والو انخلي كولشي حتا تجي نتا وديرو
فخر:(ضحكاتو) موافق ولكن بشرط تخلصيني
سحر: ياه على طماع شحال باغي
فحر: لا انا باغي حاجة اخرا
سحر: وشنو هيا
فخر:(هز يديه كيحيد ليها شعر لي فعنقها نزل طبع قبلة فيه بورشاتها وهضر قربي لودنها)  كنضن فهمتي
سحر (دوخها)  ااا تعطلنا ياله نمشيو
مشاو دخلو لفيرمة كانت الجدة كالسة وحدة فلبنات كادير ليها مساج فرجليها
الجدة: سحر وجدي حوايجك انهبطو لحمام
سحر: ولكن راه عندي لحمام فبيتي
الجدة: لحمام البلدي ابنتي سيري هاهيا حياة اتسناك وتهبطك معاها (شافت فخر) على سلامتك اولدي كيف داز نهارك
فخر: داز مزيان ديو معاكوم سحر ولكن متعطلوش (شاف فيها) كنتوحش مراتي
مشات سحر كتاجبد حوايجها خرجات لقات حياة كتسنا فيها
حياة: مالك اختي ديما معطلة تقول مشيتي تقداي لحوايج من سوق
سحر: ونتي مالك ديها فراسك
هبطو لحمام كان لتحت كبير بزاف بحال لحمام ديال زنقة برخام  وفيه سبا وسخونية فيه دخلات سحر كتكتاشف اول مرة تشوف شي حمام بحال هاكا بقات واقفة كتشوف فيهوم لابسين غير ملابس داخلية
الجدة : كتسناي نعرضوك دخلي حطي حوايجك ودوزي حكي ليا ظهري وغسلي ليا شعري
مشات كتحيد حوايجها وبانو الوشمات ديالها الكل لفتو نضرو الجدة معجبهاش الحال بتاتا بقات غير ملابس داخلية ديالها وقربات عندها هزات لما بدات كتخويلها على شعرها دارت شمبوان وبدات كديرها مساج لشعر
الجدة : لاش واشمة ؟؟
سحر تصدمات من سؤال ديالها ولقات كولشي كيتسانا لجواب ديالها بحكم هما عائلة محافضة بزاف هادشي عندهوم عيب
سحر: وشمت وصافي
الجدة : حياة بنتي شنو كنقولو لبنات لي كيوشمو
حياة حشمات ولكن كان عليها تجاوب
حياة: الحاجة هوما لبنات لي كيكونو خارجين طريق
الجدة: مزيان ودابا نوضي كمليلي نتي مكنبغيش ليدين الموسخسن يتحطو عليا
سحر بقات فشوك بعدات وكلسات على واحد الرخامة ناضت حياة وكملات لجداتها سالاو وكانت سحر مازال كالسة بلاصتها ناضو خارجين وسحر نطقات كتشوف فيها
سحر: انا ماشي بنت زنقة واخر مرة تقولي عليا بحال هاكا حيت ماغاديش نضمن ليك شنو اندير
الجدة دارت عندهوم دارت حركة يخرجو كاملين وتقدمات عندها  
جبداتها من يديها وقفاتها ودفعاتها لواحد نافوررة عامرزة بالما شداتها راسها دخلات وجهها فلما حتى كتقرب تخنتق وتخرجها وتعاود حتى سحر مبقاش عندها جهد حيدات عليها وشافت فيها
الجدة: الا بغيتي ديري بلاصتك هنا ماشي بهاد طريقة خاص تحني راس ولا فلخر اتموتي
خرجات خلاتها كتنفس بصعوبة قلباتها بكا بحال كانت كتقلب على سبة بقات كالسة كتبكي وتقول شي مابكيت بغات توقف ولكن ماقداتش مبقاش عندها طاقة مع سخونية ديال لحمام كملات عليها بقات كالسة حطات راسها لحيط لفوق كان فخر كالس مع عمامو ولاد عمامو دخلات الجدة كلسات حداهوم
الكل : بالصحة وراحة
الجدة: الله يعطيكوم صحة اوليداتي
دخلو لبنات كيحطو اتاي والمكسرات والحلوى وفخر عينيه على الباب كيتسناها دخل
فخر: (موجه كلامو لحياة)  فينها سحر
حياة معرفتش واقيلة مازال لتحت
فخر شاف فجداتو وناض بدون سابق اندار خرج من صالة ونزل مع دروج وصل لباب دق
فخر: سحر واش مازالا كدوشي
سحر: (بصوت خافت)  فخر  دخل عفاك عاوني
غير سمع صوتها دخل لقاها كالسة فلأرض فقط بملابسها الداخلية وغير شعرها لي فازك مشا نزل عندها
فخر: سحر مالك واش كضرك شي حاجة
سحر: عفاك خرجني من هنا
فخر: واخا واخا صافي ناض هز بينوار لبسو ليها وهزها بين يديه وباين الخوف فوجهو ولأعصاب كيفاش خلاوها هنا طلعها دخل لبيت حطها فوق ناموسية مشا جبد حوايج
سحر: صافي انا انلبس راسب ماكاين لاش
فخر: واخا نعيط لحياة تعاونك الا مقديتيش
مجاوباتوش خرج عيط لحياة تعاونها دخلات لقاتها مازالا كالسة
حياة: واش نتي لاباس سحر: عاونيني نلبس بغيت نعس
بدات كتعاون فيها تلبس سالات تكات وغطاتها وخرجات لقات فخر واقف حدا لباب
فخر: شنو طرا
حياة: والو عاونتها تلبس دابا نعساتت
فخر: حيياة شنو طرا فلحمام حياة ترددات فلول من بعد عاوداتليه كولشي صعر وتعصب مشا نيشان لصالون كانت مازالا كالسة معاها سلطانة ولبنات
فخر: باشمن صفة اتحاسبيها متندمونيش حيت جبتها لهنا
الجدة: شنو واقع
فخر: لحاجة خليني محتارمك مراتي ماشي شغلكوم فيها دير مابغات فراسها تاواحد معندو لحق يحاسبها من غيري
الجدة :(ناضت) شنو ايقولو ناس مزوج وحدة لحمها كامل مزوق شيخ لقبيلة ياحسرة هادا
فخر: آخر مرة  نسمع شي واحد دوا معاها فشي موضوع قلقها ولا نقص منها وتاواحد مشغلو ياك انا لي كنعس معاها كل واحد يديها فشغلو
مشا وخلاهوم مصدومين باﻻخص حيت هدر مع جداه بديك طريقة عغمرو مهدر معاها هاكاك ولكن كانت باينا فيه معصب دخل لبيت لقاها مكمشة فلفراش كلس على طرف ناموسية كيحيد شعر على وجهها حسات بيه طلعات عينيها كان  حمرين بالبكا
فخر: شنو باليك نقولوهوم يجيبولينا لعشا لهنا ناكلو غير انا ومراتي
سحر: لا انا بغيت غير نعس وبغيتك تبقا معايا
فخر: انا حداك احبيبتي معندي فين نمشي
هز راسها حطو على صدرو وبقا كيلعب ليها فشعرها وكيشم ريحتو
فخر: الا مكنتيش مرتاحة نرجعو
سحر: لا انا مرتاحا هنا غير خلينا 
بقا هاكاك حتا داها نعاس هز راسها بشوية حطو فوق وسادة نزل طبع قبلة فراسها وشفاه ديالها خطاها مزيان ودخل لحمام دوش خرج لاوي عليه فوطة وهاز فوطة كينشف شعرو وعينيه عليها لبس سروال كيطمة وتيشرت فلأسود سمع دقان ديال خاف لاتفيق مشا حل لباب دغيا كانت حياة
حياة : خويا فخر كنتسناوكوم لعشا
فخر: غير تعشاو حنا ماجايينش وعلميهم تاواحد ميجي ولا يدير صداع سحر ناعسة مبغيتش تفيق
دارتليه واخا براسها ومشات سد لباب ومشا تاجه لواحد لوفوتوي هز لبيسي كيخدم فيه ومرة مرة كيحس بيها تحركات كيطلع عينو فيها  حتى سمعها كتهدر بشي كلمات مامفهومينش وعرقانة كاملة ناض عندها كيفيق فيها ناضت مخلوعة كتشوف فالبيت معلابالهاش بفخر لي حداها ناضت كتسد سراجم وكدير ريدووات فخر مفهم والو
سحر:  غادي يجي غادي يلقاني ايديني ايلقاني سمعات شي حاجة تحركات فلحمام جاتها هيستيرية مشات لراس ديال ناموسية  ولكوافوز ولكلسات تما
سحر: جا جا مابغاش يبعد مني
فخر معرف ميدير فخر: تهدني مكين تاواحد تهدني انا معاك
سحر: كاين كاين فلحمام كاين سمعت كاين
فخر: واخا صافي انا انمشي نشوف صافي
مشا يشوف غير باش يؤكد ليها بلي ماكاين تاواحد رجع عندها حنا عندها
فخر: شتي ماكاين حتى احد غير لبرد حرك سرجم صافي تهدني غير كابوس  اجي معايا
شدها من يديها وقفها كلسات فوق ناموسية غطاها وتكا تاهوا حداها
حاس بيها مازال خايفة
فخر: سحر ماكاين حتا واحد انا معاك تاواحد مايؤاديك
سحر: سديتيه مزيان ياك
فخر: اه سديتو مزيان تاواحد ميقد يدخل اجي عندها
جرها لعنطو حاوطها بيديه حتى هي مامنعاتش بالعكش تخشات فصدرو حيت هو لحاجا لوحيدة لي تقد تحميها من اي واحد داتها عينها من بعد حتى هو غمض عينيه ونعسو معانقين بجوج