فاقت من نعاس خاسرة مكانش فخر اصلا مكانتش باغا تلاقا معاه غسلات وجهها لبسات كيطمة فلكحل وخرجات كانو مجموعين على طبلة ديال لفطور گلسات بلا هدرة هزات عصير كتشرب
فخر: بالنسبة لداكشي لي طرا لبارح نساوه و سحر غادي تعتاذر من زوهرة
سحر:(شافت فيه) تسنا كيفاش انعتذر
فخر:كيف ما سمعتي ودابا
سحر: فاحلامك سمعتي
فخر ردخ طبلة كلشي قفز
فخر: قلت اتعتاذري اسحر
فرح: سحر عفاك مطوليش الموضوع عتاذري ونساو هادشي
سحر شافت فزوهرة لقاتها مبتاسمة ناضت عندها
سحر: بللا متفرحي حيت عمرك متلمي نعتاذر من وحدة بحالك
فخر(ناض): سسسحر متزيديش فيه قلت اتعتادري ولا ميعجبك حال
سحر: (ضارت عندو) ههه اش فجهدك مدير گاع شتي أنا طلعاتلي فراسي عاد العيشة طلقني
فخر: (قرب عندها بعصبية) باغا طلاق واخا
الحاجة: نعلو شيطان واش اجي وطلق
سحر: (ماداتهاش فهدرتها اعصاب لاعبين عليها) اه بغيت طلاق ودابا
فخر: بلاتي ايوصلوك وراق طلاق موقعين من عندي (خرج بحالو)
سلطانة: واش بعقلك باغا تسالي زواجك على مشكل بسيط
سحر: هاد المشكل البسيط راه هو كرامتي
فرح: سحر سيري لبيتك رتاحي وتهدني ومنين يجي خويا هدرو بالعقل
سحر: مابقات هدرة صافي سالينا (مشات وخلاتهوم)
بقاو كالسين أغلبية مبغاوش طلاق يوقع من غير زوهرة لي فرحانة حيت ايطلقو ماشي حيت طامعة ففخر غير شداتها ضد معاها وصافي
فالبيت كانت سحر كتجمع باليزتها وفرح وحياة عياو معاها والو لي فيها مهناها حتا هي مبغاتش تفارق معاه ولكن كانت كتسنى منو يغوت يتعصب ولكن يوافق على طلاق مدرتهاش فبالها
حياة: واش اتسالي زواجك على قبل وحدة مكتسواش
سحر: مبقاش كيهمني صافي
بقاو معاها ساعات كالسين وكيشوفو فيها سحر كانت گالسة وحداها باليزتها وساهية حتا دقات وحدة من لبنات ودخلات هازة فيديها وراق وحشمانة
ختي سحر خويا فخر قالي وصليلها هاد لوراق بقا ناقص غير توقيع ديالك
سحر ديك لحظة حسات بواحد احساس فشكل تمنات لوقت ترجع لور مشات قربات منها وخدات لوراق بيديها لي كيترعدو بقات كتشوف فيهوم هزات ستيلو شافت ففرح وحياة لي كيطب‘لبوخا بعينيهوم متوقعش وطرا لي مبغاوش سحر وقعات وعطات لبنت لوراق تديهوم لفخر
سحر: قوليلهوم يوجدولي طونوبيل بغيت رجع بحالي
شافت فلبنات مشات عنقاتهوم بجوج ودموع فعينيها
سحر: نتوما اتبقاو خواتاتي صافي وخا نتفارق مع فخر ديما انهدرو وديما انا فجنبكم
بقاو لبنات كيبكيو حيت ولات وحدة منهوم علماتها لبنت بلي طونوبيل موجودة هزات باليزة وخرجات فالباب كانو كاملين واقفين تقدمات الحاجة عندها
الحاجة: سواء كنتي مرات حفيدي ولا لا سواء رجعتو مع بعضكوم ولا لا هاد الباب مفتوح فوجهك ديما (عنقاتها سحر اول مرة تحس انها محتاجة عناق الام)
سلطانة: عارفة بلي درتي غلاط كبير الهدرة ابنتي ساهلة ولكن الفعل صعيب طلاق ماشي ساهل نتمنا ليك حياة زوينة
سلمات عليهوم كاملين من غير زوهرة وجات تطلع فطونوبيل دارت لقات فخر كيطل عليها من سرجم صالون تمنات لوكان جا قالها بقاي متمشيش ركبات وزادت طونوبيل طريق كاملة وهي ساهية ودموع كينزلو حتا وصلات لدار ملاك دقات حلات ليها ملاك تصدمات وفرحات ولكن وجه صاحبتها كان حزين
ملاك: سسحر مالكي (شافت باليزة) واش رجعتو
سحر: انا انا انا طلقت املاك حتى فخر خخلاني
ملاك معرفات كتقول بكترة صدمة دخلاتها ودخلات الباليزة كلساتها فصالون بقات كتشوف فيها حاالتها كانت خايبة غير كتبكي
سحر: منقدش منقدش نعيش هنا منقدش كنحس براسي مخنوقة بغيت نمشي فحالي عفاك قطعي ليا بغيت نرجع
ملاك : واش حماقيتي فين اتمشي وبهاد الحالة
سسحر: انحماق الى بقيت هنا انحماق
ملاك: صافي واخا انشوفلك شي طيارة غادا لأمريكا غير تهدني عفاك اختي
سحر: عفاااك ذغيا كنحس براسي انموت
هزات ملات تلفون دخلات كتشوف الوقت ديال طيارات لقات وحدة مع 12 ديال ليل قطعاتها ليها
ملاك: صافي هانتي قطعت ليك مع 12 رتاحي دابا دخلي دوشي وتكاي انا انوجدليك شي حاجة تاكليها.
دارتليها سحر واخا بوجهها ومشات بقات ملاك كتأسف على حالة صاحبتها بغات تعيط على فخر ولكن الى سمعاتها سحر تقتلها
أنت تقرأ
شيخ القبيلة❤والمتمردة❤
Romanceرئيس العشيرة أو شيخ لقبيلة أو شيخ المنطقة مالكها والمسؤول عليها هو مسيطر وقاسي على أي واحد محتارموش لهو لعائلة ديالو بالاخص. البطل ديالنا غزال فعمرو 30سنة شيخ لقبيلة الإسماعيلي .معمرو ظلم شي واحد كيعتبر راسو منهوم ومكيحگر على حد كل وواحد عاطيه حقو...
