شيخ القبيلة❤والمتمردة❤

بارت 22❤

بدات كتحل عينيها بشوية مزاالا فنفس الوضعية  بداتت كتحرك لقات راسها مازالا فطونوبيل بحكم طريق طويلة
سحر: واش مازال طريق بعيدة
فخر: لا بقى غير شوية تقدري تكاي حتى نوصلو
سحر: لا لا صافي بلاش
فخر (حط يديه على خدها) واش شوية
سحر: (كتشوف فيه)  اه اه لاباس انا
فرح: خلعتيني عليك حالتك قبايلات كانت كتخلع بحالا هربانة من شي حد (شافت فخوها كيخنز فيهتا تسكت) 
سحر: انا معرفتش بغيت نشرب
فخر جبد قرعة ديال لما حلها ليها وعطاها تشرب
دارت تشوف فين غادين لقات غير طبيعة والورد لبلاصة خضرا كاملة دارت شافت ففخر
سحر: شنو هاد لبلاصة
فخر: هادي طريق ديال الفيرمة لي غاديين ليه
سحر: انا فيرمة
فرح : لفيرمة ديال الحاجة وكانت مصرة باش تجي حتى نتاي بغات تشوفك حيت نتي مرات حفيدها لكبير يعني قفرتيها
سحر: كيفاش
فخر: والو غير كضحك معاك الحاجة هي الكبيرة ديال العائلة وكانت باغا تشوفك  هي كتبان قاصحة شوية ولكن انا متاكد أتبغيك بزاف
بقات كتفكر فهادشي وكلات امرها لله ماهي الا نصف ساعة كانو قدام واحد طريق داخلة للفيرمة كانو قدامها اراضي بزاف وناس خدامين نسا ورجال ودراري كيلعبو
فخر: صافي وصلنا
تحل لباب نزلات فرح وفخر مد يديه لسحر نزلها من طونوبيل كان كولشي فرحان عمال فالفيرمة كيجيو يعنقو فخر كانو واحد منهوم ويسلمو عليه وصلو لباب رئيسي ديال الدخلة كانو بزاف ديال ناس واقفين كيتسناوهوم اغلبية نسا فخر شد فيد سحر ودخلو بداو لبنات عمامو كيسلمو عليه  وعيالات عمامو وسحر غير شادا فيه وتابعاه وصلو عند الحاجة كانت كالسة فكرسي وفيديها تسبيح تقدم فخر حنا على ركابيه وباس ليها يديها
الحاجة: حفيدي لغزال توحشتك نور عيني تباركالله ماشاءالله عليك
فخر: حتا أنا الحاجة توحشتك وهاحنا جينا وجبت ليك مرات حفيدك
ناض وشد فيد سحر جرها عند جداتو سحر غير جارها مافاهمة والو
الجدة: اممم مرحبات بيها اولدي زوينة واخا كاين هنا فلقبيلة ماحسن منها ولكن نتا ختاريتي ‘ماعلينا اتبقاي وافقة عليا بحال الميت متسلميش عليا
فخر نغزها باش تمشي تبوس ليها يديها سحر تقدمات ببطئ هزات يديها باستها ورجعات حدا فخر كلسو قدامها والعائلة كاملة تجمعات حطو حلويات والمشروبات الكل فرحان
الجدة: اوا اولدي كيف دوزتو سفر طريق ديالكوم
فخر: دازت مزيانة غير سحر كانت عيانة شوية داكشي لاش تعطلنا
الجدة: اممم ياك ما شي حفيد صغيرز جاي فطريق
سحر كانت كتشرب اتاي وقفاتالها
فخر:(بتاسم)  لا مازال الحال
الجدة : كيفاش مازال الحال متقوليش حتاا نتوما كديرو داكشي ديال منولدوش حتا مور عاماين ولا 3سنين الا كانت هاديك لي ماباغاش خليها ليا انا انتفاهم معاها هاي هاي قالك مازال الحال
فخر: منين ايكتاب انولدو
بدلو الموضوع كلا فاش مجموع وكيهدر سحر غير ساكتة ماكاتجاوب حد ومكتهدر مع حد وصل وقت لغدا ناضو لطلبة كانت كبيرة بزاف فيها كراسا بزاف كلا شد بلاصتو جات سحر تكلس وقفاتها الجدة
الجدة:اش كديري
سحر:(بقات واقفة)  انا(شافت فخر)  انكلس نتغدا
الجدة: على مفخباركش الكنة ديال الدار مكتكلسش فطبلة كتسربي لي كاتلسين فطبلة
فخر: الحاجة مشي لهاد الدرجة  سحر  ياله جات وعيانة واقيلة
سلطانة : بلاما تاملي الحاجة مرا ت ولدي مكتعرف دير والو مسكينة حاضيا غير ضفار ومكياج
سحر شادا اعصابها بزز
سحر: واخا انا اندير هادشي
مشات ناحية الجدة هزات طبسيلها هو حطاتليها منو وتبعاتها العائلة كاملة وصلات لفخر خدات منو طبسيل بدات كتحطليه
فخر: سحر الى كنتي ماباغاش كلسي
سحر: لا انامرتاحة هاكا بصحة وراحة
فخر: (هز يديها باسها امام لأنضار)  الله يعطيك صحة 
عاد مشات كلسات كتاكل حتا هي فجو صامت سلاو لماكلة خرجو لجردة يگلسو سحر ماقداتش باغا تنعس وصلاتاها وحدة فلبنات لبيتها مشات بدلات من بعد مدوشات وكلسات حدا سرجم كتشوف فيهوم كالسين كاملين كيضحكو وفرحانين بحالا معندهوم لا هم لا مشكل تمنات كون كانت عائلتها بحال هكا ناضت لناموسية تغطات ونعسات غير حطات حطات راسنا على لمخدة  داتها عينها مافاقت حتى لصباح كتسمع صداع ناضت حلات لباب مازال مدوخة بنعاس لقات وحدة من بنات عم فخر
سحر: ايييه نتي فين هو فخر
فايزة : ختي سحر خويا فخر فاق وفطر وخرج مع بابا
سحر : علا فطرتو واش كتفطرو فالفجر
فايزة : راه غير خويا فخر مبغاش نفيقوك مهم نخليك دابا خاص نمشي مازال تتابعني شغل
سحر بقات كدور فديك الفيرمة حتى قفزتها الحاجة
الحاجة :واش نتي معندك حيا معندك حشما خارجا بحوايج نعاس ياكما كيحسابك مازال فلقصر هنا رجال كثار خاص تردي لبال لحوايجك هانا علمتك ودابا سيري بدلي حوايج عندك مايدار
سحر : شنو ندير مافهمتش
الجدة : منين اتجي اتفهمي
سحر :انا مازال مفطرت
الجدة : لفطور تسالا وقتو مع 7 دابا 9 ماكاين فطور
سحر زادت من حداها دخلات لبيت بدلات حوايجها وخرجات لقتها كالسة كتسانا بحال ملك الموت وقفات قابلتها
الجدة : (عيطت  على بنات حياة وسناء) ليوم نتوما بثلاثة اتكلفو برا لبنات لوخرين ايكونو لداخل ياله سيرو بداو شغلكوم
سحر غير غادا مافاهما والو خرجو لبرا وقفات كتشوف فيهوم اش كيديرو دارو عندها لبنات
سناء : امادموزيل اتبقاي كتفرجي فينا
سحر : وشنو اندير ؟؟
حياة: ههه والوو هادشي كامل مابانليك والو لكوري خاص يتجمع ساحة خاص تشطب بيت لخزين دجاج خاص دخليه نسدو عليه نزيدك ولا مازال
سحر:ولكن انا مكنعرفش هادشي
سناء: اه ههه نسينا لمادموزيل كابرا فامريكا (رماتليها البالة)  سيري لكوري جمعيه ياله هاحنا غادين تهلاي اه مكتفهميش گود باي هههه
مشاو وخلاوها واقفة كدور عينيها لقات واحد شارف سولاتو على فين جا لكوري نعتو ليها غير وصلت خنققتها ريحة عاودات خرجات
سحر : اويلي اش هادشي هدا هو لكوري لا ميمكنش نجمعو انا
طلعات رراسها لقات الجدة كتشوف فيها خلعاتها دارتليها ضحكة صفرة ودخلات تاي لكوري قطعات نفس معرفات مادير فيديها لبالة خاص تهز الزبل
سحر : ولكن هادشي لاصق كعيفاش غنحيدو والا خرجت دابا انلقاها حاضياني ناري دابا حصلت هنا دابا لقات واحد. لكرسي كلسات مخبية حاضيا لباب حتا يجي فخر بقات هكاك ساعة ساعتين عيات بلگلاس حتى بانلها لباب تحل دخلات طونوبيل فيها فخر ناضت بالفرحة كتنقز وقفات مخبية مور لباب كتسناه ينزل بدات كتعيط ليه بشوية9باش حتى حد مايسمعها
سحر: (بصوت خافت) فخر فخر
فخر سمع سميتو بقا كيلفت بانتليه سحر باينة فيها عين وحدة والشعر كدير ليه بيديها اجي مشا عندها جراتو لداخل
فخر : شنو كديري هنا
سحر : فخر ياك انا مراتك زوينة ياكا
فخر : (جابتليه ضحكة)  اييه شنو بغت مراتي زوينة
سحر:دابا جدتك قاتلي نجمع هنا ولكن معرفتش يعني نتا ادير هادشي
فخر :اممم يعني صافي قررتي الالة
سحر : تسنى نعاونك
حيدات ليه كوستيم ورخفت ليه صدايف ديال قاميجة وهو غير خاضيها ومدات ليه البالة
سحر : هاك ياله بدا
فخر قرب منها مابقا كيفصل بينتهوم والو
فخر: ميمكنش خاص ضروري مقابل باش ندير هادشي
سحر : دابا غير دير من بعد ونشوفو
فخر : لا دابا بغيت شي حاجة تعطيني طاقة اولا
سحر : بحالاش
مخالاهاش تكمل لهدرة حتى كانو شفايفو فوق شفايفها بقت مصدومة بدون حركة وهو كيقبل فيها بلهفة كانو مشتاق ليها حطت يديها على صدرو وهو زاد زير يديه على خصرها وقربها ليه بدون ميقطع القبلة كان قلبها كيضرب شي حاجة مخلياها متبعدش عليه