شيخ القبيلة❤والمتمردة❤

بارت24❤

حلات عينيها على لمسات ديالو
فخر: صباح الورد
سحر: اووف مخليتينيش فخر: منقدش نشوفك بلاما نقيسك كنقول بعد لمرات كنحلم وماباغاش نفيق من هاد الحلم
سحر: لا لا. مكتحلمش غير كحز عليا (باغا تنوض)
فخر:(جرها وكلاها بيديه)   فين باغا تهربي
سحر: (توتراتا من القرب ديالو)  والو بغيت نوض
فخر: لا حيت مقلتي ليا حتا صباح نور حبيبي وشي بوسة كون خليتك
سحر: مرة جاية نقولها
فخر:  لا قوليها وتنوضي
سحر: واصافي خليني نوض
فخر: بلاما تحاولي
سحر: صباح نور
فخر: صباح نور اش
سحر: اااوف صباح نور حبيبي صافي وخليني
فخر: والبوسة فين خليتيها
سحر بقات كتشوف فيه هزاات راسها باستو فمو حيدات يديه وناضت هو بقا كيشوف حتى تخبط على ناموسية مبتاسم وكيضحك دخلات لحمام سدات لباب حطات يدها على قلبها
سحر: مال هاتدا كيضرب بجهد
شافت راسها فلمرايا كتقيس فمها وكتبتاسم غسلات وجهها. وخرجات ملقاتوش كان فلبالكون مشات لدريسنغ ختارت شنو تلبس هزات واحد شورت ديال. جينز قصير وتيشورت موف بارد ولبسات طالون كحل خرجات كان مازال كالس مشات عندو طلعها وهبطها
فخر: فين غادا
سحر: ماغادا لتابلاصة
فخر: وشنو هاد لباس  هادشي. ماغاديش تهبطي بيه ودار عامرة رجال سيري بدلي باش نهبطو نفطرو
سحر: راه عادي
فخر: سحر دويت معاك ياله
بدات كتسوط مشات لدريسينغ هزات سروال. واسع محلول من جناب وطالع  وهزاتا واحد قميجة قصيرة دخلاتها تحت سروال وخلات نفس طالون خرجت لقاتو واقف داير يديه فجيابو كان لابس كيطمة كحلة محلولة ولابس تيشورت كحل       طلعها. وهبطها مشات هزات ريحة ومشطات شعرها بغات تهز. عكر ديرو قاطعها
فخر: بلاش منو مكاين لاش مغاداش لعرس راك غير فدار
حطاتو بجهد شافت فيه من لمراية بعصبية ودارت قدامو خرجات وهو تبعها لقاتهوم كالسين كيتسناو يتجمعو باش يفطرو كلسات وكلس فخر
الحاجة : سحر نوضي عاوني لبنات فلحطان ديال طابلة
مجاوباتاهاش وقفات مشات لكوزينة بقات كتشوف فيه‘م
سحر: شنو ندير معاكوم
حياة  والو دي غير هاد زبذة كتبغيها الحاجة حطيه حداها هزات طبسيل ومشات  مشات لطبلة حطاتو قدامها  بنفخة ومشات بلاصتها كلسات
سلطانة : لحاجة وقتاش لعرس
الحاجة : سيمانة جاية انديروه هنا
سلطانة مزيان وشكون لعروسة
الحاجة :(شافت فسحر)  بنت اصل مفصل وتباتة ورزانة وبنت دارهوم لعين متهزهاش بنت بركات بعدا. عارفين اصلها واليديها وماضيها
سحر وحلات ليها. زيتونة بدات كتكح    هزات كأس الما  كتشرب
سحر : اوا قالك لعود لي ثحكرو يعميك
الجدة : بصح لعود لي حكرنا عمانا مكدبتيش
فخر : (بغا يغير الموضوع ) شنو اديرو هاد نهار
الحاجة : والو اولدي معندنا ميدار ونتا
فخر: حتا انا
الحاجة: اه ليوم اتجي عروستنا جديدة عيطت عليها تجي سمعاتك جيتي بغات تسلم عليك داكشي لاش لبنات اينوضو ومعاهوم سحر يوجدو شي طبلة ديال الكوتي لععروستنا جديدة
سحر:: وباشمن مناسبة انوض ونوجد ليها شكون تكون
الحاجة : من اداب وصواب ولا مكتعرفيهش
سحر: لا مكنعرفوش شكون هذا
مرداتش ليها سالاو لفطور ناضو كل واحد فين مشا هزات سحر مبرد وكلسات فصالون مقابلة مع الحاجة كتبرد ضفارها وكدندن          
الحاجة  : متنوديش تعاوني لبنات
سحر: مافياش مامسالياش
الحاجة :   شنو طرزا وجرا وليتي هاكا جيتي نهار. لول بحال شي مسكينة وحانيا راسيا دابا خرجتي نيابك
سحر: هانتي قلتيها جيت مسكينة ولكن منفعش معاكوم داكشي وريتكوم وجهي التاني عادي غير ولفو من دابا كون حسبتوني وحدة منكوم مكنش هادشي ايطرا ودابا باغا نتكونسونطرا مع راسي ومباغاش صداع 
كملات مقادة ديال ضفارها الحاجة تعصبات وناضت من تما  بقات سحر كالسة حتى سمعات لهدرة وضحك دورات وجهها لقات لبنات جايين معاهوم واحد لبنت قصيرة شوية وعامرة شوية لابسة كسوة طويلة صيفية  كلسو فصالون حياة شافت فحر
حياة : ياسمين هادي سحر مرة خويا فخر الدين
ياسمين:  اه تشرفت بمعرفتك انا ياسمين خطيبة
سحر: اممم مزيان
ياسمين: اه اوا كيف جاتك لبلاصة هنا سمعت بلي نتي مكنتيش ساكنة فالمغرب
سحر: عادي كون ماكانش فخر كون رجعت بحالي
ياسمين : عغلاش واش معغندكش عائلة هنا
الحاجة :(كانت داخلة مع الباب) لا.  مكنضنش عندها
سحر: ههه بصح الحاجة عندها الحق  انا عائلتي ولات هنا نتوما عائلي
الحاجة: (مجوباتهاش) اوا ابنتي ياسمين كيف دايرين واليديك فرحت حيت جيتي ليوم وفرحانة حيت واخيرا اتون عندي مرات حفيدي مأدبة وغزالة بحاتلك وبنت عائلة
ياسمين: لاهلا يخطيك الحاجة 
الحاجة: وصيت لخياطة عندنا توجد ليك احسن دهاز واحسن مجوهرات هنا  كولشي ليك
بقاو كيهدرو وسحر كتشوف معاملة لي مخلفة تماما حتا هي كانت باغا يعاملوها بحال هاكا حتا هي نهار لول جات مقالت حتا كلمة ولكن مبغاوهاش كيف مادارت ولكن مبيناتش لإنزععاج ديالها بزاف
ناضت خرجات برا الفيرمة كتشم لهوا قنطات ماكادير والو فحياتها كان باب الفيرمة محلول خرجات شوية بانولها شي بنات كيهضرو
بنت:  خاص نبداو سياح قررزاب يجيو والجمعية نقصاتلينا بزاف
بنت2: بصح عندك الحق
البنت3: اواشو الممول دابا
سحرر: سلام
البناتت: عغليكم سلام
سحر: سمعتكوم كتهضرو على شي جمعية
البنت: اه حنا دايرزين هنا جمعية ديال لبنات كنعمرو وقتنا وكنربحو مصروف ديالنا
سحر: اه وديالاش
بنت2: ديال مواد طبيععية اي حاجة
سحر: مزيان نقدر ندخل معاكوم
لبنات شافو فبعضياتهوم : ولكن ماغاديش تربحي بزاف
سحر: ماشي مشكل كيفما قلتي نتلف الوقت 
البنت: اه صافي اجي غدا سولي على جمعية السلام راه كولشي كيععرفها
سحرز: (فرحات) صافي شكرا انا سحر ونتوما
البنت: انا غيتة وهادي ختي ماجدة وهادي صاحبتنا هداية
سحرر : مشرفين
غيتة: واعش كتسكني فالفيرمة ديال سي فخر الدين
سحر: اه انا مراتو
البنات (بصدمة: كيفاش
سحر: علاش واش كاين شي مشكل
هداية: لا ماكاين حتا مشكل ورحبا بيك غدا
سحر: شكرا بسلامة
مشاو لبنات كيضرو وفرحانين حيت مرات فخر اتخدم معاهوم وغادي طلع ليهوم الجمعية ديالهوم غير بسميتها
ذازت نهار وجا ليل دخل فخر لبيت كانت سحر كالسة فبالكون حتا تحطات يديه على كتفها دارت بتاسمات ليه ودورات راسها
سحر:  تعطلتي  عليا
فخر :كلس فكورسي قدامها : هي توحشتيني
سحر: بغيت نطلب منك طلب ولكن مابغيتكش تقولي لا
فحر: (تكا على الكورسي وصغر فيها عينيه) كنسمعك
سحر: لا حتا تواعدني بلي ماغاديش ترفضلي
فخر: سحر هدري
سحر: بغيت ندخل فواحد الجمعية هنا
فخر جا يهدر
سحر: هانتا غير سمعني مافيهاش رجال فيها غير لبنات وحتا انا نتلف الوقت كنمل هنا بوحدي تاواحد مكيبغي يهضر معايا كنبقا بوحدي ونتا كتجي حتا ليل كتخليني عفاك خليني نمشي و
فخر: (مكانش ايرفضليها طلبها حيت ماشي شي حاجة خايبة ) موافق بشرط
سحر: شنو هما
فخر: انديك وانجيبك ولباسك اتردي ليه لبال
سحر: صافي واخا موافقة ياااي صافي غدا انمشي (ناضت عنقاتو وباستو فحنكو وبقات كتنقز. بحال شي درية صغيرة
فخر: شنو سميت بعدا الجمعية
سحر : قالولي سميتها جمعية السلام
هنا فخر تبدل لون فوجهو منين سمع سميت الجمعية  ندم حيت قبل طلب ديالها ولكن فات لفوت