شيخ القبيلة❤والمتمردة❤

بارت26

كان واقف حدا لباب كيتسنا طبيب يخرج من الغرفة  باش يدخل يشوفها خرج عندو طبيب
طبيب: دابا انخليو مدام سحر تحت المراقبة حيت حالتها مازال مامستقراش
فخر: واش مازال لخطر على حياتها
طبيب: هادشي منقدش نقولو حتى تفيق ونشوةف حالتها .تقد دابا دخل عندها واحد شوية اتفيق من لبنج وغادي نجي
دخل فخر على داك لمنظر لي مكيحملش هو يشوفها ناعسة ماحاسة بوالو شاف دراعها ملوين عليه فاصما زير على يديه بالعصب وشعرها لي مقطع هي كان اكثر حاجة كتبغي هي شعرها وقف حداها حنا وباس جبهتها وكيستنش ريحتها لي ردات فيه روح كلس فواحد لفوتوي مقابل معاها محيدش عغينيه عليها دازت شي نص ساعة  بدات كتحرك بصعوبة ناض عندها حلات عينيها بشوية كتشوف فسقف كتسترجع شنو طرالها واش حلم ولا حقيقة بدات كتنفس بزربة نفس معندهاش وكترعد
سحر: بععععد مني بععد
فخر: (كيحاول يشدها) سحر تهدني هدا انا سحر
سحر: بعد مني عتقوني
فخر تلف خرج كيعيط على طبيب جا بزبة قبطوها عطاوها ابرة هدناتها منعغساتش ولكن مابقاتش قادة تحرك
فخر: مالها علاش دارت هاكا 
طبيب: حاجا عادية من بعد داكشي لي طرالها تعطينا هاد ردة الفعل خاصها وقت باش تقد تجاوز هادشي
فخر: ( هز يديه كيحك فلحيتو) فهمتك شكرا
خرج طبيب وبقا واقف كيشوف فيها وهي مكتشوفش كاع فيه كتشوف فلحيط جر كرسي وكلس حداها حط يديه على يديها جراتها بزربة بخوف
فخر: صافي سمحيلي متخافيش منبقاش نقيسك متخافيش مني عافاك
سحر مجاوباتوش دورات راسها لجيهة لاخرة بقا فخر كالس كيشوف فيها بدون حيلة صونا تيلي ديالو هزو وخرج من الغرفة
فخر: اش درتو
....:   غير تهنا ليوم ايكون لخر فحياتو
فخر: قبل بغيتو يندم على نهار لي حط يديه عليها ريحتو مبقيتش باغي نشمها (قطع)
جاو العائلة لحاجة ولالة سلطانة مروان وفرح وحياة
حياة:: خويا كيف بقات
فخر: ولات لباس صافي نتي كيف بقيتي
فرح:  انا مافيا والو اخويا .نقد ندخل نشوفها
فخر: واخا دخلي وةلكن مضغطيش عليها
دخلات فرح خشمانة من راسها قربات عندها
فرح: سحر كيف بقيتي
سحر بدون جواب
فرح: سمحيليا بزاف وشكرا بزاف نتي راك نقدتيلي حياتي عمر منقد نردليك هادشي لي درتي حيت قليل فحقك
سحر: خخرجي بعدو مني
فرح:  ختي  سحر  عفاك شوفي فيا
سحر: مبغيت نهدر مع تاواحد خرجي خرجي عليا
خرجات فرح كتبكي
فرح: هئ هئهئ انا سباب انا مبغاتش تهظر معايا مبغاتش تسمحلي
فخر:؛( عنقها) شووو هيا راه غير حيت مازالا تحت صدمة منين اترتاح غادي تهدر معاك متبكيش سيري دابا لدار ترتاحي مروان ايوصلكوم انا انبقى
لحاجة: واخا اولدي لي بغيتي ندخل نشوفها ونمشيو
فخر: واخا الحاجة
دخلات عندها دارت سحر شافت شكون شافتها وعاودات دورات وجهها
لحاجة: فخبارك نهار عاودولي عليك  ومنين تزجتي فخر الدين مبغيتكش ولكن نهار جيتي وشفت الحب فعينين ولدي فخر وكيفاش كيشوف فيك وكيفاش كيتعامل معاك وشحال كيخاف عليك فرحت حيت اخيرا لقا داك لحب لي كيقلب عليه ولكن ليوم ( شافت فيها سحر) ليوم شفت لخوف فعينيه شفت دموع وشحال خايف حيت  مبغيتيش تشوفي فيه شفت فيه دري صغير ماماه مابغاتش تعنقو وحابس لبكية بزز ،كاملين عارفين بلي كدوزي من مرحلة صعيبة ولكن حنا كاملين معاك وجنبك خاص غير نتي تكوني معانا متعطيناش بظهر
ناضت وخلاتها غارقة فتفكيرها بقات هاكاك حتى داها نعاس
حدا لمستشفى واقف مروان وفرح وجات حياة عندهوم
حياة: لاله سلطانة وةالحاجة مشاو فطونوبيل لاخرا
مروان: اه صافي طلعو نمشيو حنا باش ناخد شي حوايج لفخر يبدل
جاوة لبنات يطلعوة بجوج لور
حياة: اش كديري
سحر: اش بالك انطلع
حياة: ومالك طالعا لور خوك دايرو شيفور عندك طلعي لقدام
فرح: الى بقا فيك طلعغي نتي لقدام
حياة: ياك خويا مروان حل عفاك لباب لقدامي لفرح مبغاش يتحل
فرح شافتا فحياة شوفة ديال لقتيلة طلعات لقدام وزدحات لباب شاف فيه مروان شوفة باردة وديمارا وزاد
حياة: اوا اخويا مروان كيف دايرا سويد كان تما زين ولا والو
مروان:(ضحك) كاين كاين (شاف فرح) ولكن ماشي بحال هنا
حياة: بصح عندك لحق
فرح تكات على لكوسان كتشوف فطريق حتى غفات عينها مرة مرة مروان كيطل عليها وحياة حاضياهوم وفرحانة وصلو لفيرمة
مروان: بلاما نفيقوها غير خليها ناعسة انا انديها لبيتها 
حياة : اه واخا انا انمشي نشوف لحاجة لابغات شي حاجة
نزل مروان حل لباب على فرح هزها بشوية باش متفيقش ودخل بيها لبيتها حطها فوق ناموسية حيد ليها سبرديلة وغطاها وكلس فجنب ناموسية حدا راسها كيلعب فشعرها
مروان: توحشتك ( باسها فخدها وخرج)
فسبيطار دخل فخر لقاها ناعسة دخل لحمام هز لحوايج لي وصلوه بدل وخرج كلس بعيد مبغاهاش تعاود تفيق ودير نفس ردة الفعل دخلات الممرضة كتشوف لحالة ديالها فاقت على دوك تحركات سالات الممرضة شغلها وخرجات شافت سحر فخر لقاتو كيشوف فيها مابغاش يجي عندها فضل يبقى بعيد مهم يكون حداها
سحر: فيا جوع
فخر: واخا شنو بغيتي نجيبليك
سحر: واش اتمشي نتا مبغيتش صافي غير بقا هنا
فخر: انا انبقى معاك انقولهوم يجيبولك 
سحر: علاش وليتي كتكلس بعيد واش وليت خايبة بزاف
فخر:( قرب عندها شد ليها وجهها بين يديه) بالعكس نتي اجمل وحدة عرفت
سحر: لا انا وليت خايبة حتى شعري مشا
فخر: متقوليش هاكا نتي فكل حالة زوينة كنت بعيد حيت خفتك تخافي مني
سحر: سسمحلي مكنتش قاصدة نغوت عليك
فخر: ششششو صافي انا مامقلقش منك عارف عارف 
سحر: بغيت نمشي لدار
فخر: خلي تحسن حالتك شوية ونمشيو كلشي باغي يشوفك ،انا نعيط ليهوم يجيبو ليك تاكلي شي حاجة
خرج هدر مع ممرضة ورجع دغيا كانت الفرحة باينا فعينيه  قرب عندها باسها فيدها وحنا باسها فجبهتها وهبط كيقبل فيها بكل حب وحنان فصل القبلة من بعد ما سمع دقان دخلات الممرضة فيديها بلاطو خداه من عندها وشكرها حط بلاطو قدامها بدا كيشربها الصوبة حتى سالات هز بلاطو وقاد ليها لفراش تكات وهو كلس فكرسي قدامها غمضات عينيها وهي شادا يديه
طلع صباح فالفيرمة وكلشي خدام بامر من لحاجة حيت  علمهوم فخر بلي سحر اتجي ليووم وجدو جميع المأكوةلات ورتبو البيت ديالهوم 
لفوق كانت فرح ياله كتكسل فبلاصتها
فرح:  اوووف لا نعست بحوايجي
ناضت دغيا دوشات ولبسات كسوة واسعة قصيرة حد ركبة قصفر وصبرديلة فلبيض وهبطات كانت لحاجة هي ومروان فصالون
لحاجة: صباح نور حفيدتي لغالية كون قلتايلهوم يجيبوليك لفطور لبيت بلى ماتهبطي
فرح: جدة انا مافيا والو هاد لهدرة كان عليك تقوليها كون كنت انا فبلاصت سحر
مروان: ولاش خارجين نتوما بوحدكوم ماكاينينش رجال لي يمشسو معاكوم
فرح: مهدرتش معاك نتا ادن ماشي شغلك
لحاجة: فرح بنتي حترمي ولد عمك
فرح: بغيت نمشي نشوف سحر
لحاجة: ماكين لاش ليوم اجيو
فرح:( فرحات) بصح حمد الله
لحاجة: اوا كلسي معانا ابنتي كاع مهدرتي نتي ومروان
فرح: وعلاش انهدر معاه اش بيني وبينو
لحاجة:( بعصبية) فرح ماتنسايش مروان خطيبك ولد عمك ديري هادشي فبالك
فرح:(ضحكات.  وهزات يديها) خطيبي  مشفت حتا خاتم هنا وظاكشي ديال لعائلة مدخلونيش فيه
لحاجة: كلمة وحدة قلتها كول وحدة فهاد لعائلة منين كتزاد انا لي كنختار قدرها ونتي دخلي هادشي لراسك نتي ومروان اتزوجي تقبلي هادشي (ناضت وخرجات)
جات فرح حتا هي تخرج شدها مروان من يديها
مروان: شنو كاين غبرت شوية شتك تبدلتي ولا ياكما كتعرفي شي واحد
فرح : ونتا مالك شغلك نعرف ولا منعرفش اش دخلك طلق مني
مروان:( شدها من فكها) فكري غير ديرها وتشوفي شي واحد من غيري انوريك اش اندير ندفنك نتي وياه حيين كتفهمي ( طلق منها وزاد خلاها واقفة بوحدها خوفها مشات شدات واحد لقنت وكلسات فيه جات عندها حياة
حياة: اويييلي واش بعقلك ولا عندك شي خرية فداك راس
فرح: عطيني تساع هاد ساعة
حياة: علاش ماباغاهاش مكتشوةفيش هو شحال كيبغيك ربع سنين سافر غير باش يخليك علا راحتك ومتحسيش براسك حاضيك شي واحد
فرح: واش مكتفهموش انا مكنبغيهش ماباغاش نتزوج بيه تزوجي بيه نتي الا بقا فيك
حياة: علا ا نا عندي داك زهر كاع
فرح: اوووف حتا كلت تهنيت منو عاود رجع
حياة: اوا الله يرد بيك
فرح: سيري عطيني تيقار الله يعطيك ستر هاد ساعة