شيخ القبيلة❤والمتمردة❤

بارت8❤

وصلو لسبيطار 🏢🏨خرجات سحر كتجري شوي دارت عند فخر
👈سحر: فين كاينين 😢
👈فخر: سحر تهدني راه ماواقع والو كاين غير لحاج هنا لحاجة بقات مراكش
👈سحر: واش وقعات ليها شي حاجة قولي أفخر ماتحمقنيش
👈فخر: ماواقع ليها والو هي لاباس أنا لي مابغيتهاش تجي قلت ليها تجلس تما حتا نتأكدو من حالة ديال لحاج هادشي لي كاين أحبيبة
👈سحر: واخا صافي حسن ياله نمشيو
مشاو لغرفة لعمليات مشات سحر حدا لباب وفخر موراها
👈سحر: هئ شحال أيبقاو لداخل (كتبكي) راه هو لي عندي هو سند ديالي
فخر قرب ليها : سحر تيقي بيا جدك غادي يخرج من هنا وصحتو مزيانة صافي تيقي بيا
سحر دارت ليه براسها واخا حيث خاصها آصلا شي أمل تشبث بيه عنقها فخر ومشا گلسها فوق واحد لكرسي وكلس حتا هو وتكاها على صدرو
👈فخر: أنا معاك ماغادي يوقع والو
👈سحر: هو لي  كيحميني هو لي عندي منقدرش نعيش إلا طرات ليه شي حاجة
👈فخر: مايطرا ليه والو الحاج قوي كثر ماكاتصوري وحتا أنا حداك ماغاديش نخليك
سحر بقات متكيا على صدرو حتى سمعات جرى دارت والصدمة كانت أكبر كانت ماماها (هبة)👧 وختها (شمس) 👩وراجل ماماها (جلال)👴. سحر مصدومة أش كيديرو هادو هنا 😰😨
👈هبة: بابا فيناهوا جلال بابا ماغادش يموت
👈شمس: ماما حبيبتي تهدني جدي مايطرا ليه والو
سحر شافت فخر لي بحالا فهم شوي
دارت هبة وهي تشوف بنتها سحر لبنت لي كرهاتها حياتها لبنت لي معمرها عتارفات بيها كبرات
👈هبة: أش كديري هنا أا دوي نتي سباب أصلا فين مامشيتي كاديري شي مصيبة بقاليك غير بابا 😡😡😣هاهو لداخل دابا
سحر غمضات عينيها بعصبية وناضت: غادي تجمعي فمك ولا غادي تندمي راه مابقاتش قدامك سحر لي صغيرة وفوق مادرتي ضربيها وتهينيها كتفهمي وهاداك لي لداخل تبرا منك وخرجك من حياتو
👈شمس: نتي هي سحر نتي معايا فنفس شعبة
👈سحر: اه أحبيبة أنا هي ودابا بعدو من هنا حسن ليكوم
👈هبة مصدومة كيفاش ولات كتهدر معاها: صافي دابا تحل ليك لفم نتي لي خصك تمشي من هنا ولا نسيتي راسك شكون نتي وشكون أنا أنا راه بنتو ونتي شكون حفيدتو لي مامعروفش أصلها ولا فصلها وشكون دمها
👈فخر(جا قدامها): عنداك تعاوديها ماتخلينيش نضطر نخرجك من سبيطار ودابا أتمشيو تبعدو من هنا سي جلال دي مرتك وبنتك بعاد ولا أنا لي أنتكلف
جلال بعدهوم شوي وهبة كتشوف فسحر بحقد
👈شمس: ماما هادي هي ختي
👈هبة دارت عندها: نتي ماعندكش ختك كتفهمي
عند سحر لي كلسات وهي كتحاول ماتشوفش فيهوم
👈فخر: ماديريش فبالك مايستاهلوش
👈سحر: واش غادي  مازال يتعطلو لداخل
كملات هدرتها حتى خرج طبيب ناضو كملين
👈سحر: دكتور كيف بقا ياك ماطراليه والو
👈طبيب: لحمد اللله حالتو دابا مزيانة غادي نقلوه لغرفة عادية ومن  بعد تقدرو تدخلو عندي الحمد الله على سلامتو
سحر بالفرحة عنقات فخر وحتى هو بادلها العناق وهو فرحان
👈فخر: شتي شنو قلتليك غادي يولي مزيان أحبيبتي
👈هبة(نقزات): ماكاتفلتيش لفرص ساليتيهوم كاملين بقاليك غير شيخ لقبيلة .سمع اولدي هادي متصلاحش ليك واحد لبنت مسخة غير اتوسخ ليك سمعتك
👈فخر بعصبية: هادي أخر مرة غادي نهدر بحترام مراتي غادي تعطيها تيقار كتفهمي أمدام ،ديها غير فحياتك أنا عارف أش كندير
شد سحر فيديها وداها لمطعم فسبيطار كلسو فواحد طبلة وطلبليها سلطة تاكل شوية
👈سحر: ماقاداش ناكل 🍲خلينا نمشيو عند جدي
👈فخر: ددابا ياله أينقلوه لغرفة مازال مايخليونا ندخلو كولي شوية بعدا
سحر هزات فورشيطة 🍴🍴كتلعب فلماكلة ونطقات
👈سحر: أنا ماشي هاكاك
👈فخر شد يديها : بلا ماتكملي ديك لهدرة ماكتهمينيش اهم حاجا عندي هي نتي
سحر شافت فيه بنظرة إعجاب وبتاسمات وحنات على لماكلة
من بعد ماكلات بزز وفخر حاضيها حتى كملات لماكلة🍲🍲 ناضو متوجهين لغرفةة لقاو طبيب خارج من لغرفة ديالو
👈فخر: دكتور نقدو دابا نشوفوه
👈دكتور: أكيد ولكين ميهدرش بزاف
مشا دكتور ودخلو سحر مشات عند جدها لي فاق. 👈سحر : جدي (قبطات يديه وباستها) واش كضرك شي حاجة أجدي
👈الجد: أنا غير شفتك  ونا نبرا .غير قولي أولدي  كيفاش أنعيشو منين أتدي هاد نوارة من داري
فخر شاف فسحر: إوا لحاج نتا حياتك كاملا وهي مضوية حياتك خليني أنا شوية عاود متكونش اناني
👈سحو: غير تهنى أجدي حتى إلى تزوجت ديما أنجي عندك
👈الجد: اممم حتا يخليك  هاد بو بادر أيولي يغير حتا مني 😕
👈فخر: إوا ألحاج بسيف ما نغير وأنا عمرها واشدات فيدي كيف ما شاداها فيك دابا
بقا كيهضرو حتى دخلات هبة وشمس وجلال سحر دورات وجهها لحيط بانزعاج😒
👈هبة: بابا حمد الله على سلامتك
👈شمس : حمد الله على سلامتك أجدي
👈الجد: فخر ولدي طبيب قالي مخصكش ناس بزاف فلغرفة إلا سالاو ضياف وريهوم لباب
👈هبة: بابا أنا بنتك واش فضلتيها عليا سنين وانا ساكتا وصابرة كنقول دابا يرطاب قلبو عليا وعلى حفيدتو
👈الجد: انا ماعندي بنت وما عندي حفيدة من غير سحر ودابا خرجو عليا
👈هبة:  كتجري عليا بسبابها .واخا ولكين أنقولك واحد لحاجا قبل مانخرج أنا ماندماش على داكشي لي درت وإلى رجع لوقت أندير نفس لحاجا وكثر هاديك ماتستاهلش تكون  بنتي أصلا ندمت حتى ولدتها گاع
سحر شافت فيها بصدمة
👈👈ناض فخر وقف فوجهها : غادي نعيط لكارد إلى مخرجتوش ياله برا وهادي أخر مرة نعاود نسمعك كتهدري عليها
خرجو مشاو وسحر كلسات حدا جرها
👈جد: بنتي عنداك تقلقي
سحر لا أجدي عادي ولفت
كلسو معاه شي ساعة جا طبيب باش يطمن عليه وفقالهوم بلي أيبقا هنا هاد ليلة سحر بغات تگلس ولكن الجد مابغاش وصا فخر يوصها لدار
وصلها فخر لدار طلع معاها حتى لبيتها
👈فخر:  سحر إلا حتاجيتي شي حاجة عيطيلي واخا
👈سحر:واخا شكرا
مشا باس ليها راسها وقال
👈فخر: ماكاين لاش تشكريني هادا واجب عليا أنا غادي نولي راجلك يعني نتي مسؤوليتي دابا
حركات ليه سحر راسها ومشا وصا فايزة عليها وخرج وصا لكارد بلي ممنوع يدخل شي واحد  ومشا لقصرو لقاهوم ناعسين طلع لبيتو دوش باش يرتاح ونعس بقا كيفكر فهدرت هبة واش كاينا شي أم كتعامل بنتها بهاد لقسوة ياك حتى شمس بنتها لاش لمعاملة مختلفة بقا كيفكر حتى غفا
صباح جديد
سحر ناعسة دخلات عندها فايزةة
👈فايزة: لالة سحر لالة سحر
👈سحر: اممم اش بغيتي
👈فايزة: لالة سيد لحاج قرب يوصل قلت نعلمك تقدري تبغي تستقبليه
👈سحر: صافي خرجي
خرجات ناضت سحر دخلات تدوش
ونمشيو عند فخر فاق لبس عليه كوستيم كحل وشوميز كحلة صباط كحل ونزل لقاهوم كالسين على طبلة كلس وهز قهوة ديالو كيشرب منها
👈سلطانة: ولدي كيف بقا لحاج العراقي
👈فخر: لاباس ليوم أيجي لدار
👈سلطانة: حمد الله على سلامتو
ناض فخر وناضت فرح لي غادي يوصلها فخر ديما إلا بعد لمرات
ركبات حداه وكيف ديما مشا يدوز على سحر عند بالو أيلقاها ناعسة دخل لقاها كالسة حدا جدها كيفطرو
👈فخر: صباح النور الحاج كيف يقيتي
👈الجد:  الحمد الله أولدي
👈فخر: سحر ياله الكلية كتساناك
👈سخر: بغيت نبقا مع جدي ليوم
👈الجد: هاء دابا جيتك مشلول راه غير ضربة صغيرة سيري تقراي على راسك ولا أنتقلق منك
👈سحر: واخا أجدي ولكن مانتعطلش ،فايزة طلعي جيبيلي صاكي
مشات فايزة جابت ليها صاكها وتوجهات لطونوبيل خنزرات ففرح وركبات
👈سحر: فخر فين هي طونوبيل لي قلتي أتعطيني
👈فخر كيهدر وكيسوگ: موجوودة ألالة
👈فرح : حتا أنا بغيت وحدة أخويا
👈فخر: عندك أفرح أصلا نتي معندكش بيرمي ماغاديش نغامر نخليك تصوگي سحر عنزها بيرمي ومولفة تسوگ
سحر بتاسمات
وصلو لكلية سحر شافت من طونوبيل لبنات كيتسناوها
نزلات هدر معاها فخر من سرجم
👈فخر: بعدي من دوك لبنات
شافت فيه ومشات مارداتش عليه تسالمات هي ولبنات ودخلو
👈رانيا : لأميرة لحزينة جات
👈سحر: مزيان ههه
دخلو لكافي كلسو سحر شافت لقات وصال كالسة حدا شي بنات وعيانة
👈سحر: وصاال أجي
ناضت وصال ماباغاش تجيبها فراسها عاود وقفات عليها
مدات ليها 200 درهم 💵
👈سحر: هاكي سيري جيبي لييا قهوة وشوفي لبنات شنو بغاو
👈منار: ههه جيبي ليا  كاب كيك وكافي شوكولا
👈رانيا : اممم أنا صبري نفكر  جبي ليا بحال منار
مشات وصال جابت ليهوم داكشي وحطاتو فوق طابلة
👈سحر: خليليك صرف تقدري تبغيه ياله تحركي
👈رانيا: ههه مسكينة بقات فيا
👈سحر: لبنات نخليكوم عندي حصة باي
مشات سحر دخلات لحصة لقات نفس لبروف ديال لبارح بدات كتخربق عليها تما سحر مافهمات والو كتشوف كولشي كيكتب وهي غير كتشوف وشمس ماشافتش فيها گاع
ضرها راسها وكات على صابلة وداتها عينيها
حتى كتحس بشي واحد واقف حداها طلعات راسها لقاتها أستادة
👈أستادة: إلى كنتي باغا تنعسي كون ماجيتيش گاع
👈سحر(دورات راسها لسرجم): ماشي نتي لي أتقوليلي شنو ندير
👈أستادة: نتي راكي فقسم ديالي وأديري لي أنا كنقولو ودابا أتنوضي تمشي لسبورة شرحي لينا شوي من دوك لفهامات ديالك
سحر(حكات عنقها بعصبية)وناضت دايرة يديها فجياب سروال  وقفات فسبورة كتشوف فيهوم ببرودة
👈أستادة: ياله بداي
👈سحر: كون كنتي ذكية وباغا لي يشرح بصح ماتنوضينيش أنا راك شفتيني مامسوقاش ليك 
👈أستادة : ضربات يديها على لمكتب : نتي راك مامربياش
👈سحر (باستهزاء): ونتي مربية مثلا
👈أستادة تعصبات : غادي تمشي عند المدير أنا أنوريك زيدي قدامي
مشات سحر قدامها كتعوج وأستاذة معصبة ذخلات عند لمدير
👈أستاذة: سي لمدير سمحلي ولكين هاد لبنت  ماكاتحتارم حد وأنا مستحيل ندخلها لحصة ديالي قبل مانشوف لمسؤول عليها
👈المدير: أستادة .لالة سحر أش واقع
👈سحر: ماعرفت قاتلي أجي معايا جيت معاها
👈أستاذة: ماغاديش ندخل نكمل لحصة حتى نشوف ولي أمرها وكلسات على لكرسي تبعاتها سحر كلسات ودارت رجل على رجل وشافت 👈فالمدير : قبل مايجي ولي أمري طلبلي شي حاجة نشربها
لمدير شاف بدون حليلة طلبلها عصير وعيط على فخر يجي قالو واقع شي سوء تفاهم
دخل فخر لقا أستادة وسحر عرف بلي سحر عوتاني دايرة شي حاجة ناضت أستادة شافت ففخر
👈أستادة: سي فخر الدين بلا شك نتا ولي أمر سيدة سحر
👈فخر شاف فسحر: اه ياك لباس أش واقع
👈سحر: ماواقع والو مانعرف معايا
فخر خنزر فسحر: تفضلي أستادة كلسي نهدرو
كلسات وشافت فسحر بعصبية
👈أستادة: سي فخر الدين أنسة سحر مستهترة بزاف ومكتحتارم حد زيد عليها ماعطياش أهتمام لحصة  بمرة ومنين تكلمت معاها هدرات معايا بوقاحة وهادشي مستحيل نسكت عليه
👈سحر : ناري شحال جامعة فقلبك من جيهتي صدمتيني
فخر ضرب فلمكتب حتى قفز سحر وسكتات
👈فخر: أستاذة كنعتذر منك نيابة عليها وكنواعدك هاد لمشكيل ميعاودش يطرا
👈أستاذة: سي فخر الدين أنا ماباغاش إعتذار باغا غير تعرف بلي هادشي لي كادير ماغاديش يسلكها
👈سحر: تاواحد ماطلب نصيحتك ديها غير فراسك
👈فخر: سحر سيري تسنايني برا ياله
ناضت سحر خرجات فخر هدر معا أستادة وحل لموشكيل .خرجات أستاذة تكمل لحصة ديالها فخر جر سحر لغرفة إجتماعاترلي خاوية
👈فخر: شنو هادشي لي كاديري واش ناوية تخرجيلي لعقل
👈سحر: أنا مادرت والو راه غير داني نعاس لبارح مانعستش مزيان أصلا هي لي بغات دير مشكيلة
فخر جرها عندو حتى خبطها مع صدرو
👈فخر: سحر هادشي أخر مرة نعاود نسمعو وقع وغادي دخلي لحصة تكمليها بهدوء ولا غادي نبذل نعاك طريقة
👈سحر: واش نتا حمق راه هي لي جبداتني بعد مني نتا كيحسابك أتخلعني راك غالط

فخر مابغاش يغلط معاها ويضربها صابر كتر من لقياس
👈فخر: سحر سيري
تنترات منو خرجات وزدحات لباب دخلات لحصة بعجاجتها وكلسات
👈أستادة : غدا عندكوم كونطرول باش نعرف مستوى اي واحد فيكوم نتمنى متخيبوش أملي
سالات لحصة سحر معصبة مابغات تلاقا معا تاوحد حتى لبنات  قالت ليهوم يبدلو ساعة بخرا بقات كالسة بوحدها كتحس بواحد الوحدة كتشوف ناس لي حداها باينين فرحانين وعايشين الحياة إلا هي كتحس بضلام فحياتها مدخلاتش لحصة لي موراها بقات غير گالسة شوي خرجات لباب الكلية لقات شيفور فخر كيساينهوم شافت فيه وقلبات دورة لطريق خدات طاكسي مشات لدار طلعات لبيتها كتحس براسها مخنوقة ومزيرة وحزينة بزاف حتى صونا تيلي جاوبات
👈سحر: الو .الو شكون معايا
👈....: توحشتك ألغزالة ديالي
صافي تما سحر بدات كترعد غير بوحدها قطعات رمات تيلي هرساتو وهي مازال مشوكيا
👈👈سحر: لا ميمكنش اش بغا عندي مازال مستحيل لااسحر غير كتوهمي تنفسي أيكون غير غالط فنمرة ماشي هو 😨😨😨

خليلولي أراأكم❤❤❤❤