شيخ القبيلة❤والمتمردة❤

بارت27

كانت سحر كالسة فالبيت ديالها كتشوف فسرجم وساهية فحياتها لي تبدلات كيفاش كانت وكيفاش ولات بقات كتفكر حتى حسات بشي شال تحط على كتافها طلعات عينيها لقات فخخر گلس حداها تكات على صدرو بدون متقول شي حاجة
فخر:عارف لي دوزتي صعيب بزاف ضحيتي براسك ولكن انا معاك دابا منخليكش بوحدك حتى دقيقة
سحر: انا انا خفت  بزاف ولكن مكنش عندي حل اخر على اقل الى طرااتلي شي حاجة معنديش عائلة تحزن علليا
فخر: (هز ليها راسها) وانا شنو كندير مكتفكريش فيا كون طراتليك كون حماقيت نتي هي اوكسيجين ديالي
سحر: نتا هو لحاجا لي مازال مخلياني فالحياة كنحس كتعطيني گاع لحب بحال بناتك بحال شي أخ لختو بحال صديق بحال زوج معمر محسيت بهادشي من قبل كنبغيك بزاف
فخر دوك الكلمات كانو كافيين يخليوه فرحان بحال دري صغير قرب منها وحط شفايفو هلى شفايفها كيقبل فيها بكل حنية وحتا هي مبخلاتش عليه وتجاوبات معاع حتى دخلات الحاجة شافتهوم فداك المنضر وهي ضور
الحاجة: استغفر الله واش مكتحشموش
فخر: ههه لحاجة راه مراتي هادي
دارت شافت فيهوم
الحاجة: اممم فهمناها صافي بغيت نشوف واش سحر قادة تعشا معانا نتا عارف كولشي جا وباغي يشوف سحر ولكن الا مقاداش ابنتي حتا لغدا
سحر: لا انا انجي
خرجاات  وخلاتهوم
مشا فخر كيدير شي اتصالات على قبل لخدمة دخلات فرح
فرح:سحر مساليا نقد ندخل
سحر: دخلي
فرح: كيف بقيتي
سحر: وليت لاباس الحمدالله
فرح: (گلشات حداها) خاصك تولي لاباس دغيا دياب دايرين بينا
سحر : كيفاش مفهمتش
فرح: كاع لي جاو مكيحملوناش وخاصهوم غير لفرصة منين يشدونا فلول كنت غير انا دابا وليتي حتا نتي
سحر: اي واحد جبدني ايلقاني
فرح: لا قبل ميجبدوك خاص يعرفوك اش كتسواي
سحر: ياك لاباس بحالا وليت عزيزة عليك
فرح: من ديما غير ماجابتهاش لفرصة
سحر: ههه صافي صافي تيقتك ياله نهبطو نشوفو شكون
فرح:ياله ياله
خرجو من الغرفة وتوجهو لصالون جاو بزاف ديال ناس مكتعرفهومش لي عارفة هو من عائلتهوم
الحاجة: هاهي مراة ولدي فخر جات
كولشي دار ڜاف فيها كيطلعوها ويهبطوها
الحاجة: اجيو كلسو سحر بنتي من بعد وتعرفيهوم كاملين
كلسات سحر حدا فرح سحر كتشوف فكل واحد اغلبية باين على وجههوم محاملينهاش والباقي مامسوقش
فرح ( بصوت خافت) شوفي هاديك الشيخة لي مصبغة شعرهها بصفربنت مرات عمي
سحر: امممم مالها
فرح: هاديك واحد شاطة ماطة مكتسواش كانت بغات مروان ولكن منين خطبني متسرطاطش ليها باينا جايا ناويا على خزيت.
سحر: الى هي عاد ناويا على خزيت حنا ناويين عليه من شحال هادي بحال هاد نوع كيعجبني نضحك معاه
زوهرة: حبيبة سحر تباركالله دغيا درتي بلاصتك وليتي نتي ولوستك صحابات
سحر: هههه بصح كل واحد كيجازيه ربي على قد نيتو انا جازاني الله بعائلة كبيرة ولوسة ضريفة وحتا هي جازاها الله براجل الله يعمرليه الدار مروان ياك افرح
فرح: ( فرج جاتها ضحكة) واييه الله يكمل علينا وحتا نتي ازوهرة غير رخفي راسك زواج ميهربش منين يجيبلك الله نصيبك ايجي منعرف واش من هنا عام ولا عاماين ولا عشر سنين من اتزوجي كوني اكيدة
كلشي فصالوم ڜداتو ضحكة وزوهرة غير دايرة ضحكة صفرا من لداخل نار شاعلة فيها
بقاو هكاك كجمعين حتا وصل وقت لعشا كولشي كلس بداو فلعشا سحر مقداتش تاكل حاسة بلعيا
فخر: سحر ياكما معجباتش لماكلة نقوليهوم يقادو ليك لي بغيتي
سحر: لا ماقاداش والله بغيت غير نتكي نقدر نوض
فخر: واخا انا انمشي معاك
سحر: لا غير كلس تعشا نمشي راسي (ناضت) سمحوليا بصحتكوم
مڜات متاجه لبيتها حتا جاتها فكرة جهنمية مشات لغرفة لكالسة فيها وزهرة دخلات لقات لفاليزة تما حلاتها كتقلب على اي حاجة تبرزطها بيها لقات واحد دوا ديال حساسية ديال فستق رداتو بلاصتو لقات غير لي شوميز د ني معريين شرگاتهوم كاملين ردات كولشي كيف ماكان
سحر: اوا دابا نشوفو اش اتلبسي
خرجات مشات لبيتها قبل مايشوفها شي حد بدلات حوايجها بصعوبة مع الجروح لي فيها شربات دواها وتكات حتا داتها عينيها محسات. براسها حتى فاقت مخلوعة ماقاش تنفس ناضت بزربة حلات سرجم كتحاول تنفس كان فخر ناعس حداها حل عينيه على صوتها ناض طاير عندها
فحر: سحر سحر مالك
سحر: م ماقاقاداش ننننتنفس
فخر: شوفي فيا حاولي تنفسي بشوية بحال هاكاك برافو تنفسي
سحر:
سحر: بغيت نڜرب
مشا جابها لما شربو ليها جرها لفوتوي حطها على صدرو كيتلمس ليها فشعرها
فخر: ياريت نعرف شنو بيك وشنو ضارك 7لى اقل ندير محاولة
سحر: مازال عاقلة بحال ياله لبارح كنت فدارنا فبيتي كنوجد تمارين لي خصني لمدرسة دخل كيشوف فيا انا مفهمتش ديك ساهة قرب عندي حط يديه على شعري شمليا شعري وبقا كيهبط يديه كيتلمس فيا حتا دخلات ماما دار راسو كيوريني تمارين كل نهار بحال هاكاك انا مكنتش فاهمة كنقول خالي كيبغيني حتا فهمت واحد نهار
فخر مازال مصدوم من هادشي لي كاتقول هز راسها شاف فيها
فخر:هادا هو سبب لاش جرات عليه
سحر: (حنات راسها) متيقتنيش عيت نطلب فيها ترجيتها تيقني
فخر: مامحتاش لتيقة ديالها نتي قوية بزاف مراتي انا قوية خاص تولي كتر من هاكا نتي مرات فخر الدين لي بغا يشوفك طايحا بينيليه بلي هو لي طايح
سحر: نتا تيقتيني
سحر:تيقتي بيك عمية اسحر ولي اداك كنواعدك ساعتو قريبة
سحر عنقاتو من حر جهدها كانت محتاجة شي شخص يقولها انا تايق فيك

صبااااج جديد
فاقت سحر بكري كان فخر مازال ناعس ناضت حولات دوش بلا ما تقسح قادات شعرها وجمعاتو لفوق دارت مكياج صباحي لبسات سروال توب اسود واسع من لاتحت مزير من لفوق وشوميز بيضة خفيفة طويلة شوية من لور وطالعة من لقدام وصباط طالون اسود حلات لباب بشوية وخرجات  كانو لبنات كيوجدو لفطور
حياة: ختي سحر صباح نور وجهك هاد نهار صبح منور تباركالله
سحر: اوا الله يخطي علينا مكياج قوليلي شنو كائن ليوم لفطور
حياة: كاينة عصيدة ديال لحليب كيبغيوها بزاف كاين لبيض ملوي مسمن حرجة بغرير الا بغئتي شي حاجة نقادها ليك
سحر:لا باراكا غير هادشي اه ديك لعصيدة زيديليها لابودر ديال بيسطاج كتجي زوينة
حياة: بصح متاكدة
سحر: واقيلة كتكدبيني اري اري
هزات قريعة فيها لغبرة ديال بيسطاج خوات منها وحركات
سحر:(بتاسمات بشر) كولشي اتعجبو