شيخ القبيلة❤والمتمردة❤

بارت20❤

دازت ايام سحر برات فهاد لأيام تغيرو بزاف ديال لحوايج ولات كتحس بمشاعرها كبرو من جهة فخر بالمعاملة ديالو ليها وكيدير مجهود باش يفرحها ولكن غير كيجي يقرب منها ولا يدير معاها علاقة كترفض هادشي طرا بزاف ديال لمرات شي لي خلاه ميبقاش يقرب منها حيت حس كول مرة كترفضو بلإهانة فرجولتو وهو راجلها صافي مابقا كيبزز عليها والو ولا كيتعمد يجي معطل لدار  باش مايتلاقاوش فلقصر كولشي ععرف بلي بيناتهوم مشاكيل وخا ماكيقولوش ولكن باينا وكاين لي فرح وعجبو لحال وكيتسنا غير فوقاش يتفارقو
فاقت سحر كيف ديما مالقاتش فخر ولفات اصلا مابقاتش كتشوفو ساطت وناضت  لحمام وخرجات هبطات لقاتهوم كالسين مجمعين كيضحكو دازت عليهوم ومشات لكوزينة
سلطانة: شفتو هادو قراب يتفارقو  ولدي مبقاش كيشوفها كيخرج بكري من لقصر وكيجي حتى ليل شي حاجة بيناتهوم ولكن دابا نعرف
منى : بصح كاينا فخر ماموالفاش ليه موالف كيجي لغدا حتى هو مابقاش كيجي ليه
ليلى: هي قريب نفرحو ههه احسن حاجا
سلطانة: انشاالله
سحر دخلات لكوزينة لقات لبنات خدامين كيديرو شغالهوم شافوها ووقفو
خدامة: لالة محتاجا شي حاجة
سحور : اا لا والو واش فخر ايجي لغدا
خدامة: لا ألالة معرفتش الا بغيتي نسول لالة سلطانة
سحر: لا بلاش صافي قولي لكارد يوجدلي طونوبيل شوية ونخرج
خدامة : واخا الالة
طلعات لبيتها مشات لبسات قادات راسها  دارت ميكاب وهبطات  شافت فيهوم بنص هين دارت نضاضرها وخرجات 
كارد: مدام نوصلك
سحر: انمشي بوحدي
كارد: ولكن امدام مسيو فخر ميبغيش
سحر: امم حتى يكون مسوق بعدا
كارد: نعام الالة
سحر: طلق داك كونطاكت شحفتيني وانا مازال مافاطرا
طيراتلو داك كونطاكت وطلعات ديمارات ومشات

سحر: قالك سي فخر ميبغيش بحالا هاد سيكوم فخر حاسبني مرتو 
وصلات لدار ملاك
ملاك: (حلاتلها لباب دخلات بلا سلام) مالك جايا بعجاجتك
سحر: لعجاجا هي لي غادي طيرك من دابا شويا
ملاك: اولي مالك عاوديلي
سحر: (شافت فيها ) انا وفخر مخاصمين
ملاك : وشنو سبب
سحر: غير بوحدو
ملاك: سسسسحر
سحر: سحر شنو بوحدو وصافي
ملاك: بغيتي لقاو لحل قوليلي شنو طرا
سحر: مخليتوش يقرب مني
ملاك (قفزاتها ) اويلي على بنت لحررام  ووراه بسيف مالك بغيتيه يبقا بحال خوك راه صدق ولد ناس حيت مطلقكش
سحر: ياك اختي اوى الله يجازيك بالخير
ملاك: سحر راه خاصك تفهمي بلي هو واجل ايبغيك ايبغي دير ولادو  بعني هادشي عادي
سحر: ولكن مكنقدش كنتخنق
ملاك: هادشي كاين غير فراسك خاصك تحيديه ولا اضيعي راجل متلقايش بحالو
سحر بقات غير كتفكر عارفا بلي عندها لحق
ملاك : قوليلي واش هدرتي مع جدك
سحر: مهدرتش ومعندي فاش نهدر معاهوم  سالينا
ملاك: قلبك قاصح
سحر: هوما لي رضوني هاكا ، خليني منهوم قوليلي كيف دايرا مع لخدمة
ملاك: عادي بحال ديما
سحر: اممم مكاين حتى جديد زعما
ملاك: ا لا ماكاين والو اش غادي يكون كاع
سحر: انا غير سولت ، ياله نخرجو نديرو شوية ديال شوبينك ونريح راسي
ملاك: وكتصرفي فلوس راجل بلا حشما بلا حيا
سحر: اوا راني مرتو من واجب عليه يعطيني
ملاك: مرتو غير بالفم
سحر : دابا واش اتخرجي ونمشي بحالي گاع
ملاك : صافي تسناي نلبس
خمسة دقايق كانت واجدا وخرجو لي عجباتهوم كيشريوا سحر مامقصراش  دخلو عند بائع مجوهرات معروف فالمنطقة 
بائع : مرحبا مدام اسماعيلي مرحبا زارتنا بركة
سحر : شكرا .كاين شي جديد شي حاجة متكون عند حتا واحد
بائع:  اكيد الالة انوريك موديل ياله جا قليل مرصع باألماس 
سحر عجبنو اناخدو 
شافت فملاك كتشوف فواحد سنسلة عجباتها
سحر: جمع. حتا ديك سنسلة
ملاك: سحر لا بلاش والله مكاين لاش انا غير عجباتني
سحر: اوا صافي حيت عجباتك اناخدها ومتزيدي حتى كلمة
ملاك (فرحات) شكرا
سحر سيفطات ليها بوسة فالهواء  .
خرجو تغداو
فمكان اخران فخر كالس فمكتب ديالو خدام  دخل عندو المحاسب
محاسب : سي فخر سمحلي على ازعاج جيت نعلمك بالمستجدات كيما قلتيلي
فخر: شنو كاين
محاسب : خزرج واحد المبلغ مهم من الحساب ديال مدام سحر
فخر : فوقاش
محاسب : غير ليوم 
فخر : صافي شكرا
خرج وخلا فخر
فخر: يعني خرجات بلا متعلمني  مزيان الالة سحر غير زايدا فيه
هز تلي ديالو وخرج  باتجاه لقصر  دخل لقصر 
لالة سلطانة: ولدي على سلامتك مفخباريش اتجي لغدا كون  تسنيناك
فخر: مشي موشكيل الالة سلطانة انطلعدابا نرتاح شوية
خلاهوم وزاد طلع لجناحو دوش وكلس  وصلات لعشية عاد دخلات لالة سحر طلعات معاها لخدامة صيكان ودخلات تصدمات لقات فخر كالس كيتسناها هي بحالا ضربتيها بتصرفيقة دخلات بغات تلطف الجو حيث كان باين معصب

سحر: اا فخر سلام مفخباريش أتجي دابا 
هو وقف هي غير  شافتو وقف داخت
فخرر  : فين كنتي حتى لهاد ساعة
سحر: انا كنت مع ملاك صافي خرجنا شوية وجيت
فخر: غير شوية ، شحال دابا
سحر: راه غير ...
فخر: (قاطعها  بالغوات) شحال دابا
سحر: 8 
فخر: مازال شي وحدة مزوجة ولا خبار راجلها كدور حتا لهاد لوقت وبهاد لحالة مرات ااغا  كدور فزناقي مالقيتيش لحكام
سحر: دابا لاش كتغوت عليا مادارت والو ولاش جاي اصلا دابا ياك ماشي وقيتة ديالك نتا لي مخليني بوحدي كيحسابك ابقى كالسة بحال شي مونيكة هنا  ولا شنو ندير مابغيت ماشي شغلك فيا
فخر شدها من شعرها وجرها عندو
فخر : متخرجينيش على طوعىي خليني صابر عليك ولكن نتي ضسرتي بزاف خاص لي يعاود يربيك ديما كنتقا شري فيك ولكن  بالي مبغيتش اسحر باغي تشوفي وجهي تاني
سحر : دير مافجهدك  بعد مني   كضرني
فخر: واخا الالة اخر مرة انشوفك معتبةهاد لبيت ولا ميعجبك حال
سحر: شنو دابا اتحبسني
فخررز: حسبيها كيما بغيتي
طلقها وخرج هبط لتحت كانو كيحطو لعشا كلس فطابلة شاف فوحدة من لخدامات
فخزر : طلعي لسحر لعشا لفوق 
مقدروش يقولولو علاش حيت ماموالفينش كيدخلو فلقراارات ديالو
كانت سحر كالسة معصبة كتكاكل فضفارها بالعصب حتى دخلات عندها لخدامة وهازا صينية فيديها       
خدامة: لالة هاهو لعشا ديالك كيفما قال سي فخر
سحر: غادي تهزي عليا هاد صينية ولا نقلبها عليك 
خدامة: ولكن الالة ...
سحر: هزي عليا واش كتزايدي معا يا فلهدرة ولا شنو   ياله طلقينا خرجي
هزات لخدامة ديك صينية وخرجات موجعاها لكوزينة شافها فخر عرف بلي مبغاتش كمل عشاه وطلع  كانت سحرز مازال كالسة فوق لفوتوي  وكتشوف فزاج هو دخل حك سنانو وتكا هادشي لي زاد نرفزها  بقات كالسة حتى داها نعاس

صباح جديد فاقت سحر هلى سدان ديال لباب كان فخر ياله خرج ناضت لناموسية وكملات نعاسها هبط لتحت كانو كالسين فلفطور قال لوحدة فلبنات طلع للسحر لفطور منين تفيق
لالة سلطانة : ياكما مريضة اولدي كاع ماهبطات لباررح
فخر: خاصها غير راحة  مامريضاش
لالة سلطانة: اوا نتا تعرف اولدي . اه عنداك نتنسى سيمانة جاية كاين عرس ولد خالك صادق خاص ضروري نمشيو قبل راك عارف طرريق طويلة لفيلاج
فخر: دايرها فبالي بعد غدا ولا غدا الا ساليت شغالي نمشيو .. ياله نخليكوم
مشا فخر لخدمة بحال ديما
وصلات ديك 12 سحر فاقت كان تلفونها كيصوني جاوبات
سحر: الو
....: الو سحر مالك اساطا تزوجتي ونستينا ماشي فعايل هادو
سحر: ههه بدر كيفاش حتى تفكرتيني اصاحبي
بدر : اوا شتك مرجعتيش لأمريكا كلت نجي انا
سحر: ههه لا متقوليش كاين هنا
بدر : اه الالة وحداك كاع كاين وحد الحفلة هنا تفكرتك كيعجبك هادشي ديال سباق
سحر: ناري متقوليش كاين شي سباق فوقاش
بدر: غدا ياك غادي تجي
سحر: (تفكرات لهدرا ديال فخر) معرفتش غدا ونرد عليك
بدر: واخا عنداك تنساي انزهاو مزيان ياله باي
قطعات عليه وكتفكر واش تمشي ولا لا
سحر: ههه اكيد انمشي مالي انبقى محبوسة هنا ولكن كيفاش انخرج ، لقيتها  هانا انوريك اسي فخر الدين
رجعات كملات نعاسها

فنضركم كيفاش سحر غادي تخرج
متنساوش ارائكم وتفاعل ديالكوم ❤❤❤❤❤❤