نهار جديد يوم الذكرى السنوية لأب فخر الذين كانت سحر ناعسة فالجناح الديالها وفخر كيف العادة.مشا لخدمة دخلات عندها ريحانة
ريحانة: االة لالة.نوضي
سحر: اااوف ريحانة واش مصلطك عليا شي واحد ولا شنو
ريحانة : لا الالة حاشا غير لقيتليك لحل لي تهناي من نرجس فمرة وحدة
سحر: (قفزات غير سمعات سميتها ) إينا خل گلسي ياله عاوديلي
ريحانة:(كلسات فراس ناموسية ) أنا أنقولك ونتي تشوفي شنو أيناسبك
سحر: ياله طلقيني
ريحانة : كنت قبايلات كنتفرج فمسلسل ديالي ياك ألالة
سحر: ريحانة دابا واش كطنزي عليا أش جاب نرجس لمسلسل
ريحانة: غير سمعيني ألالة دابا البطلة باش يبقا معاها البطل كرات واحد العصابة تخطفها ويضربوها ومن بعد البطل منين لقاها مبقاش كيبعد منها
سحر: دابا نتي بغيتي طلقيني ليوم قبل غزدا واقيلا هذا راه فخر إلا لقا شي واحد من هادوك.لي أنكري أيگروليه بلي كاينة ولي مكيناش
ريحانة: بصح عندك لحق ألالة
سحر: ولكن جات فبالي فكرة حسن (بابتسامة ) ونتي لي أتعاونيني
ريحانة: نتي غير أمري ألالة
سحر: بغيت شي واحد عندو سوابق ومبلي مهم شي شمگار
ريحانة: كاينين ألالة بزاف فشنو بغيتيه بالضبط
سحر: بغيتو ليوم فليل يضربني بسلاح
ريحانة: تخلعات .اويلي ألالة واش باغا تموتي
سحر: نمالي أنا حمقة غادي نتهناو من ديك نرجس قبل ماتسخن بلاصتها هنا
ريحانة: كيفاش ألالة
سحر: نتي غادي تمشي تهضري معاه ولكن ميشوفش.وجهك بدلي لوك وهدري بحال نرجس لي مسيفطاك طمعيه بلفلوس وأكيد أيكون عندو سلاح وإلا ماكانش عطيه فلوس بضبر عليه ويجي ليوم منين يكونو ناس مجموعين ويتيري فيا ولكن غير فكتفي هادشي كامل أتقوليهلو
ريحانة: أه وهادشي باش أينفعنا
سحر: مالك مكلخة أكيد لي كارد ديال فخر ماغاديش يفلتوه وغادي يقبطوه ومنين أيسولو فخر شكون قاليك دير هادشي شنو أيفول هو
ريحانة: أيقوليهوم نرجس فكرة خطيرة ولكن عنداك تآذاي ألالة
سحر: متخافيش غير نتي وصيه مزيان ودخليلو سميت نرجس فكل كلمة كتقوليها
ناضت سحر حلات واحد لمجر جبدات فلوس
سحر: هاكي خلصيه خليه يطمع ونتي خودي لباقي
ريحانة خدات لفلوس وخرجات مشات لبيتها لبسات ودارت لفلوس فواحد ساك ودارت واحد بروكة ونضاضر وخرجات كتسلت
سحر هزات تيلي ديالها عيطات لفخر
سحر: الو فخر
فخر: صباح نور ياله فقتي
سحر: اه ياله فقت ونتا مازال ماغادي تجي
فخر: واحد ساعة نكون عندك أه وديري فبالك بلي هاد ليلة بغيتك تولي مراتي شنو أندير مابقيتش قاد نصبر ونتي فين ماكادخل كنلقاك ناعسة هاد ليلة ماغاديش تفلتي مني
سحر: اممم او نتا لي عاد فليل كتحلا ليك لهدرة مع نرجس شنو بغيتي نديرليك
فخر: : واخا أحبيبة ليوم ماعندي من غيرك
سحر: إوا دابا نشوفو ياله باي (قطعات)
خرجات من جناحها وطلات شنو واقع لقات بزاف ديال لعيالات كيطيبو وكيجمعو وصداع ديال دراري بزاف كيلعبو حداهوم تمات هابطة من دروج وكولشي كيشوف فيها وحتا هي كتشوف فيهوم بعدم الأهمية گلسات قدامهوم ودارت رجل على رجل
أنت تقرأ
شيخ القبيلة❤والمتمردة❤
Romanceرئيس العشيرة أو شيخ لقبيلة أو شيخ المنطقة مالكها والمسؤول عليها هو مسيطر وقاسي على أي واحد محتارموش لهو لعائلة ديالو بالاخص. البطل ديالنا غزال فعمرو 30سنة شيخ لقبيلة الإسماعيلي .معمرو ظلم شي واحد كيعتبر راسو منهوم ومكيحگر على حد كل وواحد عاطيه حقو...
