شيخ القبيلة❤والمتمردة❤

بارت 33

وقفها فخر عينيه ولاو حمرين بالاعصاب
فخر : سحر قتليك طلعي لطونوبيل مغادي.تمشي لحتا بلاصة
سحر: ولكن
فخر : هضرا صافي قدامي
طلعات فطونوبيل بزعفة مبغاتش تهضر معاه ولكن كتوعد لكاميليا بينها وبين نفسها ولكن فخر كيعرفها مزيان مغاديش تسكت ليها دقتها اترجعها وقفو حدا باب ديال لقصر
فخر : دخلي دابا انا عندي مايدار شوية ونجي وديري عقلك
نزلات زدحات عليه الباب ودخلات تلقات ليها سلطانة
سلطانة: واش مدخلش فخر فين مشا
سحر: ياك ولدك هاداك سوليه نتي (ضربات فيها وطلعات لبيتها رمات صاكها وبقات غادا جايا
سحر: دابا وحدة ياله تزادت تلعب عليا انا الله ياربي حتا كنقول تبت وكيجي شي واحد يجبدني ولكن والله حتا نردها ليها غير صبري عليا
دخلات دوشات رتاحت فدوش خرجات كانت وحدة من لبنات طلعات ليها لويزة دخلات لدريسينغ لبسات بيجامة صيفية غير شورط وسوفيطمة فلكحل هزات لويزة ديالها وخرجات لبالكون هزات تيلي وكلسات فواحد الكرسي كتبقشش ومتعمقة فتقلاب
فجهة اخرى كانت فرح فبيتها متكية دخل مروان شافت فيه وعاودات قلبات عينيها مداتهاش فيه شاف فيها حيد كوستيم بانت ديك القاميجة فلبيض لاصقة عليه والعضلات باينين كلس حداها علا طرف ناموسية كيلعب فشعرها
مروان: مال الاميرة ديالي
فرح: ماماليش
مروان: الا كنتي مازال مبغيتي نبداو فتحضيرات لعرس انا انهضر مع فخر
فرح: ديرو لي بغيتو
مروان من طبعو عصبي واخا كتقمعو وكتنخلو كيحاول يسايس معاها
مروان: تبغي نخرجو ليوم نتعشاو فشي بلاصة
فرح: مفياش بغيت نبقا بوحدي تقد تخرج
مروان بقا كيشوف فيها شوية هز كوستيم ديالو وخرج زدح لباب

كانت سحر رتاحت شوية سمعات دقان فالباب دخلات خدامة
خدامة: لالة سحر مدام رقية جات وبغات تشوفك
سحر : قولها مامسالياش مكيناش مريضة ناعسة قولها مت انا كاع مبغيتش نشوفها
خدامة: وولكن الالة
سحر: واش كتلاجي معايا لهضرة ولكن شنو
خدامة: قالت مغادي تمشي حتا تشوفك
سحر: ياربي صبر من عندك واخا
لبسات واحد بينوار خفيف ونزلات مع دروج حتا وفقات عليها
رقية: بنتي (جات تعنقها سحر بعدات)
سحر: شوفي انقولك واحد جوج كلمات هادي اخر مرة تجي عندي مبغيتش نشوفك انا معنديش ام واش لهاد درجة صعيبة بعدي مني أختي
رقية:(دموعها كيسيلو) متقوليش هاد لهضرة عفاك انا حتا فرحة قلت لقيتك دابا كتقولي نبعد عليك منقدرش
سحر:(شدات فراسها) والايني مصيبة هادي كن لبنت لمها دابا خرجي الله يعطيك ستر بعدي مني راسي ضارني
رقية: عفاك ابنتي خليني غير نشبع منك الله يخليك نبوسلك رجلك خليني غير نشم ريحتك ونعنقك
سحر: واش بزز مبغيتش نشوفك انا وا مبغيتش اعباد الله
تمات سحر غادي طلع فدروج حتا كتسمع خدامة كتغوت
خادمة: لالة رقية لالة رقية فيقي عفاك لالة رقية
كانت رقية مبعد محسات بقلبها تزير عليها جاتها دوخة وطاحت سحر تصدمات معرفات مدير مشات وقفات حداها
سحر:مممالها
خدامة: معرفتش لالة رقية لالة سحر خاص نعيطو الاسعاف
سحر : اه اه خاص نعيطو الاسعاف تيليفوني تيليفوني فين هوا طلعات كتعكل فدروج هزات تيليفون عيطات الاسعاف لبسات واحد كيطمة بزربة وهبطات جات الاسعاف داتها بقات سحر واقفة دوزات نمرة فخر
سحر: الو الو فخر ااجي عفاك مستشفى دابا كانت وافقة وطاحت انا مدرت والو
فخر: سحر مالكي شكون طاح
سحر: انا ممدرت والو والله (قطعات ركبات طنوبيلتها وتبعات الاسعاف دخلوها وهي بقات كالسة فكورسي كترعد كاملة
حتا كتشوف باها وخوتها جايين كيجريو
باها: مالها شنو طرا
كاميليا: اش درتيلها اش درتي دوي داكشي لي درت ليك بغيتي تخرجيه فماما بغيتي تنتاقمي مني بيها نتي مكتسوايش
خوها: كاميليا تهدني
سحر: انا مدررت والو والله كانت كتهضر شوية طاحت انا معرفتش مدرت والو كاكانت كتبكي انا غوت عليها قلتها تبعد مني محسابنيش ايطرا هادشي
باها: شنو درتي واش جريتي على مك (قرب منها وغوت حتا قفزها) دوييييي شنو درتي
جا فخر بعدو عليها
فخر: سي القاسمي تهدن
سحر:(وقفات عنقاتو وكتبكي ) انا مدرت والو كون عرفت ايطرا هادشي منغوتش عليها انا غير كنت معصبة
فخر: شششش صافي ميطرا والو حتا دابا صافي متبكيش
كاميليا: عرفتي وطرا شي حاجة لماما غير حفري قبرك بيديك
باها: الا طرات شي حاجة لرقية انسا بلي راك بنتي اتشوفي وجهي تاني
فخر:(عينيه حمارو بالاعصاب) عرف راسك اش كتقول وعرف معامن كتهضر ولا انا لي انسا بلي راك باها وغادي تشوف وجه الاسماعيلي
جات ممرضة
ممرضة: عفاكوم تقدرو تهضرو بشوية كاينين مرضى حداكوم خاصهوم يرتاحو
فخر جر سحر لواحد كرسي بعيد عليهوم شوية كلسات بقا فخر كيهدن فيها حتا خرج طبيب طمنهوم على الحالة ديالها داوها لغرفة ديالها دخلو عندها من غير سحر وفخر وقفات حدا الباب
كاميليا :(عنقات ماماها كتبكي) ماما حبيبتي خوفتينا عليك بزاف
رقية: متخافيش احبيبتي انا بيخير
كاميليا: اخر مرة اماما تمشي عندها اخر مرة ولا منبقاش نهضر معاك
رقية: صافي احبيبتي ميكون غير خاطرك متبكيش صافي اصلا هي مبغاتناش مهم هو تكون مرتاحة حنا انكملو حياتنا وحتا هي اتكمل حياتها مع راجلها
هاد الهضرة سمعاتها سحر ضراتها بزاف واخا مبيناتش
سحر: خخاص نمشيو بحالنا دابا
فخر: علاش مادخليش
سحر: الا دابا نعاود نجي من بعد ياله نمشيو
مع بداو غاديين حتا سحر شداتها دوخة كانت اطيح كون مشدهاش فخر
فخر: سحر سحر مالكي اجي تكلسي باش كتحسي
سحر : والو والو غير دخت وصافي
فخر: اجي تكلسي انا انعيط لشي ممرضة تجي
كانت غادة تكلس حتا غيبات محساتش براسها فخر تلف هزها وتعرمو عليه الممرضات دخلها لواحد الغرفة وقالولو يخرج شوية خرجات عندو طبيبة
طبيبة: سي فخر تقدر تدخل عند لمدام
فخر: مالها شنو وقع ليها
طبيبة: سي فخر تهدن مكاين والو حنا درنا تحاليل شوية ويوصلو ونعرفو اش عندها تقدر تدخل
دخل عندها كانت باله فاقت
سحر: شمو وقع ياله نمشيو بحالنا
فخر: واخا انمشيو غير تجي طبيبة رتاحي دابا شوية بقات متكية دازت واحد نص ساعة عاد دخلات طبيبة وفيدها تحاليل
فخر: دكتورة ياك معندها والو
طبيبة: مكاين غير لخير اسي فخر معليا غير نبارك ليكوم مدام سحر حاملة عندها جوج اسابيع
فخر مفهم والو فرحة تخلطات ليه مع صدمة اما سحر مصدومة
سحر: ككيفاش م ممميمكنش
دكتورة: هادشي لي كاين نتي حاملة فواحد الفترة لي صعيبة خاص تردي لبال متعصبيش وكولي مزيان وحاولي انك مديريش شي مجهود عضلي كبير واكيد منوصيش عليك سي فخر غادي يرد ليك البال نخليكوم دابا منين ايتسالا سيروم تقدو تخرجو مبروك عليكوم (خرجات)
فخر: وواش دابا انا انولي اب (عنقها) حمد لله يا ربي حمدتك شكرا بزاف سحر واش كتسمعيني
سحر: ميمكنش ا فخر انا انا مبغيتش
فخر: شششش اش كتقولي هادي راه نعمة عطاها لينا الله حيت كيبغينا انا عارف مازال مامستاعدة ولكن انا معاك منخليكش ككنواعدك
سحر: فخر انا منقدش انا انا ميمكنش نولد منقدرش نبغيه معنديش الحنان لي انعطيه
فخر: سحر كيفاش متقديش واش عارفة اش كتقولي اخر مرة انسمعك كتخرجي من فمك هاد لهضرة وهادشي لي فكرشك منبغي طراليه والو ولا حسابي معاك ايكون خايب دابا رتاحي يسالي سيروم ونخرجو
مرداتش عليه سحر هي مفرحاناش ولكن ممقلقاش احساس غريب خايفة
سالا سيروم وخرجو في اتجاه القصر مع دخلو تعرضو ليهوم كيسولهوم شنو طرا فخر فرحة باينا على وجهو
فخر: لالة سلطانة هاد القصر فريب اتدخل ليه الفرحة وغادي تولي جدة
لالة سلطانة: لا الله يا ربي حمدناك وشكرناك واخيرا ايولي عندي حفيد مبروك عليك اولدي الله على فرحة اجي عنقني (عنقعا) (باركو ليهوم كاملين) بنتي سحر مبروك عليك (دارت ليها ابتسامة صفرا وصافي) قولي لي شنو مشهيا لي بغيتيها نحضروها غير امري

سحر: مبغيت والو هاد ساعة الى اديرو فيا خير انطلع لبيتي نرتاح مبغيت حد يجي عندي (طلعات)
فخر: لالة سلطانة متديش عليها
لالة سلطانة: عادي اولدي هادشي فلحمل مع مراتك صعيبة هادي غير لبدايا خليها على راحتها عنداك تمشي تغوت عليها
فخر: كوني هانيا (طلع عندها) لقاها متكية حيد كوستيم وكيشوف فيها
فخر: مغاديش نهضر على تصرف لي درتي لتحت ولكن لالة سلطانة بقا فيها لحال هي غير فرحانة بيك
سحر: انا مشكيت على حد
فخر: (كلس حداها) الاميرة ديالي عارفك خايفة ومازال ممتقبلة الوضع ولكن انا متاكد بلي اتكوني احسن ام فهاد دنيا
سحر: (شافت فيه شوفات ديال درية صغيرة)نسولك
فخر:سولي احياتي
سحر: دابا انا الى مولدتش ولد واش اتزوج عليا ولا اطلقني
فخر:(شداتو هستيرية ديال ضحك) منين جبتي هاد لهضرة
سحر: سمعتها قالو بلي شيخ لقبيلة خاص يولد ولد لي ياخد سميتو
فخر: هادشي مكينش وانا مكنآمنش بهادشي
سحر: حتى ماماك قبايلات قالت حفيد ماشي حفيدة
فخر: واهاهيا قالت وحنا مالنا اممم شكون قالك انا باغي ولد انا الالة مكرهتش شي بنوتة بحالك داك نص عقل لي اتخليلي اتديه هيا بفعايلها
سحر:(دلات شلاقمها) اتبغيها كتر مني ياك
فخر: عللا انا نقدر نتي هي الاصل