شيخ القبيلة❤والمتمردة❤

بارت 14❤

وصل لسبيطار هزها الممرضين غير شافوه تعرضوليه جابو الحمالة بزربة حطوها ومشاو طايرين بيها جا يدخل معاها منعوه
👈ممرضة: سي فخر غير بقا هنا الله يخليك ممنوع دخل لداخل
مشات خلات فخر صاعر بقا غادي جاي وصل لواحد لكرسي ضربو برجليه حتا طار ضرب يدو مع لحيط ماهي إلا ربع ساعة حتى خرج طبيب لكبير
👈فخر: قولي كيف دايرة واش عندها شي حاجة
👈طبيب: سي فخر تهدن ماشي شي حاجة خطيرة
👈فخر: كيفاش ماشي شي حاجة خطيرة مشتيش نيفها كيسيل بالدم إلا ماقادرينش تعرفو مالها قولوها لاش مخدمكوم أنا هنا
👈طبيب : (بتوتر) سي فخر عافاك تهدن خليني نشرح ليك نزيف لي وقع ليها ماشي حاجة تأتر ليها على صحتها أنا متأكد بلي طراو فحياتها صدامات متتالين فوقت وجيز شي لي خلا نزيف يوقعلها أما بخصوص فقدانها للوعي كنظن بلي مداد كتشرب شي حاجة خلات صحتها تدهور ولأكل ديالها قليل دبا عمبنا تاليل باش نعرف المادة لي كتاخد باش تنقص منها فهاد لأيام بصفة نهائية حتى ترض صحتها وتاخدها مرة مرة وأنا كنشك بلي مدام سحر كتشرب القهوة بزاف  ولكن غير نتأكد غادي نقولهاليك ونعطيها لائحة لأكل لي خاصها تتبع
👈فخر: واخا نقد ندخل عندها دابا
👈طبيب: بطبيعة لحال تفضل واحد شوي أترجع لوعي ديالها من لأحسن تكون معاها أنا غير يخرجو تحاليل نجي لعندكوم
مشا فخر حل لباب دخل كيشوف لملاك ديالو ناعسة وحهها صفر بحالا مافهاش الدم سد لباب موراه وتقدم لعندها جر كرسي وكلس حداها هز يديها بين يديه وقبلها بقا كيشوف فيها
👈فخر:  شنو لي خلاك هاكا كنحس براسي مربوط ماقاد ندير والو ماعارف والو  نعرف غير شكون ردك فهاد لحالة ديك ساعا عاد نرتاح سحر بدات كتحل عيرنيها بشوية الصورة كتبان ليها ماوضحاش مزيان عاودات سداتوم وحلاتهوم عاد بانلها فخر كيشوف فيها والحزن باين فعينيه
👈سحر: آش واقع لاش جيت لهنا
👈فخر: أنا لي خاص نسولك أسحر شنو طرا جيت لقيتك طايحا سخفانة ونيفك كيسيل بالدم
سحر بحالا بدات كتسترجع داكشي لي وقع كلام صاحبتها وزاد كمل عليها جدها وجداتها لي مشاو وخلاوها
👈سحر: واش حتا نتا أتخليني شي نهار
👈فخر: مستحيل نخليك مستحيل واخا نبغي منقدرش نتي وليتي عايشا فيا .عاوديلي  شي واحد قلقك
👈سحر: بسباب ديك لمرة مشاو وخلاوني
فخر: شكون
👈سحر: جدي وجداتي مشاو خلاوني بوحدي فلقصر مشاو مع بنتهوم وحفيدتهوم بلا مايقولولي والو
👈فخر: كيفاش ميمكنش لحاج كيبغيك بزاف أيكون غير طرات شي حاجة داكشي لاش مشا بزربة بلاما يعلمك
👈سحر: راك غالط ههه ولا أنا لي كنت غالطة فلول لاش جيت لهنا أصلا لاش جيت لهاد لبلاصة لي سدات بيبانها فوجهي وجرات عليا عرفتي علاش حيت هو طلب مني نجي وجيت علاش قبلت نتزوج بيك حيت هو طلب مني وقبلت ولكن فلخر خلاني حتا هو علاش ديما. كولشي كيخليني فنص طريق واش أنا خايبة لهاد درجة فلول هي رماتني قدام لباب بحال شي حيوان بلا رحمة ولا شفقة ودابا هوما خلاوني
👈فخر: متقوليش هاكاك نتي ماشي خايبة بالعكس أحسن وأجمل بنت عرفتها بغيت ندافع عليهوم ولكن صراحة ملقيت حتا شي سبب يخليهوم يمشيو ولكن متخافيش أنا ديما معاك باباك ماماك خوك راجلك حبيبك كولشي ديريه فيا وكنواعدك ماعمرني ماغادي نخدلك
سحر أول مرة شافت فيه بطريقة غريبة أولا نقولو بنضرة حب بتاسمات ليه
👈فخر: أنا ديما معاك ونهار تبغي تعاوديلي لي فقلبك تيقيني  غادي نسمعك
👈سحر: غادي تصدقني ياك
👈فخر: معلوم أنتيقك كل كلمة منك أنصدقها
👈سحر: بغيت نخرج من هنا بعدا مكنبغيش نبقا فسبيطار
👈فخر: حتا يجي طبيب ويقولنا مال أميرة ديالي وعاد نشوفو فوقاش تخرجي
دخل دبيب وفيدو وراق
👈طبيب: مدام سحر علا سلامتك
👈سحر: شكرا الله يسلمك
👈طبيب: سي فخر أنوجه ليك هدرتي حيت واخا أنهدر مع مدام سحر ماغاديش دير بهدرتي .لقهوة ممنوعة عليها حتا تعاود تجي عندي من بعد شهرين ونشوف لحالة ديالها وديك ساعة إلا كانت مزيان نخليها تشربها جوج ولا تلاتة مرات فسيمانة
👈سحر: لا كترتي بزاف زيد نقص كتقول شي حاجة مستحيلة أنا كنشرب غير لقهوة
👈طبيب: تماما هادا هو السبب ليخلاني نقول خاصك تقطعيها بصفة نهائية حاليا كتشربيها بزاف كتر ماكاتكلي زائد مكتنعسيش مزياد نقص فراحة ونقص فلأكل زائد على هادشي ولا عندك تضخم فمادة الكافيين وهدا خطير كيؤدي لأعراض خايبة داكشي لاش باش ترجعي صحتك مزيان خاص تبعدي على لقهوة ديري بلاصتها شي مشروب آخر وكنصحك بشاي الصيني ولا أتاي المغربي
👈فخر: كون هاني أدكتور (شاف فسحر ) غادي نحرص على هادشي شخصيا (سحر خنزرات فيه )
👈طبيب: أنا وجدت لائحة لأكل لي خاص تبع شفت فتحاليل ناقصين عندها بزاف ديال المواد لي مهمة ولو بشكل قليل فأنا حضرتها على حساب هادشي
خدا فخر الورقة دارها فلافيست ديالو
س👈حر: دابا من هادشي كامل فوقاش نخرج من قبايلات ونتا كتزنزن عليا ماقلتي حتا جملة مفيدة
فخر ضرب فيها واحد الشوفة كون كانت قرطاس كون دابا مشات عند الله وهي تسقر
👈طبيب : أأ تقدري تخرجي حتا من دابا غير بغيت نسولك
👈سحر: أيه سول
👈طبيب: درناليك راديو علا صحتك كاملة ولاحضت بلي واشمة فعدة أماكن فلجسم ديالك واش الوشام درتيه بعدا عند طبيب مختص باش ميأترش عليك
سحر سقرات دارت شافت ففخر لقاتو مصدوم حيت عمدو ماعرف بلي سحر واشمة
👈سحر: أأه مختص مختص
خرج طبيب وفخر مازال كيشوف فيها
👈فخر: من إيمتى ونتي واشما وشكون وشملك
👈سحر: وعلاش باغي تعرف
فخر: بغيت حتا أنا نوشم دوي خلاص فوقاش وشكون
👈سحر: ممعقلتش من شحال هادي كانت عندي 16 عام وشماتلي مامات واحد لبنت كنت كنعرفها تما
👈فخر: 16 لعام أسحر واش بعقلك  هاداك راه حرام أولا ومضر بالصحة
ولكن لمن كنقولها لوحدة مامسوقة لوالو
👈سحر: اااوف دابا وشمت عندك شي مشكل
قرب منها وشاف فيها بغضب
👈فخر : أه عندي أول حاجة أخر مرة تقولي أوف فوجهي وتاني حاجة هاد لوشام غادي يتحيد ولكن مور العرس دابا مامسالينش لهادشي وحتا واحد مانبغيه يعرف بلي واشمة
👈سحر: وعلاش بسلامة عادي
👈سحر: سسسحر ماتحمقينيش واش كولشي عندك عادي إلا كان عندك نتي تما عادي هنا ألالة ماعاديش ولبنت لي واشمة هنا كتسمى راك عارفة بلى  منكمل وإلا شي حد عرف أتنوض مشكلة مع ناس لقبيلة
👈سحر: أنا ماغاداش نحيدو
👈فخر: ماكانتشاورش معاك أنا كندير لي كيقولي راسي لوشام مور لعرس أيتحد بحالا عمرو ماكان هاد لمرة ماغاديش ندوي أكيد حيت مكنتش فحياتك ولكن لمرة جايا ديري شي حاجة بلاما نعرف أنا ماتلومي غير راسك
👈سحر: (بقات كتشوف فيه خافت شوية ولكن مابغاتش تبين ) خرج بغيت نبدل
ناض خرج وخلاها
👈سحر: لالا سيد دخل فالدور ولا كيتحكم فيا هدشي غير مازال مادرنا والو
فخر كان مور لباب كيسمعها كيبتاسم بتصرفاتها الطفولية وقال
👈فخر: كنسمعك بدلي حوايجك وباراكا من لهدرة
سحر غير سمعاتو شداتها الساكنة ناضت بزربة كتلبس حوايجها
خرجات شدلها فيدها طلعها فطونوبيل ومشا بيها لقصر ديال جدها
👈فخر: واش بغيتي ندخل معاك
👈سحر: لا ماكاين لاش راه كاينة حسنة وريم (مساعدات)ورحمة  شكرا على هادشيلي درتي معايا
نزلات دغيا مخلاتوش يهدر دخلات لقات مساعدة گالسة كتسنا
👈مساعدة: الحمد الله لالة خلعتيني عليك والله لحمدالله ياك نتي لاباس
👈سحر: لاباس أنا مزيان حسنة غدا أنهدر مع فخر على زواجك والدار على حسابي صافي سيري تنعسي دابا
👈رحمة: شكرا الالة شكرا بزاف
مشات رحمة سحر بقات حاضياها على اقل قدرات تفرح شي واحد طلعات حتى هي لبيتها نعسات واخا لفجر ماكان بقاليه والو حتى فخر دخل طلع لبيتو وحاول ينعس واخا مابغاش يجيه نعاس
هاكا داز نهار أبطال ديالنا
جا صباح جديد على ابطالنا مابقا كيفصل للعرس غير يومين
ناضت سحر مع العصر لقات لفطور حداها فطور صحي وكأس عصير دخلات رحمة
👈رحمة: صباح لخير ألالة وجدت ليك لفطور بأوامر من سي فخر راه جا ومنين لقاك  ناعسة مابغاش يفيق وراه عطاني شنو نوجدليك
👈سحر: صافي واخا شكرا تقدري تخرجي هزات تيلي ديالها دخلات واتس لقات بنات صحاباتها من الكلية شحال من مساج مسيفطينو ولكن هي ماراش عليهوم من شحال مامشات كدير أعذار لفخر ماكتمشيش حتا منين كان مسافر مامشاتش شافت مساجات طلعات vu وناضت لبالكون هزات صينية لفطور وكلسات تشرب عصير وتفكر فأحدات وترتب أفكارها
هزات تيلي ديالها دوزات نمرة نجلاء مكلفة بالعرس
👈سحر: مدام نجلاء بديتو تحضيرات ولى مازال راه بقات يومين بداو تحضيرات فلقصر وإلى طرا شي مشكل عيطيلي أنا أنتكلف
قطعات عليها ودخلات لموقع موالفة كتشري منو لحوايج بقات كتختار فلحوايج وبركات على الدفع ستغربات وصلها مساج بلي حسابها فلبنك تسد گالت واقلة غلط عودات بركات نفس الرسالة وصلاتها
👈سحر: اااوف مشاكيل دارولينا غير لخدمة خاص دابا نمشي حتى لبنة يعاودو يحلوه أيكون تبلوكا
ناضت تختار شنو تلبس وقدات شعرها دارت ميكاب خفيف هزات صاك وهبطات علمات رحمة بلي خارجة ماغاديش تعطل
ركبات فسيارتها توجهات لبنك وصلات هدرات مع سكريتيرة دخلاتها نيشان لمدير بطبيعة الحال كولشي عرفها بلي خطيبة فخر
👈مدير: تفضلي أمام مرحبا بيك
👈سحر : (كلسات )