أنت أو لا أحد🌸
بقا فخر گالس على نار وكيخنزرر ففهد الجو تكرب حتا جات المساعدة علماتهوم بلي لعشا وجد ناضو توجهو لطاولة لأكل ترأس فخر الطاولة وحداه على ليمن سحر وليسار فرح ختو وحداها ماماها وكاين فهد وباباه وجدو مترأس الطاولة في جهة المقابلة وسحر حداها ليلى وماماها ووعم فخر التاني ،تحط لأكل بداو كياكلو فهد مرة مرة يشوف فسحر لي حانيا راسها كتاكل ولكن فخر حاضي تحركات ديالو ولكن مسيطر على أعصاب ديالو مابغاش يخصر ليلة بسباب فهد واخا يستاهل صراحة نطقات سحر موجه كلامها الكل وشافت فخر زعما كتهدر معاه
👈سحر: أنا غدا أنجي لقصر باش نبذدا تحضيرات واخا
👈فخر: واخا حتا لالة سلطانة أتكون هنا لاحتاجيتي شي حاجة (زعما بغا يدير لخاطر)
👈فهد: لعروسة شفتها مزروبة صراحة من حقك ماشي ديما تلقاي بحال هاد الزواج وتولي عنزك مكانة كبيرة والسلطة والقوة وراجل من لفوق شيخ لقبيلة ماعندي مايتسالك
👈حسن : فهد باراكا من هادشي ديالك هادا راه ولد عمك وكبر منك خاصك تحتارمو وهاديك لي كتهدر عليها راه أتولي مرات ولد عمك كتفهم
فخر وفهد كيتشافو بجوج وفخر كيتسنا كلمة أخرى منو أيقلب عليه طبلة
👈فهد: مبروك عليه ولكن أولد عمي شتك دغيا نسيتي الباتول
فخر تهز بحالا كانت ديك لكلمة أخر نقطة أتفيض لكاس طار عندو وعطاه لكمة لوجهو حتى نزل دم من نيفو وطاح
👈فخر: قالتليك متستفزنيش (عاود هز يدو عطاه لجهة لوخرا )
👈الجد: ولدي فخر صافي باركا خليه عليك
بقاو كيجرو فيه من غير سحر لي غير كتشوف واش هادشي كامل حيت جبد سميت وحدة شكون لباتول هادو تساؤلات جاو فراسها
حسن جر فهد وخرجو من دار ومشاو بحالهوم فخر ولا كيلهث خاصو دابا غير معامن دار شاف فسحر خنزر فيها وطلع لجناحو سحر مافهمات هاد تصرف ديالو جات ليلى حداها
👈ليلى: (مبتسمة) بغيتي تعرفي شكون باتول ؟
👈سحر: (شافت فيها بتساؤل ) شكون هي ؟
👈ليلى:(قربات منها وهمسات) خطيبتو لقديمة وحبو لأول (تخاطاتها ومشات )
هنا سحر حسات بحال شي موس دخل فقلبها ولكن مبيناتش
سحر قات واقفة وساحة القصر بوحدها والدنيا كدور بيها دارت ملقات تاواحد حسات براسها ماعندها قيمة كولشي مشا بدون مايشرحو ليها حتا كلمة كأنها غيز زايدة هزات صاكها ومشات خرجات بقات غادا على رجليها حتى. وصلات لعند ملاك دقات عليها بحكم ملاك ساكنة بوحدها وليديها ماتو حلات لباب تصدمات
👈ملاك: سحر أش كديري هنا فهاد لوقيتة ياك مشيتي تعشاي عند فخر
👈سحر: خليني ندخل. ونعاود ليك
ملاك حلات ليها لباب ودخلات. كلسات وكلسات حداهاا ملك بفضول
👈ملك: قوليلي اش واقع ؟
👈سحر: ( شافت فيها بصرامة) شكون هي لباتول ؟
👈ملاك: شكون هادي
👈سحر: أنا ليخاص نسولة نتي لي ساكنة هنا أولا قالو بلي كانت مخطوبة لفخر
👈ملاك (كأنها تذكرات) أه تفكرت باتول كانت مخطوبة بيه ولكن متستاهلش غدراتو مع أقرب ناس ليه ولد عمو فهد ونتي عارف عقاب الخيانة هنا والشرف شنو هو
👈سحر: (بخرف) االلموت ياك قتلها
👈ملاك: مقدرش يقتلها فخر ماشي هاكاك 'لكن واليديها قتلوها
👈سحر: وفهد
👈ملاك: ماداروليه والو حيت هي عتارفات بلي عمرها بغات فخر كانت باغا غير فلوسو كانت كتبغي فهد وفهد خدا داكشي ضد ففخر وطرا داكشي بيناتهوم باش يجي فخر ويشوفهوم هاكاك وقلبو يتحرق
👈سحر(تكات على وسادة) عييت هادشي ضرني فراسي بغيت نعس نقد نبقا معاك هاد نهار إلى مشيت لدار باينا أتكون حتى تما نايضا غير أندخل أيديرولي عاتاني محاضرة
👈ملاك: (بشك) أش درتي
👈سحر: والو درت ليها غير واحد دوا ديال ألم تسمم
👈ملاك(ضربات ففخادها) اويلي بغيتي تقتلي مك
👈سحر: هاديك مازال ماجات نوبتها درت غير لبنتها متخافيش غير أتوجع شوية وصافي ، داكشي لقتليك درتيه هدرتي مع البنت
👈ملاك: قاتلي غدا تلاقاو بزز باش قنعتها على شي خدما ديرها
👈سحر: واخا صافي طفي ضو خليني نعس
👈ملاك: وانوضي غير بدلي حوايجك بعدا
👈سحر: مافياش بغيت غير نعس
👈ملاك: تصبحي على خير
طفات ضو ومشات لبيتها حتى هي نعسات
أنت تقرأ
شيخ القبيلة❤والمتمردة❤
Romansaرئيس العشيرة أو شيخ لقبيلة أو شيخ المنطقة مالكها والمسؤول عليها هو مسيطر وقاسي على أي واحد محتارموش لهو لعائلة ديالو بالاخص. البطل ديالنا غزال فعمرو 30سنة شيخ لقبيلة الإسماعيلي .معمرو ظلم شي واحد كيعتبر راسو منهوم ومكيحگر على حد كل وواحد عاطيه حقو...
