شيخ القبيلة❤والمتمردة❤

بارت28

كانو كالسين فطبلة فرح نغزات سحر
فرح: شت راشقا ليك هاد صباح
سحر: دابا تعرفي علاش غير تفرجي
بداو لبنات كيحطو ليهوم
زوهرة: واو درتو لعصيدة توحشتها بزاف
سحر: بصحتك احبيبة
زوهرة دارت لبيها ضحكة بزز وهزات المعلقة بدات كتاكل وسحر مركزة معاها حتى شافت لونها تبدل زوهرة شداتها لعرقة
زوهرة: ااا شنو شنو مطيبين فهاد شوربة
سحر: والو واش عجباتك درت فيها لمسة ديالي بيسطاج (دارت ليها واحد ابتسامة شريرة)
زوهرة: ككيفاش
كلهوم ناضو تخلعو الا سحر وفرح جابوليها دوا ديالها شرباتو عاد ولات كتحس براسها قادا تنفس
سحر: سمحيلي احبيبة مكنتش عارفة كون كنت عارفة  اكيد مكنتش نديرها
الحاجة: ماشي مشكل حمد الله دازت على خير
رجال سالاو لفطور كشاو لخدمة
سحر وفرح كانو گالسين  فالبيت كيضحكو حتى دخلات زوهرة بعجاجتها وقفات عليهوم شافت فسحر
زوهرة: كنتي عارفة ياك درتيها بلعاني
سحر:(وقفات شافت فيها وربعات يديها)  اه كنت عارفة عندك شي مشكل
زوهرة: اتندمي على هادشي
سحر: (قربات منها ) وريني شطارتك جاو قبل منك فينهوم دابا بااااح مكينينش
زوهرة: انا انوريك مازال مكتعرفينيش
سحر: متشوقة نعرفك
زوهرة: بجوجكم اتندمو
فرح:(قفزات) ايييه زدتي فيه ياشمن صفة كتهدينا
سحر: خليها مسكينة تخرج شوية من لفقصة لي فيها ولا اتموت لينا هنا
خرجات زوهرة وناويا على خزيت دخلات لبيتها كولشي هرساتو كلسات كتفكر
زوهرة: انا انوريكم
خرجات فرح لجردة كتشم لهوا سمعات خطوات موراها ضارت لقات مروان جاي لعندها وهي تخصر وجهها
فرح: يييخ هاهو هادا جاي عاوتاني
مروان: سلام حبيبة
فرح: من فوقاش كنت حبيبتك
مروان (قرب منها حط يديه فخصرها وقربها عندو)  من ديما واتبقاي ديما
فرح: كحزات عليه)  واش معندك ميدار اتبقى حاضيني
مروان: عادي توحشت خطيبتي وجيت نشوفها
فرح: فوقاش اترجع لأمريكا
مروان: (جاتو ضحكة) ماراجعش انا معاك ديما واثلا فخر عيطلي قالي خاصنا نبداو نفكرو فزواج
فرح: امممم حلم هاداك نهار لي متحلمش بيه واخا تبقا نتا اخر واحد منتزوجش بيه
مروان:( جرها من يديها بعصبية)  كنواعدك اتكوني ليا بلا متحلمي بشي حاجة
فرح: كضرني طلق مني
مروان: إذا متبقايش تعصبيني خليني معاك ضريف وزوين
مباغيكش تشوفي وجهي الخايب حيت ميعجبكش (طلق منها وزاد)
فرح: مشيا بلا رجعا ولايني موشكيلة معا هادا لصقة 
كانت سحر كالسة فبيتها معندها ميدار كتشوف فتيلي تفرج حتا تسيفط ليها مساج مكتوب فيه سلام
سحر: كتبات حتا هي سلام شكون معايا
....: كنتي سيفطي لينا فشركة أزياء ودابا خاصنا شي وحدة دير لينا شوتينغ لواحد المصممة
سحر عاد تفكرات كانت مكتلقا مدير كتسيفط ليهوم
سحر: فوقاش كاين هاد شوتينغ
.....: من هنا سيمانة
سحر: واخا صافي حتا تصيفط ليا العنوان انا انجي
سيفط ليها العنوان دابا بقاليها تقنع فخر ماهي الا دقائق حتا دخل حيد كوستيم ديالو ناضت سلمات عليه وعناقاتو
سحر: توحشتك
فخر: (صغر عينيه فيها)  شنو سباب هاد العاطفة الزايدة عندك
جراتو من يدو كلساتو فوق فوتوي وكلسات حداه وهو كيتسانا تهدر ولا حافضها عارفها باغا شي حاجة
سحر: شنو بالك ليوم نخرجو قالولي كاين واحد المطعم فالخرجة ديال الطريق
فخر: زعما غير هادشي لي باغا
سحر: انا اه علاش زعما بغيت نقول بصح حاجة اخرا ولكن صافي  غير نسا
جات تنوض عاود جرها گلسات
فخر: اخر مرة تجي تقوليلي شي حاجة ومن بعد تقوليلي نسا دابا قليلي  شنو كاين
سحر: ( سرطات ريقها)  جاتني خدمة وانا وافقت عليها يعني انا دابا غير كنعلمك ماشي كنطلب منك  الموافقة
فخر: ياك اوا مبروك لخدمة الجديدة  الا قدرتي تخرجي من هاد الباب  بعدا
سحر: فخر كنهدر معاك بصح
فخر: وأنا كنهدر معاك مت بصح منين تعرفي تهدري ديك ساعا نهدرو وعاد نشوف بعدا شكون عمرليك راسك بهاد الخدمة (ناض كيحيد ثميجة ديالو)
سحر: شنو كيحابليك انبقى عايشة حياتي كاملة هاكا مكندير والو مابين ربعة ديال لحيوط راك غالط انا ماشي من داك نوع لي اترضى بهاد العيشة حياتي كاملة عايشة حرة منين بغيتي لي تحكم فيها كون تزوجتي بشي وحدة منكوم
فخر: (قرب منها شد ليها فكها كيهدر تحت من سنانو)  إوا غير تعودي على هاد العيشة حيت معندك منها هروب
طلق منها ومشا الحمام 
سحر: هاحنا انشوفو اسي فخر (جا قدامها واحد الفاز هزاتو حتا لفوق وردخاتو معا لأرص وخرجات من البيت) 
لقاتهوم كالسين فصالون مبغاتش تهدر معاهوم مشات لكوزينة دخلات  بعجاجتها حلات ثلاجة هزات الما وزدحاتها
حياة: غير بشوية أويلي 
سحر: ديها فشغلك
زوهرة: ياكما كيحسابليك هادو خدامات عندك
سحر: (قربات عندها)  لا ولكن اﻻ بغيت شي خدامة نتي موجودة
زوهرة: جمعي فمك ولا انهرسو ليك انا بزاف عليك ونقية عليك وتني يعلم الله شنو مدوزة حمدي الله  لي لقيتي لي يسترك
سحر: ( وصلات لحد فلأعصاب ديالها)  ههههه لا حلفي بالله ههه ضحكتيني والله  كوميدية معا راسك ولكن ماشي معايا
شداتليها شعرها بيد ويديها بيد ولصقاتها مع الحيط
سحر: هاد المرة منين تبغي تهدري عليا تفكري بلي انا ماشي قدك داك لعب لي كتلعبي كبير عليك اتفرقي عليا ولا كنقسمليك حتا ترد حياتك جحيم
زوهرة: (كتغوت)  شنو اديري اضربيني ياله ضربي اصلا العقدة ديالك من صغر اولا گاع لي مقديتيش ديريه مع ماماك كديريه معايا هه كتبردي على راسك
سحر:( طلقات منها شدات فشعرها بعصبية)  سكتيييي ( لماعن لي جا قدامها كتهرسهوم)  سكتيييي  سكتيييي
لبنات مقدوش يقربو منها منضرها كان كيخلع مخلات حتا حاجة صحيحة فلكوزينة بداو كيجي كولشي لي فدار فخر غير خرج سمع غواتها مشا بخطوات سريعة لصوت فين كاين دخل لكوزينة لقاها ولات مشقلبة مشا عندها قبطها وهي تنطر منو
سحر: بببعد مني ( دارت عند زوهرة لي مازالا مصدومة فبلاصتها)  نتي لي قلبتي عليا انقتلك ( فخر شادها)  ببببععععد مني طلقني
فخر: سسسحر باراكا متصغري راسك قدام كولشي باراكا
دارت كتشوف فيه بصدمة صدرها كيطلع ويهبط
سحر: كنصغر راسي
فخر:سيري لبيتك ياله تحركي تححححركي ( بالغوات) 
سحر قفزات من بلاصتها مشات لبيت دخلات ودموعها فعينها ماباغاش تبكي قفزها الباب لي تحا دارت لقات فخر جاي جيهتها نيشان
فخر: شنو هادشي شنو هاد تصرفات ديال المراهقات دوييي كتصغري راسك بزااف قدام العائلة فخبارك عاد كتبيني ليهوم المستوى ديالك مالقبتي فين تبردي غدايدك بانتليك لبنت مشيتي عندها عندك عادة تستقواي على ناس لي ماقادينش عليك
سحر: ااانا
فخر: سكتتي مبغيتش نسمع حسك وهاد البيت مغاديش تخرجي منها حتى تنبغي انا وياويلك اسحر تزيدي تختبري صبري برافو عليك زيدي حشميني مع العائلة (قال كلامو وخرج)
سحر مازال مصدومة الشخص الوحيد لي كانت كتسناه يسمع ليها بعدا ويجي من جيهتها معدبش راسو گاع معطاهاش فرصة تشرح ليه
سحر: دابا انا وليت كنحشم بيه كنصغر بيه ( دموعها مقدوش يحبسو كلسات كتبكي حتا حسات براسها عيات وجهد مابقاش ليها مشات جبدات واحد مهدئ وكينعس فنفس الوقت خداتو وتكات تغطات بدات كتغمض عينيها بشوية حتا نعسات...