شيخ القبيلة❤والمتمردة❤

بارت 18

وصل فخر لقصر دفع ودخل صاعر لقاهوم گالسين جات عينو نيشان فنرجس مشا قاصدها جرها من شعرها كولشي تخلع وقف
فخر:: شكون نتيي أ دوي شكون نتي باش أتبغي تقتلي مراتي شنو كيحسابليك غادي نتزوج بيك إلا تهنيتي منها غادي نتزوجك دوييي
كنزة: ولدي نعل شيطان طلق من لبنت شنو دارت غير قولي شنو دارت أنا نتفاهم معاها
طفعها حتى طاحت
فخر: بغيتي تعرفي بنتك شنو دارت لي دخلتها داري بغيتو تعرفو هادي لي قدامك خلصات واحد هو لي يضرب سحر
سلطانة : شنو
نرجس: كيفاش أنا والله مادرت هادشي ماشي أنا فخر سمعني عافاك راه ماشي أنا
نزل عندها وشدها من لفك ديالها وجبد تيلي ديالو وراها  منين كان الشخص كيقول بلي نرجس
فخر: مازال عندك شي تبرير
نرجس:(مصدومة عرفات بلي تلعب عليها هادي لخرة ليها ) ماشي والله تيقني راه شي واحد بغا يلصقها فيا
فخر: حمدي الله أندير بوجه باك من ليوم منشوفكش فهاد لقصر وعمرك تحلمي تحطي فيه رجليك ولا ديك ساعة ماغادي ندير بوجه حتا واحد (ومشا طلع لجناحو بدل وخرج )
نرجس مازالا مصدومة
نرجس (بهمس) ماكذبوش لي قالو ماساهلاش
كنزة: أويلي وحدي اويلي لبنت وصلات تكري ناس يضربو بلقرطاس سلطانة: نرجس هادشي لي درتي مكيتغفرش واخا تكون شكون ماكانت ماعندكش لحق ديري هادشي ليلى: ههه صراحة لعبتيها كبيرة ولكن مصدقاتليكش
نرجس::(وقفات ) باراكا أش كتخربقو باراكا واش أنا حمقة نبغي نقتلها راه ماشي أنا فهمو ماشي أنا واش باغيين تحمقوني
كنزة : بشك ) إلا ماشي نتي شكون وعلاش داك سيد قاليك نتي
نرجس: ماشي أنا باينا سحر لي خططات لهادشي
فرح: ديريها قد راسك وسبيها فلبراني واش نتي حمقة وحدة مساليا راسها  غادي تنوض تكري واحد يقتلها وكون ماتت .مكنبغيش سحر أه ولكن خويا قبل كولشي متخطيش أغلاطك بتفاهة حيت تاواحد ماغادي يتيقك
نرجس: ماعرفتش ولكن أنا كتأكدة سحر داخلة فهادشي
سلطانة : عندك شي دليل
نرجس: ماعديش ولكن غادي نلقاه
كنزه: واقيلة فخر قاليك منين يجي مايلقاكش مازال هنا وقتاش أتجيبي هاد دليل
نرجس: دابا ، غادي نمشي نهدر مع سحر ونسجل هدرتها أكيد أتبغي تشفا فيا وديك ساعة أتعرفو بلي أنا بريئة
فهاد لوقت كانت ريحانة سمعات كولشي خاصها تدخل قبل مايفوت لفوت ويتقلب كولشي عليهوم بغات تصوني على سحر تعلمها عرفات بلي تيلي ديالها كاين فلقصر بقات كتفكر والوقت ماعندهاش باش تمشي عندها حتى لسبيطار نرجس قطريق أتسبقها بقات كتفكر حتى فكرات فملاك مشات كطير لجناح سحر خدات تيلي ديالها وجبدات منو نمرة ملاك دخلاتها فتيلي ديالها وصونات
ملاك: الو
ريحانة: ألو لالة ملاك سمحيلي صدعتك ولكن ماديريهاش مني قلت صواب واش نتي فسبيطار
ملاك: أه أنا ياله داخلة
ريحانة: لالة عفاك دي دابا تيليللالة سحر شي حاجة مهمة مسألة حياة أو موت عفاك دابا
ملاك: شنو واقع
ريحانة: شي حاجة خاصة عفاك ألالة
ملاك: (باستغراب ) واخا مشات طلعات فسانسور 
فهاد لحضة وصلات نرجس لسبيطار دخلات دخلات فسانسور  ،ووصلات ملاك دخلات ماكانش فخر هبط يجيب قهوة
سحر: ملاك حبيبتي
ملاك: كبيدة هاكي وحدة من المساعدات فلقصر بغاتك فشي حاجة مهمة (مدات ليها تيلي )
سحر : الو
.... ماهي إلا دقائق حتا وصلات نرجس لباب غرفة سحر جات تدخل وصل فخر ديك ساعة
فخر: واش ماكاتحشميش باغا تكملي لي بديتيه ولا شنو
نرجس: فخر سمعني تيقني كنقسم ليك بلي ماشي أنا سحر داخلة فهادشي هي بغات تجري عليا من هنا لقات هاد طريقة عطيني غير فرصة نبين ليك لحقيقة نتا ماخاسر والو أنخلي لباب محلول شوية وندخل نهدر معاها ونتا سمع بوذنيك ومن بعد حكم
فخر: بقا كيشوف فيها هادشي ماداخلش ليا لراسي ولكن ديريه منها تأكدي وتعرفي بلي ماكاينة حتا طريقة تنقدي بيها راسك
نرجس: صافي واخا نتا بقا هنا
دخلات لقات ملاك وسحر كالسين كيهدرو
نرجس: سلام نقد نهدر مع سحر واحد دقيقة إلا سمحتي على إنفراد
ملاك: نتي وسحر
سحر: خليها أملاك تقدري تخلينا أحبيبتي شوية
نلاك: واخا أنا برا إلا حتاجيتي شي حاجة أنا برا
خرجات وخلاتهوم بجوج
سحر: لعجب ماكانش كيحسابلي عزيزة عليك لهاد درجة جيتي حتا لعندي
نرجس: بارا من تمتيل وصلتي لداكشي لي بغيتي فخر جرا عليا ماعندي مانسالك ضحيتي بحياتك باش تخرجيني من لقصر وهانتي درتيها برافو
سحر :(مسحات سما بليگا ) كيفاش مفهمتش كيفاس ضحيت بحياتي
نرجس: سحر باراكا دابا غير أنا وياك ياك نتي لي كريتي شي واحد يضربك بلقرطاس ويسبيها فيا
سحر: هههه أنا ضربني فقلبي ونتي واقلة شي واحد ضربك لراسك مالك كدوخي عليا  واش نتي بعقلك أنقتل راسي ،اجي بعدا شنو قلتي هي نتي لي درتيها كنت عارفاك كتكرهيني ولكن يوصل بيك لكره تقتليني متوقعتهاش .هادشي كامل باش نخويليك لبلاصة ديري فبالك حتى كون مت عمر ماكنتي أتاخدي بلاصتي حتا كون تزوجتي بفخر عمر ماكنتي أتربحي قلبو حيت هو كيبغيني أنا قلبو كينبض بيا أنا دخليها لراسك وأنا عارفة ومتيقنة بلي فخر ماغاديش يدوزليك هادشي لي درتي تايقة فيه داكشي لاش خليتلو هاد لمهمة أما كون تحاسبت معاك بنفسي وتيقيني كون درتها ماكنتيش مازال أتكوني واقفة دابا قدامي كون قتلتك ودابا كيصليو عليك ولكن عارفة قرار فخر صائب ودابا خرجي عليا
نرجس: كذابة نتي هانتي ربحتي وأنا أنمشي فخبارك كتبقاي فيا أول مرة فحياتك تلقاي شي وحد يبغيك عائلتك لاحوك ماماك رماتك فزنقة
دخل فخر
فخر: نرجس خرجي دابا
نرجس: أنا أنمشي بحالي ولكن خاصك تعرف واحد لحاجا بلي هادي لي تزوجتي بيها لقاتها مها كتحاول تقرب من خالها سحر مع خالها داكشي بباش جرات عليها جابت ليها لعار وقليلة شرف شتي باش تزوجتي
سحر: خر خرجي عليا
سحر بدات كترعد بوحدها شدات فصدرها مابقاتش تقدر تنفس
فخر: سخر سحر  تنفسي مزيان ملاك عيطي لطبيب دابا بزربة
ملاك تلفات مشات كتغوت حتا جا طبيب كيجري خرجوهوم بزز فخر حلف مايخرج طبيب عطاها واحد لإبرة بدات كتسد عينيها بشوية حتا غفات دار شاف ففخر
طبيب: سي فخر سمحلي ولكن حالة مدام سحر كتعقد هاد النوبة لي جاتها دابا خطيرة على الجسم ديالها حيت مازال ضعيف بزاف وو إلا عاودات جاتها نوبة أخرى ماغاديش نقدرو نعتقوها
فخر داخ شد فراسو ضرب فلباب بعصبية
فخر: أنا سباب أنا سباب
خرج طبيب ودخلات سحر
ملاك: مالها شنو واقع
فخر: جاتها نوبة خاصها رعاية كبيرة ماخاصهاش تعصب
ملاك : (بقات كتشوف فسحر) شنو قالت ليها نرجس هي لي عصباتها
فخر : هادشي ماغاديش يتكرر مرة خرا
دازت ساعات وطاح ضلام فخر كان معصب بزاف مابغاش يمشي عند نرجس حيت عارف ومتأكد إلا شافها قدامو ماغاديش يتحكم فأعصابو فضل يبقى حدا سحر بزز باش قنع ملاك تمشي دخل طبيب
فخر: واش مازال ماتفيق
طبيب: أتفيق غادا عطيناها مهدئ قوي  .تقدر غدا تخرج حيت مابقالنا مانديرو ليها كولشي ولا دابا ليكوم نتوما خاصها رعاية ولخاطر حتى تبرا ماخصهاش دير مجهود عضلي قوي ومتحركش بزاف  نقدرو نصيفطو معها ممرضة
فخر: الا ماكاين لاش أنا أنتكلف
كلس فخر كيشوف فيها وكيفكر فهدرت نرجس
فخر: شنو داروليك