👈سحر: جاوبني واش مازال كتبغيها
👈فخر:(بدا كيتعصب شدها من دراعها بعنف) شنو كيبانليك فوجهي أ ز*مل وحدة تخورني ومعامن مع ولد عمي ونبقا كنبغيها تحمد الله لي مقتلتهاش بيدي وآخر مرة تجبدي سيرة هاد الموضوع
👈سحر: تخلعات) صافي طلق مني ضريتيني
فخر عاد وعا على راسو طلق منها مشا لسرجم حل صدايف لولا من قميجة حيت تعصب بزاف باتول ولات ماضي وتاوحد ماكان كيزعم يجبدها ليه
👈سحر: إلى ساليتي هدرتك خاص نمشي
👈فخر: (شاف فيها) أنا أنوصلك
👈سحر: لا غير خلسك أنمشي لدار ملاك وناخد من عندها شي حاجة
👈فخر: شيفور أيوصلكوم و كنتمنى تقبلي إعتدار ديالي
👈سحر: نيا صافي أنا أصلا نسيت دا كشي لي طرا (مشات عندو باستو فحنكو وخرجات خلاتو مشوكي سحر لي ديما منفخة ومااعاجبها حال باست فخر هو متيقش ولكن عجبو لحال تهدن بسرعة البرق كأنها ديك القبلة دواء العصبية ديالو
هبطات سحر لقات ملاك گالسة وگاسة قدامها ليلى وفرح حاضينها وكيتهامسو عليها
👈سحر: ملاك ياله
ناضت ملاك هزات صاكها وخرجو طلعو فطونوبيل مشاو لدار كلسو
👈سحر: عيطي على لبنت تجي دابا باش نحلو حتا هاد القضية
بالفعل صونات ملاك على البنت وقالتليها واخا ماهي إلا ثواني حتى سمعو دقان فلباب حلات ملاك ليها ومشات گلسات هي وياها قدام سحر كانت بنت مابيهاش مكترة ماكياج بزاف لابسة لبسة قصير ومعرية من كل جوانب باين خارجة لطريق
👈لبنت (خولة): قلتو بغيتوني فشي خدمة سربيو راه مازال تابعني نوجد. راسي عندي قصارة ليوم
👈سحر: (ضحكة إستهزاء) هدري معايا أنا شنو سميتك
خولة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
👈خولة : سميتي خولة وكيخيطولي خوخة
👈سحر:مزيان إخولة بغيتك فخدمة
👈خولة: ماشي شغلي إنا خدمة مهم عندي بشحال
👈سحر: 10 ولا 20 ولا 30 ولا 60 مليون شحال ما بغيتي ختاري تمن لي بغيني
👈خولة:(دهشرات سمعات لملاين ) إنا خدمة بغيتيني ندير
👈سحر: ساهلة أتكوني مولفة ديريها فرقي راجل على مراتو
👈خولة: اه ومن بعد
👈سحر: ومن بعد ديري لي بغيتي بغيتي تخليك حداك تزوجي بيه مابغيتيش صدريه وبدلي لمدينة وديري مشروع لراسك ودار وعيشي أميرة ومرتاحة حياة ليل صعيبة أولا شحال كدخلي فنهار
👈خولة: 500 درهم حتا ل 1000 درهم وأيام ماكايكون والو
👈سحر: (حلات صاكها جبدات دفتر شيك كتبات فيه وعطاتولها ) هاكي هادي 3 دلمليون قادي بيها راسك وتهلاي فراسك قبل مانبداو لخدمة ديالنا وقادي ضفارك تهلاي فيهوم عندك سيمانة بغيتك تولي وحدة أخرى ولباسك قاديه بدليه كامل فهمتيني نساي خولة لقديمة دابا أتولي إمرأة أعمال خولة
👈خولة: (غير شافت شيك تحلو عينيها ) كوني هانية مولة لقديمة ماتت نتي غير أمري لخدمة معاك أتكون زوينة بزاف
👈سحر: متشوفيش لفلوس وتنساي لمهم حيت إلى مددرتيش لي قتليك نساي شي حاجة سميتها لفلوس
👈خولة : (بتحدي) متخميش هاديك راه خدمتي أيجي برجليه حتا يطيح فشبكة بعدا قوليلي شكون هادا خاص ناخد عليه معلومات
👈سحر: نتي دابا سيري ديري لي قتليك شري حوايج وتهلاي فراسة ومن بعد أنقولك كولشي
ناضت خولة دارت شيك فصدرها وخرجات فرحانة نيشان لبنكا
ملاك رجعات شافت فسحر
👈ملاك: درتيها فراسك أسحر متهناي حتى تخسري كولشي واخا هاكاك كتبقا ماماك عاودي فكري فهادشي لي باغا ديري شوفي أنا ماعارفاش شنو دارتليك ولكن راك أدمري عائلة
👈سحر :(بعصبية ) ملاك من إمتى ولاو كيبقاو فيك كيفما دمراتني غادي ندمرها بدوبل غير تهناي هادي غير لبدايا من راجلها وندوزو لبنتها لحبيبة ومن بعد أنخليها تنعس فزنقة بجوع ولعطش وتجي حتى لرجلي طلب فيا وماغاديش نتسوق ليها
👈ملاك: وليت كنخاف أسحر
أنت تقرأ
شيخ القبيلة❤والمتمردة❤
Romanceرئيس العشيرة أو شيخ لقبيلة أو شيخ المنطقة مالكها والمسؤول عليها هو مسيطر وقاسي على أي واحد محتارموش لهو لعائلة ديالو بالاخص. البطل ديالنا غزال فعمرو 30سنة شيخ لقبيلة الإسماعيلي .معمرو ظلم شي واحد كيعتبر راسو منهوم ومكيحگر على حد كل وواحد عاطيه حقو...
