شيخ القبيلة❤والمتمردة❤

بارت31❤

وصلات لقصر دخلات تبعها دخلات في صمت لجناح ديالها حيدات جاكيطة وتكات على ناموسية جا فخر حداها حط يديه على شعرها
ففخر: بغيتي شي حاجة تاكلي شي حاجة نقولهوم يوجدوها ليك
سحر:( كتشوف فسرجم) اه بغيت نطلب منك واحد لحاجة
فخر: غير امري وانا نفد
طلعات راسها شافت فيه بعيون حزينة قدات لكلسة هزات صاكها كان حداها وجبدات ديك الرسالة مداتها ليه
فخر: شنو هدشي
سحر: جدي بغيت نقول الحاج خلا ليا هدشي بغيتك تعاوني
فخر:( بدون فهم حل الرسالة كيقرا والصدمة كتبان على وجهو ) هادشي ميمكنش اش جابك لعائلة قاسمي
سحر: ( بتعجب) واش كتعرفهوم يعني نتا كتعرف عائلتي
فخر:( فخر بقا كيشوف فيها مراتو من عائلة القاسمي بيناتهوم خلافات وعداوة) كنعرفهوم ومزيان نتي واش باغا تعرفيهوم
سحر:(تكات على صدرو) معرفتش يقدرو يكونو هوما كيبغيوني وكيقلبو عليا وحتا أنا عندي عائلة تبغيني
فخر: عندك عائلة اسحر وكتبغيك بزاف مكتشوفيش هاد العائلة معامن عايشة
سحر: عارفة حتى أنا كنبغيهوم بزاف فخبارك جدة جرات عليا مبقاتش باغا تشوفني
فخر: خوي راسك من هادشي دابا انا انخليك ترتاحي صافي متفكريش بزاف
ناض خرج شاد راسو بزز باش ميبينش العصبية ديالو سد الباب ومشا للمكتب كان قدامو واحد الكرسي ضربو برجليه حتا تشخشخ
فخر: كيفاش القاسمي ميمكنش
شد راسو حاول يتهدن هز تيلي ديالو ودوز نمرة
فخر: بغيت دابا حميع المعلومات ديال القاسمي كاملين واحد بواحد وقلب واش كانو كيقلبو على شي بنت بغيتو دابا
واحد نص ساعة وصلو اميل حل البيسي وبدا كيقرا كلمة بكلمة داكشي لي مبغاش هو لي كاين حفيدة القاسمي تخطفات منين تولدات من سبيطار قلبو عليها ولكن ملقاوهاش هز تيلي ديالو دوز نمرة
فخر: خودلي موعد مع القاسمي غدا صباح
قطع وكلس كيفكر شوية مشا عدن سحردخل لقاها نااعسة ولكن غير جا كلس حداها فاقت
سحر: فين مشيتي
فخر: والو حجزت موعد مع نسيبي نتعرف عليه
سحر: كيفاش زعما
فخر: غدا انتلقاها مع سي القاسيمي ونتاكد واش بصح هادشي ولكن خاص نديرو تحليل ADN احبيبة باش نتاكدو
سحر: معنذيش مشكل نديروه لي بغيتي نتا
باس راسها وتكاها على صدرو وراسو عامر

فنفس المكان فقصر القاسمي كالس بكل نخوة كيشرب فالقهوة دياللو فقصر القاسيمي ساكن هو وخوه وولادهوم مكيفرقوش كريم القاسيمي عندو 2 بنات كاميليا ووحدة تخطفات فاش تولدات وعندو ولد كبير اكرم
حكيم القاسمي عندو جوج ولاد كبار فادي نزار وبنت بيان
كان كالس كريم حتا نزلات مرتو نزهة كلسات حداها كانت امراة جميلة فالاربعينات ولا الخمسينات
كريم: مراتي شتك فقتي بكري
نزهة: وانا ممن ايمتا جاني نعاس ولا حلمت بيه
كريم: عاوتاني نفس الموضوع
نزهة: كيفاش نفس الموضوع هاديك راه بنتك حتا نتا واش معندكش الكبدة فينها واش عايشة ولا لا واكلة شاربة لابسة
كريم: نتي شتي بلي درت لي فجهذي باش لقاها لحد لان مكين حتا شي خبار
نزهة: تكويت فيها
بقاو كاسين حتى جا عندو اكرم كلس حداهوم من بعد ما سلم عليهوم
اكرم،: لحاج فخر الدين لاسماعيلي بغا يشوفك
كريم:(بشك) اش بغات مني عائلة لاسماعيلي
اكرم: معرفتش ولكن كين شي موضوع مهم بغاك فيه
كريم: قولو يجي ليوم لدتر منمشيش لخدمة
ناض اكرم هضر مع سكريتيرة ديالو باش تعلمو ورجع كلس وجات كاميليا فادي نزار كلشي گالس مرة يهضرو مرة يسكتو جات مساعدة علماتهوم بلي فخر جا عطاها كريم اذن باش دخلو دخل بكل هيبة كاميليا بقات حالا فمها فيه من ديما كيعجبها ولكن حيث العلاقة مع عائلتها متوترة حاولات تبعد منو وهو راجل مزوج
جاو ينوضو باش يخليوه يهضر مع كريم
فخر: خليكوم هاد الموضوع كيخصكم كاملين
تبهضو عاودو كلسو بفضول يعرفو شنو كاين كلس فخر كيشوف فيهوم واخد واحد
كريم: سي فخر ياك لباس منين جاتك هاد المعزة حتا تجي لقلب لداري
فخر: تيق بيا اسي كريم كون مكنتش مضطر مكنتش نجي نشوف وجهك
اكرم: اذن دخل فالموضوع
فخر: سمعت بلي كانت عندك شي بنت وتخطفات. كريم قاد الكلسة ونزهة حتا هي
نزهة: اه تخطفات علاش
فخر: بلا شك كتعرف الحاج العراقي
كريم : سمعت بلي مات الله يرحمه
فخر: قبل ميموت خلا رسالة لحفيدتو بلي هي ماشي من عائلتو هي من عائلة القاسمي
نزهة: كيفاش (بالفرحة) واش لقيت دابا بنتي.
كريم: وضح ليا كتر
فخر: قال بلي من بعد مالقاها عطاها لبنتو تربيها ولات عزيزة عليه وفنفس الوقت كان كيقلب على واليدها ولكن منين لقاهوم ولفها بزاف مقدش يتفارف عليها
اكرم: هاد الهدرة مكتنفع بوالو خاص نديرو تحاليل
نزهة: انا حاسة بلي هادي بنتي
فخر: (جبد شاسية) هادا طرف من شعرها سيفطوه دابا لطبيب باش نشوفو وكنتمنى تكون سلبية
كريم مد شاسية لأكرم وعطاه زغبات من شعرو ومشا اكرم ديك ساعة يدير تحاليل
كريم: ونتا اسي فخر اش دخلك فهادشي
فخر: نشوفو نتيجة ونقوليك اش دخلني
مرت تقريبا 2 ساعات دخل أكرم لدار فيديه بريه مدها لباه وكلس
كريم محتار واش يحلها ولا لا فلخر حلها والنتيجة صدماتو ترسمات ابتسامة على وجهو
كريم: نزهة لقينا بنتنا
نزهة بالفرحة زغرتات ناضو عنقوها كاملين وفخر گالس كيشوف فيهوم وصلات عند فخر
تزهة : شكرا بزاف شنو ماعطيتك منقدش نوفيلك هادشي
فخر:(بتاسم ليها) بالعكس نتي عطيتيني لحسن حاجا
نزهة :شنو عطيتك
فخر : بنتك
كاملين ضرباتهوم صاعقة
كريم: كيفاش
نزهة:(متآترة) شنو سميتها
فخر : سحر مراتي
كريم: (وقف) هادشي ميمكنش بنتي ميمكنش تزوج بيك
فخر:(وقف كيقاد كوستيم) للاسف هادشي للي كاين
كريم: اتفارقو
فخر:( وقف حداه وبتاسم) فاحلامك اسي القاسمي
نزهة:(قربات عندو) عفاك بغيت نشوفها
كريم: علاش كطلبيه بزز منو انشوفو بنتنا
فخر: مراتي ممستاعداش حاليا تلاقا بيكوم منين تكون مستعدة نشوفو نفكر ( مشا خرج وخلاهوم)
كان واحد الفاز حدا كريم نزل عليه حتا طاح
اكرم: لواليد تهدن
كريم: كيفاش انتهدن وبنتي مزوجة بعدوي كييفاش
نزهة: واش نتا هادشي لي كيهمك ماباغيش تشوفها كيف دايرة وتعنقها كتهمك غير العداوة انا مكيهمنيش بيمن مزوجة لمهم كيبغيها حيت جا حتا لدارك وعلمك (قالت ةلامها وطلعات )
اكرم: الواليد الحاجة عندها الحق حنا معندنا حتا شي سلطة باش نفرقوهوم لي طرا طرا خاصنا نتقبلو
كريم: مستحيل نتقبل هادشي وحدة من دمي مخصهاش تكون معاهوم
تفرقو كاملين وكولهوم كيفكرو فحاجا وحدة سحر
فخر رجع لدار طلع كانت سحر كتفرج شافتو ناضت عنقاتو بادلها العناق وقبلة مشا كلس حداها فين كانت كتفرج
سحر: خرجتي بكري فين مشيتي
فخر: كنت عند عائلتك
سحر:(بدهشة) وشنو درتو
فخر: تصدمو ومعجبهومش لحال حيت نتي مراتي وحتا نسيبي طلب مني نتفارق معاك
سحر: كيفاش حتا لهاد درجة مكيبغيكش
فخر:(كيلعب فشعرها) وكتر
سحر: اوف هادشي مخربق
فخر:( متكي كيلعب فخصلات شعرها وكيشوف فيها) فوقاش انولدو؟
سحر:(دارت شافت فيه بتعجب) مفهمتش
فخر: سؤالي سهل فوقاش انولدو
سحر: ياله تزوجنا واقيلة مكنتش عارفة نتا مع الفكرة ديال لواخد غير يتزوج خصو يولد
فخر: سحر داكشي ديال الله حنا غير كنديرو سبب حيت اصلا نتي مكتاخدي لادوا لا والو هادشي كيعني فوق مابغينا يمكن تحملي حتا انا بغيت نهز ولدي ولا بنتي مابين يدي نشوفوه كيكبر مابين عينينا ولا نتي ماباغاش؟
سحر: ماباغاش ماباغاش حاليا
فخر: علاش واش انبقاو حياتنا كاملا هاكا بزوج بلا ولاد
سحر: اه ومالها حالتنا زوينة
فخر: ( مبغاش بزيد يتجادل معاها) اندخل ندوش دابا ولكن جوج كلمات انقولهوم ليك نهار نعرفك كتاخدي شي دوا متلومي الا راسك معايا
سحر:انا ماباغاش واش بزز
فخر: اه بزز الالة حيت نتي لخاطر مكينفعش معاك
مشا دخل يدوش وهي طفات ديك تلفازة مابقا عندها خاطر لفراجة وخرجات
فجهة اخرى من لقصر كانت فرح فبيتها كتحفض امتحانات مبقاليهوم والو حتى تحل عليها الباب شافت كمارتو وهي تخسر سيفتها
مروان: (هاز طبسيل ديال سباكيتي) جبتليك تاكلي هاد لايام مكتاكلي والو
فرح:( رمات ستيلو من يدها وعلات رايها وهي كالسة شافت فيه) واش مكتفهش ولا مكتبغيش تفهم عطيني تيقار
مروان :(زدح داك طبسيل مع البيرو وشد كتفها زير عليه وقفها ) فرح صبري تقادا مع هاد الفشوش ديالك
فرح:تاواحد مضربك على يديك تفارق معايا وا بعد مني
مروان بقى كيشوف فيها كون ماجاتوش ضعيفة وقصيورة كون جمعها معاها طلق منها وخرج زدح الباب هبط عند سلطانة
سلطانة: مروان ولدي شتك معصب مالك
مروان: لالة سلطانة عفاك ماشي وقتو
سلطانة: لا وقتو منقدش نخليك تخرج بهاد الحالة
مروان: بنتك عييت معاها بجميع الطرق والو غير كتشوفني كتكحل بالعمى انا عييت تقادا جهدي (خرج بحالو) سلطانة طلعات عند بنتها
سلطانة: واش نتي داك نص عقل لي بقا عندي باغا تحمقيني راجل حمقتيه ولا كيديرليك بحال دراري صغار ونتي والو لي فراسك فراسك لمن خرجتي ولكن انا عارفة شنو انديرليك
فرح: شنو اديري گاع
سلطانة: الخطوبة طولات جا وقت زواج حتا هاد القراية لي فارعة لينا راسنا بيها متبقايش تمشيليها
فرح: حماقيتي
سلطانة: كلامي قلتو وسالينا ياكما كتسحابيني هبيلة ومعارفاش اش كديري كولشي كيوصلني حمدي الله خوك معارفش ولا مروان انا كون كنتي دابا فالقبر
فرح :مفهمتش
سلطانة: داك دوران مع دراري لقهاوي وضحك ونشاط كتقلبي على شوهة ياك
فرح: ماما هادوك صحابي
سلطانة: ياك الالة اوا نعيطو لفخر نشوفو رأيو فهادشي
فرح : لا اماما عفاك عارفة خويا رايو فهاد  الموضوع
سلطانة: إذن ديري عقلك ابنتي
خرجات وخلاتها حايرة بوحدها حتى لگانة ديال القراية مبقاتش عندها