بعد عدة اشهر
كانت كالسة فالجردة كرشها كبرات جات مساعدة حطات ليها لحليب كيف ما موصيها فخر الدين
سحر: اوووف لحليب تاني طلعلي فراسي
هزات شراباتو فهاد الاثناء تسمع صوت القرطاس فالقصر ناضت شحر مخلوعة من بلاصتها
سحر: شنو هادشي
مساعدة: هدا هاد صوت القرطاس الالة خاص نخرجو من هنا
سحر: فين فين واخا ياله دغيا
خرجات سحر هي والمساعدة حتا تسمعات قرطاسة طاحت المساعدة قدامها ضارت تشوف لقات راجل فالارباعينات
سحر: ععفاك متقتلنيش عععفاك انا حاملة
الرجل: اهاد سبب بالضبط خصك تموتي سلالة ديال الإسماعيلي مخصهاش تبقى وانا لي انقطعها
سحر: ههانتا خلينا نهضرو الى دارليك فخر شي حاجة كنواعدك انا انهضر معاه ونحلو المشكل
الرجل : اشمن مشكل عندي انا مشكل واحد وهاهو قدامي تحناي على ركابيك ياله واش مسمعتيش مزيان تحناااي ياله
هبطات سحر على ركابيها وهي كترجف
الرجل:اووو على منظر شحال زوين بغيت غير نتخيل وجه راجلك لعزيز منين يشوفك حانيا قدامي كيحسابلو نسيتو راه غالط
سحر: ععفاك كنترجاك
طلقات قرطاسة جات نيشان فكتفها سحر بدات كتبكي بالالم
الرجل: اووو مجبتهاش هاد لمرة اتجي نيشان فكرشك ولي العهد
سحر: واش نتا معندك قلب واش معندكش الرحمة
الرجل: معنديش ولو ذرة اتجاه العدو ديالي
وققات طونوبيل كحلة نزل منها فخر كيجري هاز سلاح ديالو
فخر: حيد داك سلاح من قدامها ولا اتندم
الرجل : اوو تايق فراسك متيقش بزاف حيت بالي نتا لي اتندم
فخر: قتليك حيد سلاح من قدامها
الرجل: لا
معا قال ديك لا تطلقات قرطاسة نيشان لصدرو الرجل منين ستوعب قرطاسة لي فصدرو دار فيه ضحكة خبيتة وطلق حتا هو قطاسة نيشان لسحر وطاح على طولتو
سحر طاحت فالارض غارقة فدمها جا عندها فخر هزها حطها فطونوبيل وطار بيها لمستفشى كانت حالتها خطيرة من بعد ساعات خرج عندو طبيب وجهو صفر
فخر: شنو واقع دوي وقعات شي حاجة
طبيب: سي فخر معندي منخبي عليك لحابة ديال مدام سحر والجنين فحالة خطيرة منقدروش نعتقوهوم بجوج للاسف واحد منهوم ايعيش وكبيقا القرار ليك خاص تعطينا قرارك دابا معندناش الوقت
فخر:(تحط فواحد الموقف خايب صعيب شد راسو بدون حيلة ) سحر بغيت سحر عفاك دير لي فجهدك وردهالي
طبيب ضرب على كتفو ودخل فهاد الاثناء جاو العائلة كاملة حيت مكانوش فلقصر منين سمعو لخبار جاو
سلطانة: ولدي حبيبي كيف بقاو
فخر: (اول مرة يشوف فمو ديك شوفة ديال الانكسار حط راسو على كتفها ودموعو بداو كطيحو) ولدي مشا ولدي مشا
كلهوم تصدمو من لخبار
سلطانة:(شدات راسها متبينش لحزن ديالها قدام ولدها) ولدك ملاك اولدي ملاك مزال اتولدو مزال صغار مهم هو مراتك تولي لاباس
فخر: كنقسمليك حتا انقتلو
شاف فمصعب دار ليه براسو اه بلي كولشي مزيان
سلطانة: تولي مرتك مزيان ودير لي بغيتي
بقاو على داك لحال كيتسناو حتا خرج طبيب
طبيب: مدام سحر خرجات من لعملية وكلشي داز مزيان شوية انقلوها الإنعاش هكا نبقاو نراقبو حالتها حتا تولي مزيان وبالنسبة للجنين خاصكوم تكلفو بالدفن الباراكة فراسكوم(مشا)
سلطانة: هاهو مصعب ايتكلف اولدي نتا غير بقا هنا
فخر: لا انا لي اندفن ولدي
مشا وتبعو مصعب كلنت اصعب نهار فحياتو مكنش متخيل كاع فالاحلام لي كيبني بلي ايدفن ولدو لي مزال مشافو كتب ليه الله يهزو وهو ميت وميهزوش وهو حي
دوز داكشي ودفنوه فخر قادليه وريدات حدا لقبر ديالو
فخر: متقلقش من باباك اولدي عنداك كيحسالليك باباك مكيبغيكش انا كنبغيك بزاف ولكن منقدش نضحي بيها حتا نتا كون كنتي بلاصتي ادير نفس لحاجة ديما انجي عند ولدي ونجيب ليك لورد ولكن كنواعدك اولدي بلي لي دار فيك هادشي ميكونش حتا قبر ميستاهلش يكون معاك فنفس لبلاصة
ناض شاف فمصعب
فخر: فين هوا
مصعب: فخر ماشي وقتو
فخر: فيين هوا
فخر: مزيان
تحركو ركبو فطونوبيل نيشان لمزرعة شوية وصلو تما دخل هو ومصعب لبيت لس كانو رابطينو فيه ودمايات كتسيل منو نصو مغيب
فخر: درتي اكبر غلاط فحياتك اسي الرامي جيتي لموتك برجليك فخبارك واحد لحاجة ولدي مات
الرامي بتاسم ونطق
الرامي: ه ههادشي لللي بغيت
فخر: ولكن متخافش مراتي مزيانة ومازال عندنا عمر كامل نعمرو لقصر بلولاد ولكن نتا نهايتك اتكون ليوم هزوه
خرج وتابعينو لكارد جارينو من موراه حتا وقف حدا لقفص
فخر: واعدت ولدي ليوم بلي لس قتلو مستحيل يكون معاه فنفس البلاصة وبطبيعة الحال انوفي بوعدي ولا ولدي ايتقلق متي اولا هد سبع شريتو غالي بزاف عزيز عليا عرفتي علاش حيت كنشوف فلعدو ديالي كيموت وهو حي
الرامي تخلع
الرامي: لا لا مديرهاش فخر فخر اتقتل عمك فخر
فخر: عمي لي قتل ولدي مازال مشديتو بين دراعي ولا عمي لي خلا مراتي ناعسة فسبيطار معنديش ليوم نهايتك
دار حركة لكارد دخلوه لفقص وسدو علسه من بعد حلو على سبع لس غير شاف رامي طار عليه بجوع فخر بقا كيشوف محنش فسه بتاتا سالا وخرج بحالو ركب طونوبيل ورجع لمستشفى
سلطانة: ولدي علا سلامتك
فخر بتاسم ليها بتلسمة خفيفة كيطمنها على حالتو
فخر: مازال مافاقت
سلطانة:شوية وتفيق اولدي من الاحسن تكون حداها
دخل لغرفة كلس فلكورسي كيشوف فيها حتا بدات كتفيق شوية بشوية كتسكشف المكان
سحر:ففف
فخر: ششش انا حداك متعييش راسك عفاك
سحر: ووولدي
فخر:(معرف ميكول) حبيبتي الاميرة ديالي عمري ولدنا فبلاصة حسن من هادي
سحر طاحت دمعة من عينيها مهدرات متكلمات هو عارف صعيب عليها هاد لخبر هز يديها باسها
فخر: مازال انولدو مازال لعمر قدامنا
سحر مجاوباتوش بقات هكاك حتا داهانعاس فخر خرج عند عائلتو
فرح: امضرا اخويا كيف بقات
سحر: مازال عيانة خاصها ترتاح
سلطانة: واش عرفات
فخر دارها براسو اه
فخر: غير سيرو لدار ترتاحو انا انبقا معاها
مشاو من بعد مسلمو عليه
داز اسبوع سحر مازال فسبيطار ياله حالتها بدات كتحسن شوية
دخل عندها فخر كانت كالسة كيف عادتها فسرير ديالها وساهية بان فيها ضعف
فخر:(باسلها راسها) عمري شوف شنو جبتليك كاع لماكلة لي كتبغي اممم كاينة بيتزا بلفرماج لي كتبغي كاينا لازانيا وكاين حتى طوسط لي عزيز عليك صاوباتهوم لالةسلطانة ليك
سحر: مفياش
فخر: كنترجاك مديريش فيا هكا متعدبينيش هكا عاقبيني كيما بغيتي ولكن هكا لا منقدرش نشوفك كتموتي قدام عيني شوفي ضعافيتي مكتاكلي والو نفضل نموت ولا نشوفك هكا
سحر شافت فيه كان قريب يبكي حاسا بيه كيبان قوي ولكن حتا هو مجروح مباغيش يضعاف على ودها
سحر:(بتاسمات ليه) واخا اناكل حتا نتا كول معايا
فخر فرح هز كياكل معاها وكيحمد الله
داز داك نهار وصل نهار لي اتخرج فيه سحر من سبيطار لبسات عاونها فخر
سحر: فخر بغيت نطلب منك واحد طلب
فخر: امري
سحر: منقدرش نرجع لداك لقصر عفاك
فخر:(هز يديها باسها) هادشي فكرت فيه راحتك كتهمني تكلفت وتحولنا لقصر اخر
سحر: شكرا
عاونها ناضت خرجو كانت طونوبيل كتسناهوم هاد لمرة ولا قخر راد لبال لكولشي لكارد محاوطين لمكان وديما تابعينهوم وصلو لقصر نزل فخر وعاونها تنزل طلعات راسها فداك لقصر كان زوين
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
فخر:مرحبا بيك فدارك جديدة هنا انبداو حياتنا
دخلو رحبو بيهوم سحر كتحاول ضحك ماباغاش تبين ليهوم الحزن ديالها وهوما كيديرو لي فجهدهوم باش يفرحوها
سحر: فخر تقد توريني بيتي بغيت نرتاح
عاونها حتا طلعو لجناح ديالهوم كلسات كتشوف راسها قدام لمراية
سحر: انا انرتاح تقد تهبط عندهوم
فخر:(حس بيها باغا تبقا بوحدها ) واخا الا حتاجيتي شي حاجة عيطيلي (خرج)
سحر بقات كتشوف راسها فلمراية حتا بداو دموعها كينزلو
سحر: سمحلي يا سيدي ربي انا سباب حتا مات ولدي نتا عطيتيني واحد نعمة ولكن فلول انا مبغيتهاش ونتا عاقبتيني سمحلي يا ربي بقات كتبكي
لتحت كانو كالسين
سلطانة: ولدي شنو باليك تسافر نتا وسحر تبدل الجو
فخر: مغاديش تبغي دابا ومازالا عيانة خليها حتا تولف شوية و ترجع صحتها ديك ساعة انسافرو
فرح: اه بصح ول...(طلعات راسها لدروج تصدمات)
فخر:مالك( دور وجهو حتا هو تصدم
كاملين بانت على وجههوم صدمة كانت سحر دايرة زيف على شعرها ولابسة طويل
فخر قرب عندها ودهشة على وجههو
فخر: مشاء الله جا معاك لحجاب بزاف الله يحفظك فرحتيني بزاف طلبي مني لي بغيتي انفدوليك
سحر:(يتاسمات ) بغيت نطلب منك تسمحلي ومن لعائلة كاملة هلى اي حاجة درتهالكوم خايبة ونتا بلاخص كنت كندير ليك مشاكل بزاف ولكن كنواعدك كنراجع تصرفاتي من هنا لقدام وغادي نكون زوجه صالحة ولام مزيانة
فخر مقدر يقول حتا كلمة سحر صدماتو بنضج لي ولات فيه مكانش متخيل كاع هادشي
سحر : طلب ديالي تقدر تديني نشوف ولدي
فخر مقدش يرفض ليها طلب ديالها ركيو فطونوبيل وصلو لمقبرة قدام قبر صغير سحر شادة راسها بزز باش متبكيش
سحر: وولدي انا جيت عندك سمحلي مجيتش شحال هادي ماماك كانت عبانة شوية ولكن صافي انبقا نجي ديما انا وباباك كنواعدك عمرني مغادي نساك كنواعدك بلي ماماك اتولي مزيانة وغادي نجيبليك ديما لورد صافي متقلقش عليا ضارت شافت ففخر كيشوف فيها باعجاب ضحكات
سحر: شكون نتا لي واقف عليا من قبايلات مهم انا سحر (مدات يديها تسلم عليه)
فخر:(ضحك) معاك فخر الدين
سحر:مشرفين سميتك زوينة
فخر: ونتي احلى نقدو نمشو
عنقها ومشاو معانقين حتا ركبو فطونوبيل ومشاو يبداو حياتهوم من جديد
هنا احبوباتي كتسالا هاد القصة وخليو ليا رأي ديالكوم❤❤❤❤❤
أنت تقرأ
شيخ القبيلة❤والمتمردة❤
Любовные романыرئيس العشيرة أو شيخ لقبيلة أو شيخ المنطقة مالكها والمسؤول عليها هو مسيطر وقاسي على أي واحد محتارموش لهو لعائلة ديالو بالاخص. البطل ديالنا غزال فعمرو 30سنة شيخ لقبيلة الإسماعيلي .معمرو ظلم شي واحد كيعتبر راسو منهوم ومكيحگر على حد كل وواحد عاطيه حقو...
