الفصل الرابع
ف مطعم فاخر
كان عمر قاعد يبص ع ايه اللي كانت بتختار الاكل
ايه : انا هطلب استيك
عمر : تمام.... هات اتنين استيك
النادل : تمام يا فندم... عن اذنكم
ايه : هاه عايز اااه؟
عمر بسخريه : عايز ااااه .... ايه علفكره انا زوجك وقاعدين ف مطعم.... مش معلمين قاعدين ع قهوه
ايه وهي بترمش : قول يا عموري عايزني ف اي
عمر : بس يا ايه متحاوليش تبقى رومانسيه.... عموما انا كنت عايز اعتذرلك
ايه : ع اي!
عمر : متقاطعنيش عشان متعصبش... بعتذر ع رخامتي معاكي طول السنين اللي فاتت... انا اسف... واتمنى نبدأ من تاني
سكتت ايه وقعدت تبص بصدمه
عمر : مالك يا ايه؟
ايه : هو اللي سمعته دا بجد انت بتقول انا اسف ... اي اللي جرا ف الدنيا يا عيال
عمر بعصبيه : انا غلطان اني اعتذرت.... عن اذنك
ايه : رايح فين
عمر : هروح اتجوز عليكيقام عمر ومسكت ايه ف ايده قعدته تاني
ايه بضحك : خلاص اقعد متزعلش.... انت عارف يا عمر انا بعديلك دايما لي
عمر : عشان بتحبيني!
ايه : لا.... عشان انا عارفه عمر كويس... عمر اللي كان بيلعب معايا وانا صغيره... عمر اللي طول عمره بيدافع عني..... انت بتحاول تتمرد ع اللي عمه عمله فيك مش اكتر
عمر : يعني سامحتيني
ايه : انا مكنتش زعلانه عشان اسامحك.... انا يوم ما زعلت زعلت من نفسي مش منك
عمر : هنبدأ من جديد
ايه بابتسامه : معنديش مانع
عمر : طب انت هتروحي للدكتور تاني أمته؟
ايه : اشمعنا؟
عمر : عشان ابقى اعمل حسابي واجي معاكي
ايه : حاضر هبقي اكلم الدكتور ونروحلها
وصل الاكل وبدأوا ياكلونه واتكلموا لاول مره من فتره وبعدين روحوا
......
تاني يوم ف غرفه مالك ورزان
كان الكل بيستعد عشان الحفله
رزان : هاه دا ولا التاني
مالك : انا مش شايف فرق بينهم
رزان : ازي دا قصته مختلفه عن التاني
مالك : الاتنين حلوين يا رزان البسي اي حاجه فيهم
رزان : يعني لازم كله يلبس ابيض.... معنديش حاجات كتير ابيض