الفصل الرابع والثلاثون
ف قصر الخديوي
كانت العيله متجمعين ع السفره يفطروا قبل ما يرن تلفون عمر
ايه : مين؟
عمر : دي نور... غريبه مهي لسه مكلماني من عشر دقايق وقالت إنها جايه
فريده : رد ممكن تكون عايزه حاجه
رد عمر : الو
اتغيرت ملامحه وقام من ع السفر
حاتم : ف اي؟
عمر بقلق : نور عملت حادثه وف المستشفى
قام الكل مخضوضين واتحركوا ع المستشفى
......
ف المستشفى
كانت قاعده خديجه قدام باب العمليات.... لقت اهل نور داخلين يجروا
حازم : نور فين يا خديجه؟
خديجه ببكاء : لسه ف العمليات
مالك : هو اي اللى حصل
خديجه : احنا كنا ماشين عادي فجأه عربيه طلعت ف وشنا حاولت اتفادها معرفتش فالعربيتن دخلوا ف بعض
عمر : طب هي كويسه يعني؟... انتي شوفتيها؟
خديجه ببكاء: انا لما العربيه اتخبطت اضربت ف الدركسيون... اغمي عليا شويه ولما فوقت لقيت الناس ملمومه ع نور ولقيتها مرميه بره العربيه لان الخبطه فتحت الباب وهي وقعت... بس وشها كان مليان دم مشوفتش حاجه
فريده : استر يارب
دخل خالد وهو باين عليه انه متوتر
خالد بخوف : نور فين؟
خديجه : لسه ف العمليات
خالد : مستنتوش لي يا خديجه
بدأت خديجه تبكي تاني وجات الممرضه وكلمت خديجه
الممرضه : انتي سبتي اوضتك بردوا
خديجه : هطمن ع صاحبتي وارجع
هبه : روحي يا بنتي ارتاحي واحنا اول ما نطمن عليها هنطمنك
اتحركت خديجه ع اوضتها وقعد الكل يدعي لنور لحد ما خرج الدكتور
حاتم : طمني يا دكتور بنتي عامله اي
الدكتور : الحمد لله احنا لحقناها قبل ما تدخل ف نزيف ف المخ... الخبطه كانت جامده عليها
فريده ببكاء : الحمد لله يارب الحمد لله
الدكتور : بس ف حاجه
يزيد : خير
الدكتور : للأسف انها وقعت ع وشها دا أثر ع ملامحها... ومناخرها اتكسرت
جلنار : مش مهم يا دكتور دا احسن من النزيف وبعدين التجميل هيرجع كل حاجه زي ما كانت
الدكتور : مفيش حاجه بترجع زي ما ربنا عملها بعد ما الإنسان أتدخل فيها... اللي انا عايزه اقوله ان نور نفسيتها مش هتكون كويسه لازم تدعموها