ف اتليه اشليقعد مالك يفوق اشلي بالمايه بس مكنتش بتفوق ... اخدت رزان كوبايه المايه ورمتها عليها فصحيت مخضوضه
اشلي : اي ف اي.... انتوا! ... دخلتوا هنا ازي؟
جاسم : المفتاح كان ف شنطتك.... فتحنا و دخلنا
مالك : انتِ كويسه يا اشلي!
اشلي : انت تعرف الناس دي؟
مالك : اه اخويا ومراتى
اشلي : مراتك!.... انت متجوز المتوحشه دي
رزان : متوحشه!.... ولما اجيب شعرك كله ف ايدي دلوقت
جاسم بهمس : ابوس ايدك اهدي محتاجنها
مالك : انا بعتذرلك عن اللي هي عملته
اشلي : دي بيئه يا مالك
مالك بعصبيه : مسمحلكيش انك تغلطي فيها.... بقولك دي مراتي
اشلي : انا اسفه يا مالك بس انت مشوفتش....
مالك : خلاص يا اشلي.... هتجيبي الفستان ولا لا؟
اشلي : انا حضرته... تعالي نظبط المقاسات
راحت رزان معاها تقيس الفستان و راح مالك يلبس البدله وخرجت رزان لابسه الفستان وحاطه ميكب خفيف
رزان : اي دا بيلبسوه ازي
مالك : لما بقولك دبش بتزعلي.... شكلك حلو
رزان : بجد
مالك : يا بخت اللي انتِ من بخته
رزان : الولا حد يعني
مالك : اه... يلا يا قدري خلينا نتصور.... شكرا يا اشلي
اشلي : العفو
اتحركوا ع الجنينه وجاسم صورهم وبعدين غيروا لبسهم ورجعوا البيت تاني
......
ف اوضه فارس واسيل
كان فارس بيلبس واسيل قاعده بتلعب ع تلفونها قفلت التلفون وقعدت سرحانه شويه لحد ما قررت تتكلم
اسيل : فارس انا كنت عايزك ف موضوع
فارس : خير يا حبيبتي
اسيل : انا عايزه نروح نشوف بابي
فارس : هو نزل القاهره
اسيل : لا عايزه اروحله البلد
فارس : تمام روحي يومين بس
اسيل : انت مش هتجي معايا؟
فارس : لا انا مش فاضي عندي شغل
اسيل بعصبيه : هو انت دايما مش فاضي... ولا فاضي ليا ولا فاضي نروح نشوف اهلي
فارس : فيه اي يا اسيل!
اسيل : فيه اني زهقت وتعبت دايما ف الشغل ويوم ما بتفضي بنخرج مع العيله... انا فين من حياتك يا فارس.... طول اليوم ف شغلك وتجي متأخر تنام عشان تصحى تروح الشغل