الفصل الثاني والعشرون
فضل حاتم يلف ف القصر ويفتكر كل ذكرى ليه ف القصر دا... حس بحد واقف وراه لقاه عمر
عمر : احنا جاهزين يا بابا
حاتم : تمام يلا
عمر : هنرجع!
حاتم : وحياتك وانت واخواتك لنرجع
مشي حاتم مع عمر لقوا احمد واقف مع مالك وفارس
حاتم : ف اي
مالك : بيقول اننا مش هناخد العربيات اللي باسمك
حاتم : مش مهم يا مالك... عربياتكم موجوده
فارس : الحرس انا بلغتهم بس هما عايزين يتكلموا معاك
اتحرك حاتم ف اتجاه الحرس والخدامين اللي كانوا لمين حاجتهم
حاتم : ازيكم يا شباب
الكل : الحمد لله يا باشا
كبير الحرس : باشا احنا مش هنسيب حضرتك وهنجي معاك
حاتم : انا اللي هجلكم تاني ان شاء الله... مرتبكم الشهر دا هيوصلكم لحد عندكم
كبير الحرس : يا باشا احنا مش عايزين مرتب كل اللي هنا دول لحم كتافهم من خير حضرتك
حاتم : شكرا يا ابني... لينا عوده ان شاء الله
لف حاتم ورجع لعيلته لقوا يزيد وجاسم ونور وصلوا
وزعوا نفسهم ع عربيات مالك وعمر ويزيد وفارس وجاسم وراح عاصم مع جوليا ع قصرهم... كان حاتم قاعد ف العربيه جنب مالك لحد ما قابلتهم عربيه وقفت قدامهم فتحت الشباك ولقوا فايد ومعاه على ابتسم حاتم بسخريه وبص لفريده اللي كانت قاعده وراه ووطت رقبتها بخوف
......
ف بلد حاتم
وصلت العربيات ونزل الكل وبصوا للبيت اللي قدامهم
رزان : هو دا البيت الكبير!
مالك : لا دا بيت عمي العمده
رزان : اي دا انت عمك عمده
مالك : اه
رزان : يا حضره العمده ابنك حميده حدفني بالسفنديه
مالك : اهيه... والله ما عندنا دم
رزان : يا عم ربنا موجود قادر انه يرجعنا القصر دلوقت
مالك : عندك حق
بص الكل للبيت بعد ما سمعوا صوت حد بيصرخ وكانت الرجاله بتجري
راجل : ابعدوا... العجل اتفك
بعد الكل عن جنينه البيت ماعدا جاسم اللي كان لابس سماعه... حاول الكل يحذره وجاسم واقف يبصلهم مش فاهم لحد ما قرر يقلع السماعه واول ما قلعها لقى العجل قدامه جري والعجل بيجري وراه لحد ما لقى نفسه ف الترعه.... جري الكل ع جاسم لقوه بيحاول يطلع بعد ما هرب العجل
