الفصل الثامن والعشرون
كانت نونا بتقدم رقصتها وعمر قاعد بيخبي وشه منها لحد ما لقها قربت منه وقعدت ترقص حواليه
نونا وهي بتقرب منه : كنت عارفه انك جاي
عمر بهمس : ابعدي عني اخواتي قاعدين
نونا : انا حبيت بس اقولك اني لو عايزه اوصلك هوصلك حتى لو ف بيت خالك... عن اذنك
اتحركت نونا تكمل رقصتها لحد ما خلصت
فارس بهمس : مالك.. متجي نروح نكلمها
مالك : لا يا عم انا خايف
فارس : خايف من اي... هتاكلنا يعني... قوم
اتحرك فارس مع مالك يدورا ع نونا... لحد ما لقوها واقفه ع جنب بتشرب سجاير
فارس : احم... ينفع نتكلم
نونا : نعم
فارس : انا فارس اخو عمر ودا مالك اخويا
نونا بعصبيه : انت جاي تعرفني ع العيله... أنجز عايز اي
فارس : طب اهدي اهدي... انا جاي بس اقولك اننا ممكن نتكلم ونلاقي حل
نونا : واي هو الحل من وجه نظرك
مالك : كل واحد يروح لحاله... وتاخدي اللي انت عايزه
نونا : حلو... انا عايزه اخوك
فارس : مهو كدا مش هنوصل لحل
نونا : دا اللي عندي... والا روح لابو العروسه اللي هو عم مراته واقوله كل حاجه... خلي اخوك يفكر ويرد عليا... بس ميطولش لاني بزهق بسرعه
مالك : طب اي رايك ف 2 مليون
نونا بسخريه : فلوس اي دي اللي ادور عليها... انا معايا فلوس بميزانيه دوله... عن اذنكم
اتحركت نونا ووقف مالك وفارس يبصوا ف اثرها بحيره
مالك : شكلها مش سهله
فارس : خالص... وبعدين 2 مليون اي اللي عايز تدهملها
مالك : انا مالي... هو انا اللي هدفع
فارس : يعني تلبسه ف 2 مليون هو ناقص
مالك : انا حاولت اساعد
فارس : متحاولش تاني يا ابني
مالك : هو الرقص بيجيب ميزانيه دوله بجد
بصله فارس بصدمه واتحرك الترابيزه وشاور لعمر انها موافقتش
.....
ف بيت جوليا وعاصم
كانت قاعده جوليا ع الكرسي حضنه ابنها... جاه عاصم قعد ع ايد الكرسي
عاصم بهمس : نام؟
هزت جوليا راسها بهدوء… فاتحرك عاصم وشاله منها وحطه ف سريره ورجع قعد جنبها