شمس وعصافير وهدوء.... جو حلو اوي لأي حد الا انا.... احب اعرفكم بنفسي انا رزان او زيزي.... بصوا انا حبتكم فقولوا زيزي عادي.... المهم انا عايشه هنا ف امريكا بقالي حوالي 4 او 5 سنين زمانكم بتقولوا اه بقا غنيه وكدا.... اكتشفتوني بسرعه اوي ايوه انا بنت اغني اغنياء مصر.... بهزر بهزر انا ولا غنيه ولا حاجه انا بس كنت متفوقه ف دراستي لدرجه اني خدت منحه ادرس هنا عشان تحصلي احسن حاجه ممكن تحصل لانسان هتعرفوها بعدين.... المهم انا هسبكم دلوقت عشان اجيب فطار زمان تاليا بتشتمني عشان اتأخرت… دخلت السوبر ماركت وجابت الفطار اللي هي عايزه وبعدين رجعت تاني ع شقتها.... فتحتلها شابه ف نفس عمرها شايله طفل صغير..... ادتها الطفل بسرعه وأخدت منها الاكل وبدأت تاكل بشهيه كبيره
رزان : مفجوعه بتاكل
تاليا : والله حتى لو مش جعانه ابنك دا يجوع بلد
رزان : انت متأكده انك سوريه يا بت..... انا شاكه فيكي ؟
تاليا : اي يا عمري سوريه.... بس المصري معروف بجروبته بقا نعمل اي
رزان بكبرياء : ارضيتي غروري
تاليا : انا مش مصدقه انك نزلتي بالبيجاما بردوا
رزان : يا بنتي انا قولتلك مره البلد اللي محدش يعرفك فيها القرد ف عين امه غزال معروفه يعني ..... وبعدين حظي يضمنلي محدش يشوفني بالبيجاما
وقفت كلمها ع صوت دق ع الباب راحت رزان تشوف مين فبصت من العين عشان تصرخ وتدخل تجري وهي شايله ادم.. بصتلها تاليا باستغراب عشان تروح تفتح الباب
تاليا : ليونارد باشا اتفضل
مالك : شكرا.... فين صاحبتك؟
تاليا : بتغير هدومها عشان تلحقوا الطياره
مالك : قصدك البيجاما؟
تاليا : اي دا عرفت منين!
مالك : شوفتها وهي طالعه
تاليا بسخريه : حظ اه.... طب اقعد افطر
مالك : لا مش جعان استعجليها خلينا نمشي
دخلت تاليا وطلعت بعد فتره وهي شايله ادم وبدأت تبوسه قبل اما تديه لمالك اللي نزل بيه ومعاه الشنط .... خرجت رزان وهي بتظبط ف لبسها
رزان بابتسامه : شكرا يا تاليا.... مرخمه عليكي بقالي شهر
تاليا : لا تحكي هيك.... والله هشتاقلك كتير
رزان : وانا كمان.... المهم خلي بالك من نفسك علما ارجع
تاليا : حاضر.... بس ارجعي بسرعه
رزان : ماشي.... هتوحشيني اوي يا توتي
تاليا : وانت يا زيزي.... يلا.... يلا انزلي بسرعه عشان معيطش
رزان : ماشي سلام
نزلت رزان ركبت العربيه عشان يتحرك مالك للمطار
.......
