الفصل الثاني عشر
ف الحي
كان فارس متعلق من هدومه ع باب الورشه... و واقف جنبه مروان ومالك
فارس :نزلوني.... حد ينزلني
مالك : أخرس بقا مش انت اللي عملت فيها السبع رجاله ف بعض
فارس : انا اخوك يا ح. يوان ….. المفروض تدافع عني
مالك : لي عايزني اتعلق جنبك.... كفايه خيبه واحده
مروان : منكم لله كنت قاعد ف المالديف مع قمر بقيت ف حاره مع اشكالكم
فارس : ليله تتح بقت قمر
مالك : دنيا
صاحب الورشه : ما تسكت ياض انت وهو
فارس : حاضر يا سيد المعلمين... اسكت ياض
مالك : سكتنا
فارس : يا معلم... معلم... معلم
المعلم بعصبيه : عايز اي؟
فارس : نزلني والنبي وانا مش هعيد الغلطه تاني
المعلم : انت فاكر انك ممكن تعيدها!َ
جاه طفل صغير ووقف قدام صاحب الورشه
الطفل : جدو هو انت هتدبحه زي العجل
المعلم : لا يا حبيبي لحمه دا حرام بس ندبحه بردوا مفيش مانع
الطفل : طب عايز اتمرجح
المعلم : روح
راح الطفل ومسك ف رجل فارس وقعد يهز نفسه.... رجع عمر ومعاه على اللي اتصدموا من شكل فارس
على : مساء الخير يا معلم... عمل اي دا؟
المعلم : قل أدبه عليا وانا بربيه
عمر : معلش يا معلم نزله عندي دي
المعلم : مين الباشا
عمر : المقدم عمر الخديوي
المعلم : ماشي يا باشا عشان خاطر الحكومه بس
نزل رجاله المعلم فارس... وخدهم علي وقعد معاهم ع القهوه
عمر : بص يا علي
على : استنى يا باشا لازم تشربوا حاجه.... هاه تشربوا اي؟
فارس : هوت شوكلت
عمر : ف اي يا فارس هو انت عقلك خف لما اتعلقت... هات شاي واخلص
على : ماشي... 5 شاي يا ابني
عمر : المهم... تاخد كام وتخلع
على : اه يبقى القضيه وصلتكم
مالك : بالظبط.... تاخد كام بقا وتتهد لأنك كدا خسران القضيه وكدا خسران القضيه
على : بص يا زميلي... انا روحت مع الدكتور من الفراغ... بس بعد اما شوفت الراجل الكباره اتأكدت انه ابويا اصل الدم بيحن وانا مستحيل اسيب ابويا... اصل بردوا رضا الوالدين اهم من رضا البحراوي.... فمتحاولوش ولا مليون ولا اتنين
