الفصل السابع عشر
ف شقه خالد
قام خالد ع صوت خبط ع الباب... اتحرك من اوضته وفتح الباب وهو شبه نايم لقى عمر ومالك ف وشه
مالك : ازيك يا خالد عامل اي وحشتني يا راجل
خالد بتوتر : الحمد لله كويس
مالك : انت مش هتقولنا ندخل ولا اي
خالد : ازي اتفضلوا
عمر : معلش يا خالد عايز اشرب
خالد : حاضر... لحظه هو انتوا بتعملوا اي هنا
عمر : كنا معدين قولنا نطلع نطمن عليك
خالد : معديين من هنا!
عمر : شوف الصدف.... المايه
خالد : اه اكيد
عمر : روح دور عليه وانا هشغله
مالك : تمام
.......
ف الاوضه اللي نايم فيها جاسم
صحي جاسم ع صوت تلفونه اللي كان بيرن برقم خالد
جاسم : اي يا عم
خالد :عمر ومالك هنا
جاسم : هنا فين
خالد : ف الشقه
جاسم : اي... طب اقفل اقفل
قام جاسم بسرعه وقعد يدور ع مكان يستخبه فيه لحد ما سمع صوت حد بيقرب من الباب فتح الدولاب بسرعه وقعد فيه.... دخل مالك الاوضه وابتسم لما لقى السرير متبهدل... ف حد كان هنا يا جاسم او حد تاني بس ف حد هنا... بدأ مالك يدور عليه لحد ما فتح الدولاب
مالك : ازيك
جاسم : الحمد لله
مالك : بتعمل اي هنا
جاسم : بتشمس
مالك : حلوه الشمس
جاسم : جدا
مالك : طب اطلع
طلع جاسم وجرى ع البلكونه
مالك : هتنط من البلكونه يا ابن الهبله عشان متجيش معانا
جاسم : اه هنط ملكش فيه
بص جاسم تحت لقى المسافه عاليه بينه وبين الارض ازي نسي انه ف الدور الرابع
جاسم بهمس : عاليه اوي... انا اي اللي خلني اعمل فيها شجيع السيما
مالك : متنط واقف لي
جاسم : استغفر الله العظيم عايزني انتحر.... ابعد من وشي ابعد
خرج جاسم من الاوضه لقى خالد بيدي المايه لعمر..... واول ما عمر شافه قلع الحزام بتاعه وقام يجري ورا خالد
عمر : بقى انا بقولك أمته اخر مره شوفته تقولي من جوالي اسبوع وانت بقالك يومين بس مش بتجي الشغل
