الفصل العشرون
تاليا : معجب بيا ازي
يزيد : اول مره ف حياتي ابقى متعلق بحد كدا.... اول مره ابقى حابب حد يبقى موجود ف حياتي بالدرجه دي ... متسافريش يا تاليا
تاليا : انا لازم اسافر لاني عندي شغل.... وانا محتاجه افكر ف الموضوع
يزيد : عندك حق... لو موافقه ارجعي.... لو مش موافقه خليكي ف امريكا
تاليا : خلاص اتفقنا
خرج الاتنين من الاوضه وراحت تاليا اوضه مالك ورزان.... خبطت تاليا بهدوء وفتحت رزان اللي كانت لابسه فورمال... دخلت تاليا وقفلت الباب بصتلها رزان بتعجب من هدوئها بس اتصدمت لما لقت تاليا بتصرخ وبتتنطط
تاليا بفرحه : قالي معجب بيكي
رزان : يزيد؟
تاليا : ايوه
رزان : حلو وانتِ قولتيله اي
تاليا : قولته سبني افكر
رزان : لي ما انت بتحبيه
تاليا : لازم مبانش اني مدلوقه عليه
رزان : مدلوقه!.... دا انا خطر فعلا.... عموما جدعه.... مش هتسافري بقا صك؟
تاليا : دا انا لو مكنتش هسافر لازم اسافر
رزان : كفايه تقل يا حاجه
تاليا : متخفيش انا مش هبله زيك هضيعه من ايدي
رزان : اضيع مين؟
تاليا : مالك مثلا
رزان : ماله
تاليا : متقوليش انك مش واخده بالك انه بيحبك
رزان : اي الهبل دا
تاليا : والله ما حد اهبل غيرك... خليكي كدا لحد ما تضيعه انا مسافره سلام
رزان : سلام
خرجت تاليا من الاوضه وقعدت رزان تفكر ف كلامها قبل ما يجي مالك وتمشي معاه ع الشغل
......
عند جاسم
رجع جاسم بعد ما وصل خالد وطلع غير لبسه وراح لنور اللي قالتله انها هتنام ومش هتقدر تروح المحاضره فنزل هو عشان يروح قابل روان ع السلم
جاسم : خارجه؟
روان : ايوه عندي درس
جاسم : فين؟
روان: ف السنتر
جاسم : لا يا شيخه... طب يلا اوصلك
روان : توصلني فين؟
جاسم : السنتر
روان: لا شكرا انا هعرف اروح لوحدي وبعدين مش هينفع اركب معاك العربيه
جاسم : انتوا متأكدين انكم اخوات صح؟
روان : ايوه متأكدين
جاسم : طب عمو عادل نسي يربي رزان ورباكي يعني
