الفصل التاسع
ف جامعه يزيد
كان واقف يزيد يشرح للطلبه المحاضره كعادته قبل ما يسمع صوت خبط ع باب المدرج
يزيد : ادخل
دخلت بنت لبسه فستان قصير حاطه مكياج مسشوره شعرها (مش عارفه لقت وقت لكل دا أمته ) وراحت قريب من يزيد
البنت بدلع :sorry يا دكتور راحت عليا نومه
يزيد بقرف : ادخلي يا سالي... ادخلي واقعدي مكانك من غير صوت
سالي : حاضر يا دكتور
دخلت سالي قعدت قدام يزيد وفضلت مركزه معاه لحد ما يزيد خلص وراحت وقفت قدامه...وفيه بنت جات تسأل يزيد ع سؤال بصتلها سالي بتحذير فمشيت البنت بسرعه
سالي بدلع : دكتور حضرتك فاضي
يزيد وهو بيقلدها : لا مش فاضي
سالي : لي كدا بس يا دكتور
يزيد : سالي انا السبب الوحيد اللي مخليني متحملك ان باباكي صاحب بابا فبلاش تسوقي فيها
سالي : يزيد انا....
يزيد : دكتور يزيد.....وعن اذنك انا مش فاضي
خرج يزيد من المدرج ووقفت سالي تبص عليه
سالي : ماشي يا يزيد اما نشوف اخرتها معاك
......
ف مكتب حاتم
قام حاتم بهدوء ووقف قدام دكتورعزت وبصله بابتسامه قبل ميرفع الفازه ويحدفها عليه.... جري عزت داخل مكتب حاتم... وفضل حاتم يشتم فيه ويحدفه بكل حاجه تجي ف ايده لحد ما السكرتيره نادت ع مالك وفارس اللي جم ووقف عزت وراهم
حاتم بعصبيه وهو بيخرج مسدسه من جيبه : ابعدوا من قدامه هقتله
مالك : ف اي يا بابا
عزت : والله يا حاتم باشا انا بقولك اللي حصل
حاتم : انت عايز تفهمني ان بعد اكتر من 20 سنه انه مش ابني... التطابق الزفت اللي انت عملته دا تحطه ف الزباله وتنساه... فاهم!
عزت : يا باشا احنا لو دورنا....
حاتم : انا مش عايز ادور... اطلع بره ومش بره المكتب بس لا بره حياتي الا اقسم بالله هقتلك
خرج عزت يجري ودخلت فريده اللي اتصدمت من شكل المكتب المتبهدل
فريده : اي اللي حصل هنا
حاتم : مفيش حاجه يا حبيبتي... انتِ اي اللي جابك؟
فريده : مش كنا هنروح لبابا رزان نكلمه
حاتم : اه صح...طب يلا بينا
دخل حاتم المسدس ف جيبه واخد الجاكت بتاعه وخرج مع فريده