الفصل الثلاثون
رزان : مالك يا روان
روان : مش عايزه اتجوز خلاص... انا عايزه اروح مع بابا
رزان : انا متفهمه انك خايفه بسبب التجربه اللي مرينا بيها... بس صدقيني حازم بيحبك وهو اكتر واحد هيخاف عليكي وع زعلك... روان انتي مش اختي وبس انتي بنتي الكبيره ومصلحتك اهم حاجه عندي ومصلحتك مع حازم صدقيني
روان : انتي شايفه كدا
رزان : اه... متخفيش كدا واستمتعي بكل حاجه ف حياتك عشان اللحظه اللي هتعدي مش هترجع تاني
روان : تمام انا جاهزه
قامت رزان نادت ع البنات ووقفت تتفرج اختها وهي بتجهز لحد ما لبست الفستان فسبتها وراحت تلبس هي كمان
....
ف جنينه القصر
كانت واقفه ايه شايله بنتها وبتتفرج ع التجهيزات... حست بحد وراها لفت تشوف مين لقته عمر... اتحركت بعيد عنه بس عمر وقف قدامها
عمر بحزن : ايه عشان خاطري اسمعيني
ايه بعصبيه : عايز اي؟
عمر : مش كفايه بقا يا ايه... انا بقالي شهر بتعذب من بعدي عنك انتي واولادنا... ايه انا كان نفسي اشاركك اللحظات دي واولادنا بيكبروا نفسي وانا جنبك... عشان خاطري اديني فرصه
ايه : روح شارك الرقاصه اللحظات دي
عمر : والله يا ايه غلطه وندمان عليها
ايه : خليك ندمان بقا
كانت ايه هتتحرك قبل ما تسمع صوت فريده اللي نادتها
فريده : ايه... سبي زينه مع عمر وتعالي المطبخ بسرعه عايزاكي
ايه : هجبها وجايه
فريده : لا لا بلاش ف ناس كتير عشان التنفس
فكرت ايه شويه قبل ما تحط زينه ف ايد عمر وتمشي
وقف عمر يبص لبنته بفرحه.... دي تقريبا اول مره يشلها
عمر بحنان : شكلك قمر اوي يا قلب بابا... شبه مامي ودي احلى حاجه
كشرت زينه بحزن
عمر : خلاص خلاص متزعليش... انتي قمر من غير حاجه... شوفتي مامي بتعمل فيا اي.. تعبتني معاها اوي بس معلش انا هستحمل كله عشانك انتي واخوكي وهي
وقف عمر شايل بنته... خايف عليها بيحميها اكنها جوهره خايف عليها من الناس
.....
ف غرفه ليله
كانت واقفه ليله شايله زين وبتحاول تسكته دخل مروان فجريت عليه ادته زين
ليله : شيله شويه لما البس الفستان انا اتأخرت
مروان : وصلك ازي؟
