الفصل السادس عشر
حاتم : انت بتقول اي يا مالك
مالك : لقيت أوضه جاسم فاضيه وفيها الورقه دي
اخد حاتم الورقه من مالك وقراها وبعدين طبقها بعصبيه
فريده ببكاء : فيها أي الورقه دي
حاتم : ابنك بيقول انه هيرجع للحياه اللي المفروض يكون فيها وان مكانه مش هنا.... وديني لاعيد تربيته تاني
عمر : نعرف هو راح فين الاول
حاتم : تقلب الدنيا عليه وتجيبه من تحت الارض... فاهم يا عمر
خرج اولاد حاتم ومعاهم عاصم ووقف على يبتسم بخبث.... لف حاتم وبص لفريده اللي عنيها امتلت بالدموع
حاتم : جاسم منزلش ياكل امبارح لي يا فريده
بصتله فريده بخوف وسكتت
حاتم : كنتي عارفه؟
فريده ببكاء : والله ابدا... هو متخانق مع نور مش اكتر
جلنار : فريده انتِ بتخبي اي... هو مشي عشان كلام على معاه
لف حاتم وبص لعلي اللي اتخض.... كان متأكد ان فريده مش هتقول حاجه بس متوقعش أن جلنار تتكلم
حاتم : انت قولتله اي؟
على : انا.... انا مقولتش حاجه
حاتم : قال اي يا جلنار
جلنار : قاله انه سرقه حياته وكلام من دا
لف حاتم وبص لعلي بغضب قبل ما يرجع يبص لفريده
حاتم : بتخبي ع دا!.... اوعي تكوني مقتنعه انه ابنك بجد
فريده :الناس كلها مقتنعه الا انت... اقتنع بقا يا حاتم.... وبعدين قولي اعمل اي!.... واحد حته مني والتاني انا اللي ربيته... قولي المفروض اعمل اي... أقف مع مين فيهم!
حاتم : عبيطه وهتفضلي طول عمرك عبيطه
فريده : انا عبيطه يا حاتم! .... صح عندك حق... ما انا عبيطه لما واقفت اني اتجوزك.... لما كنت عارفه انك مريض ومع ذلك رميت الموضوع ورا ضهري
حاتم : مريض!
فريده : ايوه... مريض نفسي.... عايز كل حاجه ليك حتى لو كانت مش بتاعتك فاكرنا كلنا عرايس وتتحكم فيهم زي ما انت عايز.... حولتنا كلنا لعرايس ف مسرحيه انت المخرج بتاعها واللي بيغلط بيتعاقب وكلنا خايفين نتعاقب
سكت حاتم ثوان قبل ما يرد
حاتم : تمام.... جاسم يرجع واطلعك من المسرحيه دي.... ولو حد تاني عايز يطلع منها يقول... فركش
سابهم حاتم وراح قعد ف مكتبه وقعدت فريده تعيط.... رجع الشباب بعد فتره وخرج حاتم من مكتبه
عمر : ملقنهوش ف اي حته ممكن يكون فيها
حاتم : يعني اي!.... حاتم الخديوي اللي الحكومه بتجيله لما متلاقيش اللي عايزنه مش قادر يلاقي إبنه