الفصل الثالث والعشرون
نزل جاسم يجري قابل عمر ومالك اللي كانوا نازلين بردوا... وقف التلاته مصدومين وهما شافين حاتم بيطلع بندقيه باباه وبيوجهها ع خالد
عمر : بابا... انت هتعمل اي... ابعدها من وشه... الا تكون بايظه وترد فيك
مالك : وبالنسبه لانه هيقتل خالد عادي
عمر : لا اكيد مش عادي بس ف أولو....
جاسم : انتوا بتتناقشوا ف اي... الواد هيموت
جري عمر اخد البندقيه من ايد والده ووقف جاسم ومالك قدام خالد
حاتم بعصبيه : ابعدوه عنه يا ك*لاب.... وانت هات البندقيه
مالك : صل على النبي طيب... هو عمل اي
حاتم : جاي عايز يتجوز
عمر : الف الف مبروك يا حبيبي ربنا يتملك ع خير
حاتم : يتجوز نور اختك
عمر : نهار ابوك اسود ابعد ياض انت وهو من قدامه خليني اقتله
خالد : يا باشا والله انا مطمعان ف حاجه
عمر : مبقاش ف حاجه تطمع فيها اصلا... ابعد ياض قولت
نزل فارس مع ستات العيله وبص للكل بصدمه
فارس بتوتر : صباح الخير
بصله حاتم بغضب هو وعمر
فارس : هو... هو ف اي
عمر : خالد جاي طالب ايد نور
فارس : اي يا خالد الغباء دا حد يجي يطلب إيد حد الساعه 9 الصبح
حاتم : وبالنسبه انه عايز يتجوز اختك عادي!
فارس : اي اللي فيها خالد من الشخصيات المحترمه وبعدين الاول ع دفعته دايما وممكن يتعين معيد وبعدين دكتور زي يزيد
خالد : مهو انا مردتش اجي غير لما اتعينت والله
مالك : انا مع فارس علفكره
جاسم : وانا كمان
حاتم وهو بياخد البندقيه من عمر : يبقي انتوا اللي حكمتوا ع نفسكم تموتوا معاه
خالد : طب استني... استنى... اسأل نور لو قالت مش موافقه خلاص لو وافقت اقتلنا كلنا
بص حاتم للستات وشاور لفريده بالبندقيه تبعد... بعدت فريده بخوف وظهرت نور اللي كانت مستخبيه وراها... يصلها حاتم وهو رافع البندقيه ف اتجاهها
حاتم : اي رايك ف اللي بيقولوا خالد باشا
نور : انا... انا... انا
رزان : انا مش عارفني انا توهت مني انا مش انا
نور : لا انا..
اسيل : انا الزمن هدني ولا حد بيودني!
بصتلها نور وهزت راسها بلا
