الفصل الخامس عشر
ف كليه خالد
خرج وهو مبسوط بعد آخر امتحان وخرج تلفونه يرن ع نور يطمنها بس ابتسم لما لقاها واقفه قدامه
نور : مقدرتش استنى لما ترن عليا جيتلك
خالد : جاسم سابك تجي عادي؟
نور : جاسم مصدوم من اللي حصل ومش مركز ف حاجه قولتله هروح مشوار
خالد : تمام.....يلا عشان ارجعك جامعتك
نور : عملت اي ف الامتحان؟
خالد : الحمد لله كان سهل
نور :كويس النتيجه تظهر وتجي تتقدم لبابي ونخلص بقا
خالد : نور... احنا هنأجل الموضوع دا شويه
نور : لي؟
خالد : انا عايز اشتغل شويه لحد ما جيب شقه ف منطقه كويسه وكمان عشان ابقى قادر ع طلبات والدك
نور : طب ما انت بتشتغل عندنا بقالك فتره وكمان بتدرب ف شركه صاحبك عشان تجمع الفلوس
خالد : نور الصراحه انا.....
نور : الفلوس اللي انت كنت بتجمعها فين يا خالد
خالد : انتِ عارفه ان عمي هو اللي مربيني بعد موت والدي
نور : تمام
خالد : هو كان بيساعدني كتير وهو كمان اللي جابني اشتغل عندكم.... كان بيجوز بنته ومحتاج فلوس وانا قررت اساعده
نور : اديته جزء من الفلوس؟
خالد : اديته الفلوس كلها
نور : انت مجنون ازي تعمل كدا..... دا تعبك طول الاربع سنين
خالد : هو تعب معايا كتير
نور : تمام تشكره وتديله جزء من الفلوس... مش كل تحوشيتك اللي هتخلينا نبقى مع بعض
خالد: هشتغل تاني
نور ببكاء : موت يا حمار
مشيت نور وهي بتعيط وجرى خالد وراها
خالد : ف اي؟.... بقولك اللي رباني اتخلى عنه
نور : لا ازي اتخلى عني انا
خالد : انا اتخليت عنك!.... ما انا واقف معاكي اهوه وهشتغل ليل نهار عشانك
نور : اتخليت عني لما فضلتهم عليا وانت عارف ان اهلي بيضغطوا عليا واني بيتقدملي بدل الواحد 100 وكلهم كويسين
خالد : نور اصبري شويه
نور : انا تعبت من الصبر بقالي 4 سنين صابره... بسمع كلام منك وبس لدرجه اني شيكت انك مش بتحبني
خالد : انا مبحبكيش!
نور : ايوه مبتحبنيش.... الحب مش مجرد كلام اللي بيحب حد بيعمل مش بيقول بس